Visto o texto do convenio colectivo para o sector don comercio da pel e do calzado de Lugo (código 2700165), asinado o día 8 de novembro de 1995, pola representación da asociación de empresarios e da central sindical UXT corrixidos por elas o pasado día 13 de xaneiro de 1996, e de conformidade co disposto no artigo 90, apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, esta delegación provincial,
ACORDA:
Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.
Segundo.-Remiti-lo texto do mentado convenio colectivo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 1 de decembro de 1995.
Manuel Bande Díaz
Delegado provincial de Lugo
Texto articulado do convenio colectivo provincial do comercio da pel e o calzado de Lugo
Artigo 1º.-Ámbito persoal.
As estipulacións do presente convenio colectivo sindical de traballo obrigan á totalidade das empresas e traballadores dedicados ó comercio da pel e calzado.
Artigo 2º.-Ámbito territorial.
Afecta a Lugo e á súa provincia, polo que quedan incluídas dentro destas normas do presente convenio as empresas ou sucursais domiciliadas en calquera punto de Lugo e provincia.
Artigo 3º.-Vixencia e duración.
O presente convenio colectivo entrará en vigor o día 1 de xaneiro de 1994 para tódolos efectos, con independencia da súa publicación no BOP, rematando a súa vixencia o 31 de decembro de 1995.
Artigo 4º.-Denuncia.
Cunha antelación mínima de 30 días á data de remate do convenio deberá ser este denunciado polas partes. A ausencia de denuncia deste convenio significará
en todo caso a súa prórroga por un ano, en iguais termos, salvo no referente á táboa salarial.
Artigo 5º.-Interpretación do convenio.
Créase unha comisión mixta paritaria entre as partes asinantes deste convenio. O nomeado órgano integrado por tres representantes da asociación empresarial asinante e 3 representantes da UXT, cumprirá as funcións de aplicación do pactado, así coma do seu seguimento. No caso de non se chegar a un acordo nesta comisión, ámbalas partes sométense á competencia do Servicio de Mediación, Arbitraxe e Conciliación (SMAC) e xurisdicción competente.
Artigo 6º.-Condicións máis beneficiosas.
Tódalas melloras contidas neste convenio teñen carácter de mínimas dentro das condicións pactadas. Repectaranse as situacións que impliquen para o traballador condicións máis beneficiosas cás aquí convidas, e manteranse as ad personam, en canto excedan das pactadas no cómputo anual.
Artigo 7º.-Ingreso e período de proba.
Poderán concertarse, entre empresa e traballador, por escrito, un período de proba que en ningún caso poderá exceder de seis meses para os técnicos titulados, nin de tres meses para os demais traballadores, excepto para os non cualificados, neste caso a duración máxima será de quince días laborables. No caso de concertarse o período de proba previsto neste artigo, tanto o empresario como o traballador están respectivamente obrigados a realizar-las experiencias que constitúan o obxecto da proba.
Artigo 8º.-Retribucións.
Os salarios pactados no presente convenio figuran na táboa de salarios anexa a el para o período comprendido entre o 1 de xaneiro de 1994 e o 31 de decembro de 1995.
Artigo 9º.-Gratificacións extraordinarias.
As empresas afectadas por este convenio aboarán ós seus traballadores unha paga igual a unha mensualidade, incluída a antigüidade, nas datas seguintes: 22 de decembro, 25 de xullo e 22 de marzo.
Artigo 10º.-Aumentos periódicos por tempo de traballo.
O persoal comprendido no presente convenio, seranlle aboados, desde a súa entrada na empresa, catro trienios cunha porcentaxe que se fixará para tódalas categorías profesionais adxuntas no anexo a este Convenio, no 6% do salario base pactado.
Artigo 11º.-Vacacións.
O período de vacacións establécese en 30 días naturais.
Artigo 12º.-Sobresoldo de transporte e vestiario.
Queda establecido para tódalas categorías e idades en 6.492 ptas. para o ano 1994 e en 6752 ptas. para o ano 1995, por mes activamente traballado.
Artigo 13º.-Pezas de roupa de traballo.
As empresas que teñen establecido usar pezas de roupa ou uniformes (o seu persoal) adecuado a cada tarefa deberán entregar dúas cada ano, ou unha cada seis meses.
Artigo 14º.-Xubilación.
A idade de xubilación voluntaria será de 64 anos cumpridos. Todas aquelas empresas ás cales sexa solicitada por un traballador a dita xubilación á idade xa citada veranse obrigadas a contratar outro traballador, titular de dereito ás prestacións por desemprego ou novo demandante de primeiro emprego, mediante calquera dos contratos vixentes permididos pola lei.
Artigo 15º.-Xornada laboral.
A xornada laboral será de 40 horas semanais de traballo efectivo.
Artigo 16º.-Póliza de seguros.
As empresas, a partir da xubilación do presente convenio DOP, estarán obrigadas a concertar, con primas íntegras ó seu cargo, unha póliza de seguros que cubra nos casos de accidente laboral con resultado de morte e de invalidez permanente, total ou absoluta, por importe de 2.000.000 de ptas.
A referida póliza soamente abarcará os procesos iniciados a partir da súa vixencia e validez.
Para os efectos deste artigo, a cualificación de accidente de traballo e o grao de invalidez será a que fixen os órganos administrativo ou, se é o caso, xurisdiccionais competentes.
As indemnizacións que sexan percibidas polos traballadores con cargo á póliza que se regula neste artigo consideraranse entregadas a conta das indemnizacións que se é o caso puidesen declarar con cargo á empresa os tribunais de xusticia, e compensaranse ata onde aqueles alcancen.
Artigo 17º.-Axudas de custo.
As axudas de custos para o persoal que, debido ós métodos de organización da empresa, deba efectuar saídas fóra do municipio no que radique o centro de traballo, quedan establecidas na seguinte forma:
-Media axuda de custo: 1.505 ptas.
-Axuda de custo completa: 2.795 ptas.
Artigo 18º.-ILT.
As empresas completarán as prestacións con cargo á Seguridade Social, ata o 100% do salario do convenio, nos casos e coa duración que se indica a continuación:
a) No suposto de que a situación de ILT sexa a consecuencia de accidente de traballo ocorrido dentro da xornada laboral, exluído in itenere, neste suposto, o complemento aboarase mentres dure a situación de ILT.
b) No suposto de ILT derivada de enfermidade común e accidente non laboral, o complemento aboa
rase unicamente cando se produza hospitalización do traballador e mentres dure esta.
Artigo 19º.-Modalidades de contratación.
O contrato de duración determinada, regulado no artigo 15.1º b) do Real decreto lexislativo 1/1995, polo que se aproba o texto refundido da Lei de estatuto de traballadores, poderá ter unha duración máxima de dezaoito meses.
Táboa salarial convenio comercio de piel e calzado de Lugo
Vixencia: 1-1-1994 ó 31-12-1994
mensual anualCategoría profesional Soldo
Retribuc.
-Persoal mercantil técnico non titulado Xefe de persoal 113.277 1.770.567 Xefe de compras 113.277 1.770.567 Encargado xeral 113.277 1.770.567 Xefe de almacén 97.147 1.528.617
-Persoal mercantil propiamento dito Viaxante 84.640 1.341.012 Corredor de praza 84.640 1.341.012 Dependente 79.961 1.270.827 Dependente maior 87.957 1.390.767 Axudante (menor de 22 anos) 72.846 1.164.102 Aprendiz de primeiro ano 30.044 522.072 Aprendiz de segundo ano 44.555 739.737
-Persoal administrativo Contable 84.640 1.341.012 Oficial administrativo 79.961 1.270.827 Auxiliar administrativo 72.846 1.164.102 Auxiliar de caixa de 16 a 18 anos 44.349 736.647 Auxiliar de caixa 72.846 1.164.102
-Persoal de servicios e actividades auxiliares Mozo 72.846 1.164.102
Táboa salarial convenio comercio de piel e calzado de Lugo
Vixencia: 1-1-1995 ó 31-12-1995
mensual anualCategoría profesional Soldo
Retribuc.
-Persoal mercantil técnico non titulado Xefe de persoal 117.808 1.841.392 Xefe de compras 117.808 1.841.392 Encargado xeral 117.808 1.841.392 Xefe de almacén 101.033 1.589.767
-Persoal mercantil propiamento dito Viaxante 88.026 1.394.662 Corredor de praza 88.026 1.394.662 Dependente 83.159 1.321.657 Dependente maior 91.475 1.446.397 Axudante (menor de 22 anos) 75.760 1.210.672 Aprendiz de primeiro ano 31.246 542.962 Aprendiz de segundo ano 46.337 769.327
-Persoal administrativo Contable 88.026 1.394.662 Oficial administrativo 83.159 1.321.657 Auxiliar administrativo 75.760 1.210.672 Auxiliar de caixa de 16 a 18 anos 46.123 766.117 Auxiliar de caixa 75.760 1.210.672
-Persoal de servicios e actividades auxiliares Mozo 75.760 1.210.672
3162