Visto o texto do acordo asinado o día 12 de febreiro de 1996, pola comisión paritaria prevista no convenio colectivo para o sector de comercio téxtil, da provincia de Lugo (código 2700205), integrada polas representacións da Asociación Empresarial Téxtil e das centrais sindicais UGT e CC.OO., mediante o que se fixa o prazo para aboa-los atrasos derivados do vixente convenio, e de conformidade co disposto no artigo 90 apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, esta delegación provincial,
ACORDA:
Primeiro.-Ordena-la inscrición do citado acordo no rexistro de convenios desta delegación, así como o seu depósito.
Segundo.-Remiti-lo texto do mentado acordo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 8 de marzo de 1996.
Manuel Bande Díaz
Delegado provincial de Lugo
Asistentes:
-Pola Asociación Empresarial Téxtil.
Teodoro Lázaro García.
José Sánchez Bergantiños.
Víctor Díaz Fernández.
Guadalupe Hervera Iglesias.
Cristina Sanz Arias.
Pilar Chao Núñez.
-Polas centrais sindicais:
UGT (4)
Fernando Teijeiro Valledor.
Ricardo Varela Sánchez.
Juan Carlos Araújo Rodríguez.
Carmen Basadre Fernández.
CC.OO. (2).
Manuel Núñez López.
Anselmo Sampedro Ania.
ACTA:
En Lugo, sendo ás 12 horas do día 12 de febreiro de 1996, reúnense nos locais da CEL as persoas á marxe relacionadas, todas elas integrantes da comisión mixta paritaria prevista no artigo 19 do vixente convenio colectivo de comercio téxtil da provincial de Lugo, co obxecto de proceder á reso
lución dunha cuestión suscitada como consecuencia da súa aplicación, en concreto como consecuencia da obriga do pagamento de atrasos dada a tardía publicación do vixente convenio, con vixencia desde o 1 de abril de 1994 ó 31 de marzo de 1996, en data 28 de decembro de 1995.
Despois das deliberacións pertinentes adoptánse por unanimidade os seguintes,
ACORDOS:
Primeiro.-Establecer un prazo máximo para o aboamento dos atrasos consecuencia da tardía publicación do vixente convenio.
Segundo.-Tendo en conta que o vixente convenio supón a obriga do aboamento dos atrasos por dous anos, establécese como data tope para o seu aboamento o 31 de marzo de 1996.
Terceiro.-Remiti-la presenta acta ás partes asinantes do convenio, isto é, á Asociación Empresarial Téxtil e ás centrais sindicais UGT e CC.OO. para a súa divulgación.
Cuarto.-Remiti-la presente acta á autoridade laboral pertinente para os efectos legais oportunos.
E non tendo máis asuntos que tratar levántase a sesión en lugar e data indicados.
3840