Eu, Amalia Álvarez Teixeira, secretaria da Administración de xustiza con destino no Xulgado de Primeira Instancia e Instrucción número dous de Ribeira,
Dou fe e testemuño: que no libro de sentencias dictadas neste xulgado en procedementos civís, consta a recaída nos autos que teñen un encabezamento e parte dispositiva do teor literal seguinte:
«Sentencia.
En Ribeira o seis de maio de mil novecentos noventa e seis.
Vistos por Luisa María Pérez Rúa, xuíza do Xulgado de Primeira Instancia e Instrucción número dous de Ribeira e o seu partido, os presentes autos de separación, seguidos co número 124/1995, por instancia de Juana María González Fernández, representada polo procurador Arca Soler e asistida do letrado Prego Paz, contra Juan Fernando Domínguez Rego, declarado en situación procesual de rebeldía.
Vistos os preceptos legais citados e demais de xeral e pertinente aplicación,
Decido que desestimo a demanda interposta polo procurador Arca Soler, en nome e representación de Juana María González Fernández, seguida contra o seu esposo Juan Fernando Domínguez Rego, e debo declarar e declaro non haber lugar a concede-la separación de ámbolos cónxuxes, quedando sen efecto as medidas provisionais acordadas durante o proceso, todo iso sen especial pronunciamento en canto ás custas.
Esta resolución non é firme e contra ela cabe recurso de apelación no prazo de cinco días para ante a Audiencia Provincial da Coruña.
Así, por esta miña sentencia, pronúncioo, mándoo e asínoo.
A sentencia anterior foi lida e publicada polo xuíz que a subscribe en audiencia pública do mesmo día da súa data.
E para que así conste e lle sirva de notificación en forma ó demandado en situación procesual de rebeldía Juan Fernando Domínguez Rego, expido e asino a presente cédula en Ribeira o sete de maio de mil novecentos noventa e seis.
O secretario
Rubricado
4603