En virtude do acordado en resolución do día da data, dictada no procedemento abreviado número 431/1995, dirixo a presente cédula co fin de que se proceda á súa inserción e publicación no Diario Oficial de Galicia, da sentencia que ten o encabezamento e decisión que, copiado literalmente, di como segue: «No procedemento abreviado número 431/1995, instruído polo Xulgado de Instrucción número cinco desta cidade, polo delicto de roubo, contra o acusado José María González Soto, nacido o 29 de novembro de 1973, fillo de Francisco e Josefa, natural de Pontevedra e veciño de Santiago de Compostela, con domicilio na rúa Bruselas, bloque 10, portal 2-baixo F; con antecedentes penais, do que non consta a súa solvencia e en liberdade provisional por esta causa, defendido pola letrada Esmeralda Pazo Esparís e representado polo procurador Francisco Chenlo Méndez, sendo parte o Ministerio Fiscal». E decido que debo condenar e condeno a José María González Soto como autor dun delicto de roubo con
forza nas cousas, en grao de tentativa, no que concorre a circunstancia agravante de reincidencia, á pena de trescentas mil pesetas de multa, con arresto substitutorio de 30 días no caso de non pagamento, e custas. Indem
nizará a Francisco Ríos Seoane en 34.500 pesetas por danos.
Notifíqueselle-la seguinte resolución ás partes, prevíndoas de que contra ela poderán interpor, ante este xulgado, recurso de apelación no prazo de dez días. Unha vez firme, participaráselle ó Rexistro Central de Penados e Rebeldes, para os efectos oportunos.
Así, por esta miña sentencia, da que se unirá certificación ás actuacións orixinais para a súa notificación e cumprimento, definitivamente xulgando, pronúncioo, mándoo e asínoo.
E para que lle sirva de notificación ó condenado José María González Soto, expido e asino a presente cédula en Santiago de Compostela, o doce de xuño de mil novecentos noventa e seis.
O secretario
Rubricado
6198