Visto o texto da revisión do convenio colectivo para o sector de transportes de mercadorías por estrada da provincia de Lugo (código 2700505), asinado o día 15 de febreiro de 1996, polas representacións das asociacións de Empresarios de Transportes Discrecionales de Mercancías por Carretera, Agencias de Carga Fraccionada e Agencias de Carga Completa e polas centrais sindicais UGT, CC.OO e CIG, e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.

Esta delegación provincial,

ACORDA:

Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto do mencionado convenio colectivo á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia e no BOP.

Lugo, 5 de marzo de 1996.

Manuel Bande Díaz

Delegado provincial de Lugo

Asistentes:

-Pola parte empresarial:

Asociación de Transportes Discricionales de Mercancías por Carretera (Tradime):-José Manuel Flores Castro-Carmen Castelo Muiña

Asociación de empresarios de agencias de carga fraccionada:-José Antonio Orozco Fernández-Guadalupe Hervera Iglesias

Asociación de agencias de carga completa:-Antonio Fernández Fernández-Helga Cobas González

Polas centrais sindicais:

UGT (2:)-Eladio Antonio Romero Ares-Jesús Rivas Varela

CC.OO (2)-Juan Antonio Granados Llanes-Consuelo Prol Feijoo

CIG (2)-José Ángel Díaz Pernas

Ignacio Javier García Gómez

ACTA

En Lugo, sendo as 17.30 horas do día 15 de febreiro de 1996, reúnense nos locais da CEL as persoas á marxe relacionadas, todas elas integrantes da comisión mixta paritaria prevista no artigo 5º do vixente convenio colectivo de transporte de mercadorías por estrada da provincia de Lugo, co obxecto de proceder á elaboración da táboa salarial que terá vixencia desde o 1 de xaneiro ó 31 de decembro de 1996, conforme o previsto no parágrafo terceiro do artigo 1 do convenio colectivo de transportes de mercadorías por estrada da provincia de Lugo vixente.

Despois das deliberacións pertinentes adóptanse por unanimidade os seguintes,

ACORDOS:

Primeiro.-Aproba-la táboa salarial anexa que entrará en vigor o 1 de xaneiro de 1996.

Segundo.-Plus de convenio: os traballadores afectados polo convenio colectivo de transportes de mercadorías por estrada da provincia de Lugo percibirán durante o ano 1996 un plus de 10.795 pesetas mensuais, cotizable a Seguridade Social.

Terceiro.-Os atrasos, por diferencia de salrios, producidos como consecuencia da publicación das táboas salariais aprobadas pola presente acta faranse efectivos nos 30 días seguintes ó da publicación da presente acta.

Cuarta.-Con independencia das retribucións que se aproban por medio da presente acta establécese para o ano 1996 un salario mínimo de 85.077 pesetas mensuais, sexa cal sexa a categoría profesional de que se trate.

Quinto.-Remiti-la presente acta á autoridade laboral pertinente para efectos da súa aprobación e publicación.

E non tendo máis asuntos que tratar levántase a sesión en lugar e data indicados.

Táboa salarial

Convenio transportes mercadorías por estrada

Vixencia: 1-1-1996 ó 31-12-1996

96-3442