Visto o texto da revisión do convenio colectivo para o sector comercio de limpeza de edificios e locais (código 2700335) da provincia de Lugo, asinado o día 9 de febreiro de 1996, pola representación da asociación de empresarios e polas centrais sindicais CIG, UXT e CC.OO, e de conformidade co disposto no artigo 90 apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, esta delegación provincial,

ACORDA:

Primeiro.-Ordena-la inscrición da revisión do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto do mentado convenio colectivo á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia.

Lugo, 27 de febreiro de 1996.

Manuel Bande Díaz

Delegado provincial de Lugo

Asistentes:

-Pola Asociación Provincial de Empresarios de Limpeza de Edificios e Locais de Lugo.

José Félix Valderrey.

Julio Rodríguez Lombardía.

José Romero García.

José Luis Novoa Díaz.

Pedro Montero Fernández.

Luis Quintana Pequeño.

-Polas centrais sindicais:

CIG (4)

Isabel López Fraga.

Amparo López Yáñez.

Ángela Pena Franco.

Victoria Casanova Cibreiro.

UXT (1).

Nieves Gil Rodríguez.

CC.OO. (1).

Manuel Núñez López.

ACTA:

En Lugo, sendo ás 13 horas do día 9 de febreiro de 1996, reúnense nos locais da CEL as persoas á marxe relacionadas, todas elas integrantes da comisión mixta paritaria prevista na disposición derradeira primeira do vixente convenio colectivo de limpeza de edificios e locais de Lugo, co obxecto de proceder á elaboración da táboa salarial que terá vixencia desde o 1 de xaneiro ó 31 de decembro de 1996, conforme o previsto no parágrafo segundo do artigo 13 do convenio colectivo de limpeza de edificios e locais de Lugo vixente.

Despois das deliberacións pertinentes adoptánse por unanimidade os seguintes,

ACORDOS:

Primeiro.-Aproba-la táboa salarial anexa que entrará en vigor o 1 de xaneiro de 1996.

Segundo.-Sobresoldo de asistencia.

Os traballadores afectados polo convenio colectivo de limpeza de edificios e locais de Lugo percibirán durante o ano 1996 a cantidade de 174 pesetas por día de traballo efectivo.

Terceiro.-Sobresoldo de transporte.

Os traballadores afectados polo convenio colectivo de limpeza de edificios e locais de Lugo percibirán durante o ano 1996 a cantidade de 194 pesetas por día efectivo de traballo, con independencia dos medios de transporte ou distancia que, en cada caso, existan entre o centro de traballo e o domicilio respectivo.

Cuarto.-Remiti-la presente acta á autoridade laboral pertinente, para efectos da súa aprobación e publicación.

E non tendo máis asuntos que tratar levántase a sesión en lugar e data indicados.

TÁBOA SALARIAL CONVENIO LIMPEZA E LOCAIS DE LUGO

Vixencia: 1-1-1996 ó 31-12-1996

3445