De conformidade co disposto no artigo 59.4º da Lei do 26 de novembro de 1992 (BOE de 27 de novembro), de réxime xurídico das administracións públicas e do procedemento administrativo común, notifícaselle as persoas que no anexo se mencionan, que con esta data resolvín publicar o acordo de iniciación do procedemento sancionador por infracción a Lei 7/1992, do 24 de xullo, de pesca fluvial de Galicia (DOG nº 151, do 5 de agosto de 1993), por non ser posible a notificación a través do servicio de correos.

Noméase instructor deste procedemento a José Ángel Madarro Río, funcionario desta delegación; podendo ser recusado en calquera momento do expediente de concorrer os supostos legais.

Os interesados disporán dun prazo de quince días, contados a partir do seguinte o da publicación desta notificación, para aportar, por escrito, cantas alegacións, documentos, informacións ou propostas de probas consideren convenientes en defensa dos seus dereitos.

Conforme ó establecido no artigo 13.2º do Regulamento de procedemento para o exercicio da potestade sancionadora, de 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pago voluntario porá fin ó expediente. Para efectualo deberá empregar os impresos normalizados que lle serán facilitados na Delegación Provincial de Lugo, Ronda de la Muralla, 197.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

ANEXO

-Expediente: P-86/1996.

Denunciado: Óscar Fernández López.

Último enderezo coñecido: Avda. do Generalísimo, 88.- A Pontenova (Lugo).

Feitos imputados: practica-lo deporte da pesca con cana non respetando as limitacións de tamaño fixadas pola Orde do 16-2-1996 (DOG do 29-2)

da Consellería de Agricultura, Gandería e Montes, o ter capturado 1 troita de tamaño inferior o regulamentario e non devolvela o río. Feitos ocorridos o 31-3-1996 no río Lamas-tramo de Naraxa.

Precepto sancionador: artigo 33.9º da Lei 7/1992, de pesca fluvial de Galicia.

Cualificación da infracción: leve.

Sanción: 10.000 ptas. de multa e 3.000 ptas. de indemnización por danos e perdas segundo a valoración feita polo Servicio M.A.N.- Lugo.

-Expediente: P-106/1996.

Denunciado: Francisco Sáez Delgado.

Último enderezo coñecido: c/ Riera Blanca, 184 - Hospitalet (Barcelona).

Feitos imputados: practica-la pesca con máis canas das permitidas (sete canas) e utilizando sedelas dormentes (once), tendo pescado dez troitas. Feitos constatados o día 11-4-1996 no encoro de Negueira-Lugo.

Precepto sancionador: artigo 33.4º e 35.5º da Lei 7/1992, de pesca fluvial de Galicia.

Cualificación da infracción: grave.

Sanción: 500.001 ptas. de multa, 50.000 ptas. de indemnización por danos e perdas segundo a valoración feita polo Servicio M.A.N.- Lugo e inhabilitación para opte-la licencia de pesca de un ano e un día.

Lugo, 4 de xuño de 1996.

José Ramón Molinero Senovilla

Delegado Provincial de Lugo

5181