Visto o texto da revisión do convenio colectivo para o sector do comercio de alimentación (código 2700155), da provincia de Lugo, asinado o día 15 de febreiro de 1996, pola representación da asociación de empresarios e polas centrais sindicais UGT, USO, CC.OO e CIG, e de conformidade co disposto no artigo 90 apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, esta delegación provincial,

ACORDA:

Primeiro.-Ordena-la inscrición da revisión do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto da revisión do mentado convenio colectivo á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia e no BOP.

Lugo, 13 de marzo de 1996.

Manuel Bande Díaz

Delegado provincial de Lugo

Asistentes:

-Pola Asociación de Empresarios Almacenistas de Alimentación de Lugo.

Juan Bautista Prado Carreira.

Ángel Pages Sández.

Cesáreo López Beltrán.

Luis García Cabreros.

Guadalupe Hervera Iglesias.

-Polas centrais sindicais:

USO (2)

Manuel Expósito López.

Jesús Cantero Pérez.

UXT (1).

Fernando Teijeiro Valledor.

CC.OO. (1).

Manuel Núñez López.

CIG (1).

María del Carmen Antas Pérez.

ACTA:

En Lugo, sendo ás 17 horas do día 15 de febreiro de 1996, reúnense nos locais da CEL as persoas á marxe relacionadas, todas elas integrantes da Comisión Mixta Paritaria prevista no artigo 7 do vixente convenio colectivo de comercio de alimentación de Lugo, co obxecto de proceder á elaboración da táboa salarial que terá vixencia desde

o 1 de xaneiro ó 31 de decembro de 1996, conforme o previsto no parágrafo segundo do artigo 12 do convenio colectivo de comercio de alimentación de Lugo vixente.

Despois das deliberacións pertinentes adoptánse por unanimidade os seguintes,

ACORDOS:

Primeiro.-Aproba-la táboa salarial que entrará en vigor o 1 de xaneiro de 1996.

Segundo.-Sobresoldo de transporte.

Os traballadores afectados polo convenio colectivo de comercio de alimentación de Lugo percibirán durante o ano 1996 a cantidade de 343 pesetas por día de traballo efectivo. Este sobresoldo de transporte terá carácter extrasalarial e polo tanto non será cotizable para os efectos da Seguridade Social.

Terceiro.-Os atrasos, por diferencia de salarios, producidos como consecuencia da publicación das táboas salariais aprobadas pola presente faranse efectivos nos 30 días seguintes á publicación da presente acta.

Cuarto.-Remiti-la presente acta á autoridade laboral pertinente para efectos da súa aprobación e publicación.

E non tendo máis asuntos que tratar levántase a sesión en lugar e data indicados:

TÁBOA SALARIAL CONVENIO DE COMERCIO DE ALIMENTACIÓN DE LUGO

Vixencia: 1-1-1996 ó 31-12-1996

9604537