Examinado o expediente de deslinde parcial do monte veciñal da Laxe pertencente á parroquia da Laxe do concello de Valadouro (Lugo) e tendo en conta os seguintes,

Antecedentes de feito.

Primeiro.-Que o Xurado Provincial de Montes Veciñais en Man Común de Lugo en Resolución do 25 de xuño de 1993, declarou como tal o monte da Laxe, asinando a súa pertenza á parroquia de San Xoán da Laxe no concello do Valadouro.

Segundo.-O 25 de abril de 1995, o Servicio de Montes e Industrias Forestais de Lugo ante a existencia dunha zona do perímetro do monte onde se apreciaban suficientes motivos para temer pola integridade deste, tomou o acordo de declarar en estado de deslindamento parcial o monte, indicando as zonas de defensa de colindancia, o que foi publicado no BOP nº 136, do 15 de xuño do mesmo ano. Simultaneamente tramitouse unha proposta de gastos para a execución do deslindamento, que foi aprobada polo conselleiro de Agricultura, Gandería e Montes.

Terceiro.-A tramitación previa ó apeo foi executada cumprindo as prescricións establecidas nos artigos 96 e seguintes do Regulamento de montes do 22 de febreiro de 1962. A documentación que os distintos afectados presentaron foi remitida ó gabinete xurídico territorial de Lugo para o seu exame, cualificación e informe. Con posterioridade fixo o seu informe o enxeñeiro operador, sobre recoñecemento e clasificación de predios e dereitos.

Cuarto.-O apeo iniciouse o 27 de decembro de 1995, de acordo coa data, lugar e hora anunciados previamente, rematando o día seguinte, 28 de decembro, trala fixación de corenta e un (41) piquetes delimitativos, estando presentes nel os representantes da Administración forestal, da comunidade propietaria do monte e os particulares interesados, sen que se rexistrasen incidentes.

Quinto.-O 16 de xaneiro de 1996, o enxeñeiro operador elaborou o seu informe-proposta no que propón se aprobe o deslindamento parcial entre o punto coñecido como Fonte de Río López e o situado no rego da Guinda ou rego dos Golpes, seguindo a liña quebrada que definen os piquetes do nº 1 ó nº 41 de acordo coas actas, rexistro topográfico e plano que figuran no expediente.

Sexto.-No período legal de reclamacións presentaronse dúas, asinadas por José Luis Lorenzo Reigosa y Mª Antonia Rego Rego. En ámbolos casos manifestan que son propietarios de cadanseu predio e que foron afectados polo apeo quedando parte deles incluídos no que o enxeñeiro operador con

sidera como monte veciñal, polo que piden que a liña de deslindamento entre os piquetes 21 ó 26 e 32 ó 36 discorra máis ó norte.

Sétimo.-O 20 de marzo de 1996, o gabinete xurídico territorial de Lugo emite o seu informe no que manifesta:

1. Que se realizou correctamente o deslinde parcial do monte da Laxe.

2. Que as reclamacións presentadas por José Luis Lorenzo Reigosa e Mª Antonia Rego Rego, dada a documentación presentada e o informe do enxeñeiro operador, non se poden ter en conta.

Oitavo.-O 2 de abril de 1996 e de acordo co artigo 124 do Regulamento de montes, dáselle traslado á comunidade propietaria das reclamacións presentadas e do informe do gabinete xurídico territorial de Lugo, respostando o 4 do mesmo mes coa súa conformidade ó deslindamento e ó informe do gabinete xurídico territorial.

Noveno.-O 3 de maio de 1996 o xefe do Servicio de Montes e Industrias Forestais de Lugo emite o seu informe-proposta no que a máis de manfiesta-la súa conformidade coa realización do deslindamentos parcial, asume a tese do enxeñeiro operador e do gabinete xurídico territorial no sentido de que as reclamacións presentadas non son asumibles e propón que se aprobe este de acordo coas actas, rexistro topográfico e plano que figuran no expediente.

Fundamentos de dereito.

I O Servicio de Montes e Industrias Forestais de Lugo é competente para verifica-lo dito deslindamento, cumpridas tódalas prescricións legais en canto a publicidade, notificacións e demais requisitos esixidos pola lexislación vixente, e Consellería de Agricultura, Gandería e Montes é competente para dicta-la presente orde de conformidade co establecido no artigo 14 da Lei de montes do 8 de xuño de 1957, en relación co Real decreto 1535/1984, do 20 de xuño, sobre traspaso de funcións e servicios do Estado á Comunidade Autónoma de Galicia en materia de conservación da natureza.

II

A comunidade e os particulares achegaron a documentación que consideraron oportuna en defensa dos seus dereitos, que foi debidamente informada polo gabinete xurídico territorial de Lugo.

III

As resoluciones do Xurado Provincial de Montes son as únicas que outorgan a propiedade e estas, unha vez firmes, só poden modificarse por sentencias dos tribunais ordinarios, e o enxeñeiro operador debe tentar determinar no terreo os límites fixados por este na súa resolución.

IV

En canto ás reclamacións presentadas, no que respecta á de José Luis Lorenzo Reigosa, de acordo co informe do gabinete xurídico territorial de Lugo, así como o do enxeñeiro operador, trátase de predios que poden pertencer parcialmente ó monte polo que este establece no apeo a división entre o monte veciñal e as propiedades do reclamante. No referente á presentada por Mª Antonia Rego Rego, non ten fundamento, xa que o enxeñeiro operador, á vista da documentación presentada, entende que respecta a propiedade pois segue no apeo o cerramento dela, entre os piquetes 31 ó 39, que está formado por un muro de granito.

Visto:

A Lei de montes do 8 de xuño de 1957 e o regulamento para a súa aplicación do 22 de febreiro de 1962.

A lexislación vixente en materia de montes veciñais en man común.

O Real decreto 1535/1984, do 20 de xuño, de traspaso de funcións e servicios do Estado á Comunidade Autónoma de Galicia en materia de conservación da natureza.

A Lei 30/1992, do 26 de novembro, de réxime xurídico das administracións públicas e do procedemento administrativo común.

A Consellería de Agricultura, Gandería e Montes, por proposta da Dirección Xeral de Montes e Medio Ambiente Natural,

DISPÓN:

Primeiro.-Aproba-lo deslindamento parcial do monte veciñal en man común da Laxe pertencente á parroquia da Laxe, que queda definido pola liña quebrada que une os piquetes nº 1 ó nº 41 e que o separa dos predios dos seguintes propietarios particulares:

Do pique nº 1 ó 3: Francisco Javier Pardeiro Veiga.

Do nº 3 ó 7: Eduardo Marful Ramos; Francisco J. Pardeiro Veiga e Modesto Díaz Cao.

Do nº 7 ó 11: Luciano Pernas Ramos.

Do nº 11 ó 12: Eduardo Marful Ramos; Ángel Pedreira Fernández, herdeiros de Antonio Ramos González e herdeiros de Manuel Orol Ramos.

Do nº 12 ó 16: Modesto Díaz Rouco e Ángel Pedreira Fernández.

Do nº 16 ó 19: Modesto Díaz Ramos, Manuel Ramos Orol e Antonio Lorenzo Palmeiro.

Do nº 19 ó 20: Antonio Lorenzo Palmeiro, Carmen Pedreira Fernández e Julia Orol Palmeiro.

Do nº 20 ó 22: Carmen Pedreira Fernández, Pedro Sixto Díaz e herdeiros de Antonio Díaz Ramos.

Do nº 22 ó 25: Camiño de Chousa da Moa e María Pedreira.

Do 25 ó 29: veciños de Sta. Cruz e camiño de Chousa da Moa.

Do 29 ó 40: Antonia Rego Rego.

Do 40 ó 41: veciños de Sta. Cruz.

De acordo coas actas, rexistro topográfico e plano que figuran no expediente.

Segundo.-Declarar, expresamente, que no referente ás reclamacións de propiedade, a presente resolución esgota a vía administrativa e queda expedita a xudicial civil.

Terceiro.-Esta orde entrará en vigor o día seguinte ó da súa publicación no Diario Oficial de Galicia e en contra dela só cabe interpoñer recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día da súa entrada en vigor.

Santiago de Compostela, 17 de xuño de 1996.

P.D. (Orde 13-12-1993)

Antonio Luis Rosón Pérez

Secretario xeral da Consellería de Agricultura, Gandería e Montes

3850