Visto o expediente do convenio colectivo para a empresa Faro de Vigo, S.A., que tivo entrada nesta delegación provincial o día 22-5-1996, subscrito en representación da parte económica por unha representación da empresa, e da parte social, polo comité de empresa, en data 3-5-1996. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no Diario Oficial de Galicia.
Vigo, 24 de maio de 1996.
Antonio Coello Bufill
Delegado provincial de Pontevedra
Texto do convenio colectivo de Faro de Vigo, S.A. e os seus traballadores para 1996
Artigo 1º.-Ámbito territorial.
O ámbito de aplicación do presente convenio é o da empresa e por iso afecta unicamente ós centros de traballo de Faro de Vigo, S.A.
Artigo 2º.-Ámbito persoal.
O convenio afecta á totalidade do persoal fixo que preste servicios na empresa, tanto se realiza unha función técnica ou administrativa como se só presta un esforzo físico ou de atención. O persoal de calquera categoría que no sucesivo entre a prestar servicios na empresa quedará sometido a este convenio.
Artigo 3º.-Vixencia e duración.
As normas deste convenio terán vixencia desde a data da súa publicación ata o 31 de decembro de 1996. Non obstante, os efectos económicos comezarán desde o primeiro de xaneiro último e ata o 31 de decembro de 1996.
Artigo 4º.-Denuncia do convenio.
Extinguido o período de vixencia, o convenio entenderase prorrogado de ano en ano, perdendo vixencia
soamente as súas cláusulas obrigacionais, manténdose en vigor o seu contido normativo, agás se algunha das partes que o subscribiran o denunciase cunha antelación de tres meses á expiración da súa vixencia ou de calquera das prórrogas.
Artigo 5º.-Vixilancia e cumprimento do convenio.
De conformidade co establecido no artigo 85 d) do Estatuto dos traballadores, constituirase unha comisión paritaria para a vixilancia e cumprimento deste convenio, que estará integrada por tres representantes designados pola empresa e tres traballadores designados polo Comité.
Artigo 6º.-Réxime de traballo.
É facultade exclusiva da empresa canto se refire á organización práctica do traballo nesta. Por conseguinte, á empresa correspóndelle a distribución do persoal, conforme a súa categoría profesional e ó cambio dos seus labores, cando, por causas xustificadas, así o aconselle o interese da propia empresa.
Igualmente será facultade da empresa modifica-los horarios de todos e cada un dos traballadores por conveniencia do servicio, logo do informe ó comité de empresa. De existir disparidade de criterios someteríase á aprobación da delegación provincial da Consellería de Traballo.
A xornada de traballo na empresa é a sinalada no artigo 71 da ordenanza laboral de traballo en prensa, co criterio semanal do Estatuto dos traballadores.
Artigo 7º.-Clasificación do persoal.
Segundo a permanencia ó servicio da empresa e función desempeñada, será clasificado o persoal que preste a súa actividade nela. Clasificarase en fixo e a tempo parcial ou celebrando contratos de duración determinada.
Persoal fixo: é aquel que precisa de modo permanente para realizar traballos de tal carácter.
Persoal contratado a tempo parcial ou con contratos de duración determinada: son os definidos e a que se refiren os artigos 12 e 15 do Estatuto dos traballadores, en relación coas disposicións vixentes de concordancia.
Artigo 8º.-Organización da producción.
As partes que interveñen neste convenio, empresa e traballadores, determinan de común acordo que a productividade tanto da man de obra como a dos demais factores que interveñen na empresa, constitúe un dos medios principais para a elevación do nivel de vida.
Artigo 9º.-Retribución do persoal.
As cantidades percibidas polos traballadores en 31 de decembro de 1995, que corresponden a conceptos retributivos que veñen sendo mellorados polo convenio colectivo do dito ano e anteriores aumentarase nun 4,5% (catro e medio por cento), desde o 1º de xaneiro ata o 31 de decembro de 1986.
Artigo 10º.-Plus de nocturnidade.
Os traballadores que dun modo continuo ou periódico presten os seus servicios entre as 22 e 6 horas, percibirán en concepto de plus de nocturnidade o 20% do salario ordinario. Este plus, nas diversas modalidades e contías establecidas, regularase polo disposto no artigo 60 da ordenanza laboral de traballo en prensa, aprobada por Orde do 9 de decembro de 1976, rectificada, e a nova redacción dada ó dito texto legal pola Orde do 23 de maio de 1977.
Non obstante, percibirase o plus de nocturnidade na vacación anual regulamentaria que regula o artigo 63 da citada ordenanza, pola mesma cantidade cá acreditada no anterior mes de actividade normal a aquel no que se desfrute a dita vacación regulamentaria de 30 días naturais ininterrompidos.
Artigo 11º.-Permisos.
As ausencias ó traballo con dereito a remuneración que, logo do aviso e xustificación, o artigo 37 tres b), da Lei 8/1980, do 10 de marzo, lle concede ó traballador en caso de enfermidade grave ou falecemento de parentes ata o segundo grao de consanguinidade ou afinidade establécese por un período de tres días, ampliable a cinco días se necesita facer un desprazamento para o efecto. Así mesmo, a ausencia prevista por causa de traslado de domicilio do artigo 37 tres c) do Estatuto dos traballadores, con dereito a remuneración, establécese en dous días.
Artigo 12º.-Vacacións.
Todo o persoal suxeito a este convenio desfrutará dunha vacación anual retribuída de 30 días naturais ininterrompidos, de acordo co artigo 63 da vixente ordenanza laboral de traballo en prensa e, precisamente, entre os meses de maio a outubro, ambos incluídos. A empresa incrementará este período de vacacións en tantos días laborables (para desfrutar separadamente dos 30 regulamentarios) como festas aboables e non recuperables traballara o traballador, de acordo co parágrafo segundo do artigo 64 da ordenanza laboral de traballo en presa e a lexislación vixente.
Así mesmo, concédese unha gratificación a todo o persoal, na data de comezo das súas vacacións regulamentarias, que será de 55.000 ptas. (cincuenta e cinco mil) brutas, para o persoal que realiza unha xornada de 6 horas; e de 32.000 (trinta e dúas mil) pesetas brutas para o que realiza unha xornada de 2 horas.
Artigo 13º.-Pagas extraordinarias.
Haberá que aterse ó disposto no artigo 62 da vixente ordenanza laboral de traballo en prensa.
Artigo 14º.-Participación en beneficios.
Aboaranse segundo o establecido no artigo 65 da Ordenanza laboral de traballo en prensa.
Artigo 15º.-Complemento por enfermidade ou accidente.
En caso de baixa por enfermidade ou accidente de traballo, o persoal percibirá unha cantidade complementaria (consistente na diferencia entre as remuneracións líquidas que percibe en activo e as per
cepcións que lle corresponden da Seguridade Social), nas datas que a xuízo do servicio médico da empresa non se encontre en condicións de asistir ó traballo a causa de enfermidade ou accidente.
Artigo 16º.-Axudas por falecemento.
Por causa de falecemento do traballador, cónxuxe ou fillos que convivan ás súas expensas, a empresa satisfará ós seus herdeiros legais a cantidade equivalente a tres mensualidades netas. Servirá de base para o cálculo desta axuda a última mensualidade pagada.
Cando faleza o cónxuxe, ou fillos e pais que convivan a expensas do traballador, condonarase o total da nota necrolóxica publicada e da de gracias, no tamaño habitual de tres columnas.
Nos mesmos casos, a nota necrolóxica do primeiro aniversario será gratuíta. No caso de familiares de segundo grao, bonificarase co 50%.
Artigo 17º.-Pensión complementaria por xubilación.
1. Recoñecemento: o persoal que ingresara na empresa con anterioridade á sinatura do convenio colectivo para 1995, terá dereito ó recoñecemento dunha pensión complementaria e con cargo á empresa, se no momento de obte-la pensión de xubilación do réxime da Seguridade Social ten 64 anos de idade e 20 anos, como mínimo, de servicio na empresa.
2. Requirimento de xubilación: o persoal con 64 anos e 34 anos de servicio poderá ser requirido pola dirección da empresa para que solicite a xubilación. Se o traballador se negase a acepta-lo requirimento de xubilación que a dirección da empresa lle formule, perderá os beneficios deste complemento.
A empresa queda facultada para xubilar coa pensión máxima complementaria de xubilación o persoal con 64 anos de idade, sen que reúna ningún outro requisito. Neste último caso, o acordo da dirección da empresa será comunicado ó comité de empresa en pleno e este poderá solicita-la súa revisión da dirección.
3. Contía: a contía da pensión complementaria de xubilación de cada traballador que acredite este dereito, será igual ó importe da diferencia entre o resultado de aplica-la porcentaxe de pensión que lle corresponda, segundo anos de servicio á empresa, ó total dos percibos líquidos por tódolos conceptos (excepto as horas extraordinarias e o complemento funcional dominical) e as prestacións que por este concepto lle sexan recoñecidas na Seguridade Social, por aplicación da Lei de pensións, do 31 de xullo de 1985 e Real decreto 1799/1985, do 2 de outubro, que a desenvolve.
As porcentaxes de pensión, segundo os anos de servicio, son as seguintes:
Anos de servicio Porcentaxe
20 80% 21 81,42% 22 82,84% 23 84,26%
Anos de servicio Porcentaxe
24 85,68% 25 87,10% 26 88,52% 27 89,94% 28 91,36% 29 92,78% 30 94,20% 31 95,62% 32 97,04% 33 98,46% 34 100%
Non son aplicables, por tanto, os beneficios aquí establecidos para o persoal que ingrese na empresa con posterioridade á sinatura do convenio colectivo para 1995.
Artigo 18º.-Transporte.
O plus de transporte será incrementado de sorte que as actuais 411 (catrocentas once) ptas. que percibe por día cada traballador afectado, pasarán a ser 430 (catrocentas trinta) pesetas por día que acuda ó traballo e con efectos retroactivos ó 1º de xaneiro de 1996.
Tamén con efecto retroactivo ó 1º de xaneiro de 1996 e por cada día que acudan ó traballo, os traballadores que viñan desfrutando do plus de transporte en contía de 202 (duascentas dúas) ptas. pasarán a percibir 211 (duascentas once) ptas. polo dito concepto.
As repartidoras percibirán a cantidade de 92 (noventa e dúas) pesetas por cada día que acudan ó traballo e en concepto de complemento de desprazamento con efecto ó 1º de xaneiro de 1996.
Artigo 19º.-Condicións máis beneficiosas.
Serán respectadas tódalas condicións establecidas que sexan máis beneficiosas para o traballador.
Artigo 20º.-Compensación, absorción e vinculación á totalidade.
As melloras económicas que establece este convenio serán absorbidas e compensadas en cómputo anual pola empresa, de conformidade coa lexislación vixente, con calquera mellora de calquera clase e xénero que fora incluída, toda clase de primas, incentivos, pluses, gratificacións, horas extraordinarias e percepcións análogas establecidas ou que voluntariamente se pactasen neste convenio colectivo, contrato individual de traballo ou costume.
Queda expresado, acordado e convido que as melloras de toda índole que, no futuro sexan concedidas por disposición legal, serán soamente aplicables no caso de que sexan superiores ás contidas neste convenio e só no que exceda; ou sexa, serán absorbidas e compensadas en cómputo anual ata o exceso.
Ambas partes conveñen en que as normas deste convenio constitúen un todo orgánico e indivisible.
Artigo 21º.-O salario base.
Das categorías profesionais establecidas no artigo 53 da ordenanza laboral de traballo en prensa, vixente, aprobado por Orde do 9 de decembro de 1976 (rectificada), queda substituído polos que se relacionan na seguinte táboa, resultante de incrementar nun 4,5% os salarios vixentes ó 31 de decembro de 1995, e cun aumento que se detrae do plus convenio devengado polos traballadores:
Categorías Ptas. mensual
-Técnicos Técnico titulado de grao superior 171.8484 Técnico titulado de grao medio 103.944 Técnico non titulado 91.260 Debuxante proxectista 85.289 Radiotelegrafista 92.254 Radiotelefonista 76.335
-Redacción Subdirector 171.848 Redactor xefe 151.750 Redactor xefe de sección 135.553 Redactor 114.641 Axudante de primeira 102.203 Axudante preferente 90.264 Axudante 79.319
-Administración Xefe de sección 114.641 Xefe de negociado 102.203 Oficial de primeira 90.264 Oficial de segunda 79.319 Auxiliar 73.723 Aspirante (16-18 anos) 73.273 Xefe de equipo e informática 114.641 Xefe de máquinas 102.203
-Servicios auxilires Telefonista 73.273 Encargado de almacén 90.264 Almaceneiro 73.723 Cobrador-pagador 73.723 Axente de vendas (Ag. informativas) 73.723
-Persoal subalterno Conserxe 73.723 Porteiro 73.723 Ordenanza 73.723 Ciclistas e motoristas 73.723 Gardas, serenos e vixilantes xurados 73.723 Pesador basculeiro 73.723 Mozo 73.723 Persoal de limpeza 73.723
Categorías Ptas. diario
-Operarios -Oficios propios Xefe de taller (rexente) 3,859 Xefe de sección 3.485 Xefe de equipo 3.038 Corrector 2.929 Atendedor 2.515
Categorías Ptas. diario
-Composición, reproducción e impresión
Oficial primeira 2.790 Oficial segunda 2.515 Oficial terceira 2.454
-Reparación e montaxe Oficial primeira 2.790 Oficial segunda 2.515 Oficial terceira 2.454
-Manipulado Oficial primeira 2.515 Oficial segunda 2.515 Oficial terceira 2.454 Embuchadores maiores de 18 anos 2.454 Especialistas 2.454
-Oficios auxiliares Oficial primeira 2.515 Oficial segunda 2.454 Oficial terceira 2.454
-Aprendizaxe Aprendiz de terceiro ano (con 18 anos) 2.454 Aprendiz de segundo ano (con 18 anos) 2.454 Aprendiz de primeiro ano (con 18 anos) 2.454 Peóns 2.454
-Distribución Xefe de vendas 2.514 Axudante 2.454 Atador 2.454 Distribuidor 2.454 Vendedor a xornal 2.454
-Reparto Repartidor (dúas horas) 818
Os linotipistas, teclistas, perforistas preferentes e correctores percibirán 30 pesetas máis diarias sobre as súas respectivas retribucións da táboa de salarios.
Os xornalistas percibirán, ademais, unha asignación mensual de 7.650 ptas. denominada plus artigo 48.
O soldo base dos subdirectores, redactores xefes, xefes de sección e redactores que presten servicios en réxime de libre disposición, incrementarase nun 35%, como mínimo, do sinalado na táboa.
Artigo 22º.-Horas extraordinarias.
De conformidade coa Orde do 1º de marzo de 1983, sobre cotización adicional á Seguridade Social por horas extraordinarias e, para os efectos do disposto no artigo 7 do Real decreto 92/1983, do 19 de xaneiro e Real decreto lei 1/1986, do 14 de marzo, a empresa e os seus traballadores, representados polo comité que intervén na negociación deste convenio, pactan:
a) Entenderase por horas extraordinarias estructurais as necesarias por pedidos imprevistos, períodos punta de producción, ausencias imprevistas, cambios de quenda e outras circunstancias de carácter estructural derivadas da natureza da actividade de prensa, isto é:
As necesarias nas distintas seccións do xornal para lograr tódolos días de publicación a composición, con
fección, reproducción, impresión, peche e distribución dos exemplares que compoñen a tirada, tanto na ordinaria como nas distintas edicións especiais, números extraordinarios e suplementos.
As neesarias por ausencias imprevistas de enfermidade ou accidente de traballo.
As necesarias por cambios de quenda, implantación tecnolóxica, adestramento, perfeccionamento dos traballadores e adaptación ás novas técnicas de traballo en prensa.
As necesarias para traballos extraordinarios de reparación, montaxe e limpeza de maquinaria de nova adquisición.
E calquera outra de natureza análoga, sempre que non poidan ser substituídas pola utilización das distintas modalidades de contratación previstas legalmente.
b) As representacións empresariais e do comité aceptan o contido e comprométense á observación da Orde do 1 de marzo de 1983, aludidas anteriormente.
Artigo 23º.-Desfrute do exemplar gratuíto.
Os traballadores seguirán desfrutando do exemplar gratuíto despois da súa xubilación e, no caso de falecemento do traballador, desfrutarao o cónxuxe sobrevivinte.
Artigo 24º.-Seguro colectivo de vida.
Os traballadores de Faro de Vigo, S.A., mentres permanezan no cadro de persoal da empresa, en situación activa, quedarán acollidos a un seguro de vida que cubrirá o risco de morte por causas naturais ou de accidente por importe dun millón cincocentas mil pesestas.
Artigo 25º.-Complemento funcional dominical.
As cantidades que perciben determinados traballadores da empresa por este concepto terán carácter de incentivo polo traslado do descanso semanal regulamentario; incrementaráselle este complemento en 600 (seiscentas) pesetas ó persoal de xornada completa, e en 300 (trescentas) pesetas, ó persoal de reparto. Ambos aumentos desde o primeiro de xaneiro ata o 31 de decembro de 1996.
Artigo 26º.-Unidades de negociación.
A representación das partes que negociaron aprobaron e subscribiron o texto deste convenio está constituída da seguinte forma:
-Pola parte económica:
Carlos Fernández Pato e José Antonio Carvajal Baños.
-Pola parte social:
Mª del Carmen Castro Mosquera.
Mª Luz Alonso González.
Mª Beatriz Iglesias Fernández.
Jaime Mintegui Rodríguez.
Carlos Rúa Fernández.
José Manuel Pérez Rodríguez.
Eduardo Rolland Etchevers.
Guillermo Cameselle Domínguez.
Artigo 27º.-Cláusula derradeira.
Para todo o non previsto neste convenio haberá que aterse ó disposto na vixente ordenanza laboral de traballo en prensa e nas disposicións laborais de carácter xeral.
Vigo, 3 de maio de 1996.
-Pola empresa:
José Antonio Carvajal Baños. Director financeiro.
Carlos Fernández Pato. Administrador.
-Polo Comité:
Jaime Mintegui Rodríguez.
Mª Carmen Castro Mosquera.
Mª Beatriz Iglesias Fernández.
Eduardo Rolland Etchevers.
Mª Luz Alonso González.
Carlos Rúa Fernández.
Guillermo Cameselle Domínguez.
José Manuel Pérez Rodríguez.
4925
