De conformidade co disposto no apartado 9.5 da orde do 14 de febreiro de 1996 (DOG do 27), pola que se convocaba procedemento de selección para a adquisición da condición de catedrático nos corpos de profesores de ensino secundario, de escolas oficiais de idiomas e de artes plásticas e deseño.

A Consellería de Educación e Ordenación Universitaria,

DISPÓN:

Primeiro.-Facer pública a relación dos aspirantes que adquiren a condición de catedrático nos corpos de profesores de ensino secundario, profesores de escolas oficiais de idiomas e de artes plásticas e deseño, nos anexos I, II e III desta orde, respectivamente.

Segundo.-De conformidade coa disposición adicional décimo sexta, punto 3, da Lei 1/1990, do 3 de outubro, de ordenación xeral do sistema educativo, a condición de catedrático adquírese con carácter persoal e, en consecuencia, non se perde

por acceso a outro corpo docente, excedencia voluntaria, servicios especiais ou outra circunstancia que non implique a perda definitiva da condición de funcionario de carreira.

Terceiro.-Os funcionarios docentes que adquiran a condición de catedrático terán dereito a percibi-lo nivel 26 de complemento de destino e a compoñente xeral do complemento específico.

Cuarto.-Os efectos económicos e administrativos da adquisición da condición de catedrático serán desde o 1 de outubro de 1996.

Quinto.-Os profesores participantes neste concurso de méritos poderán retira-la documentación presentada, por eles mesmos ou por medio de persoa autorizada, no Servicio de Profesorado de Esninanzas Secundaria e Especiais da Consellería de Educación e Ordeanación Universitaria (San Caetano, Santiago), no prazo dun mes contado a partir de transcorridos dous meses desde a publicación da presente orde.

Santiago de Compostela, 7 de agosto de 1996.

Celso Currás Fernández

Conselleiro de Educación e Ordenación Universitaria

4883