De conformidade co disposto no artigo 8.d) da Lei 7/1995, do 29 de xuño, 124 do Real decreto lexislativo 171992, do 26 de xuño, e 134 e 153 do Real decreto 2159/1978, do 23 de xuño, faise público o acordo adoptado polo Pleno deste concello en sesión do 20 de marzo de 1996, o que se transcribe a continuación:
Aprobación definitiva do proxecto de ampliación de solo urbano de Riotorto.
O secretario, de orde da presidencia, dálle conta ó Pleno do estado actual do expediente para a aprobación do proxecto de ampliación de solo urbano de Riotorto.
Considerando que o citado proxecto foi aprobado inicialmente polo Pleno deste concello en sesión extraordinaria do 21 de xuño de 1988.
Considerando que, sometido a información pública o referido proxecto por prazo dun mes mediante edictos insertos no BOP e no xornal El Progreso, non se presentou reclamación ou alegación ningunha.
Considerando que a aprobación provisoria a realizou o Pleno en sesión ordinaria celebrada o día 7 de setembro de 1988.
Considerando que a deputación provincial emitiu informe favorable sobre este.
Considerando que, remitido o expediente á Comisión Provincial de Urbanismo co obxecto da aprobación definitiva da ampliación de solo urbano de Riotorto, esta comisión acordou, en sesión celebrada o día 30 de maio de 1989, suspende-la aprobación definitiva do expediente en tanto non estivese executada a urbanización.
Considerando que este concello xustificou ante a dita comisión a realización das obras de urbanización.
Considerando que a Lei 7/1995 establece no seu artigo 2 o seguinte: «A competencia para a aprobación definitiva dos proxectos, plans, normas ou programas de ámbito municipal que a lexislación urbanística lle atribúe a Comunidade Autónoma queda asignada en réxime de competencia delegada nos concellos respectivos».
Considerando que a disposición transitoria primeira da lei citada establece: «Os plans, proxectos, normas ou programas de ámbito municipal en tramitación á entrada en vigor da presente lei, aprobaraos definitivamente o concello respectivo, despois do informe preceptivo e vinculante previsto no artigo 7 desta lei».
Considerando que, por instancia deste concello, a Consellería de Política Territorial, Obras Públicas
e Vivenda, Dirección Xeral de Calidade Medioambiental e Urbanismo emitiu informe favorable sobre o proxecto.
Visto o informe da secretaría emitido ó respecto, informe unido ó expediente respectivo e no que se sinala que se cumpriron tódolos trámites e prescricións legais co obxecto da aprobación por este concelllo da ampliación de solo urbano de Riotorto.
A Corporación municipal, por unanimidade en votación ordinaria dos seus membros presentes, nove dos once que compoñen o Pleno e co quórum legalmente esixible do número legal de membros desta, acordou:
1º. Aprobar definitivamente o proxecto de ampliación de solo urbano de Riotorto.
2º. Proceder á publicación deste acordo no BOPe no DOG, comunicándolle esta á Consellería de Política Territorial, Obras Públicas e Vivenda.
3º. Remitirlle á consellería citada toda a documentación sinalada no artigo 8 d) da Lei 7/1995.
Descrición da modificación.
A liña delimitadora do solo urbano estaá sinalada actualmente segundo o segmento AB, concidente coa aliñación interior da variante.
É obvio que tal vía tanxencial, a punto de construírse, determina, en virtude dos servicios que leva consigo, o asentamento de solo urbano.
Por outra parte, segundo a liña CD está establecida a separación entre o núcleo urbano e a superficie obxecto da concentración parcelaria.
A separación da liña CD respecto á aliñación exterior da variante é de 30 a 40 m de fondo razoable para efectos de ampliación de solo urbano.
Por todo isto considérase que a ampliación de solo urbano desde a liña AB ata a liña CD é harmónica e racional, quedando definido como tal todo o espacio do núcleo urbano ata o comezo da área de concentración.
Dimensións e réxime do solo.
A superficie de ampliación é de 0,525 ha. e está xeometricamente definida por un cuadrilátero do que as súas dimensións menores son 30 e 40 m e as maiores da orde de 150 metros.
O réxime urbanístico é propio do contorno contido no proxecto de delimitación de solo urbano, no que se sinalaba con carácter suxerente a ordenanza UM: usos mixtos para o contorno, extensible á superficie de ampliación.
Riotorto, 9 de maio de 1996.
José López Cabodevila
Alcalde
4583
