En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos neste, faise público que no correspondente servicio desta dirección xeral, foron depositados acta de constitución e estatutos da Asociación Agraria Jóvenes Agricultores-Asaja Galicia, que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación tódalas persoas físicas maiores de idade e persoas xurídicas que sexan agricultores, gandeiros ou silvicultores e que de forma directa traballen nas explotacións, xa sexan propietarios, arrendatarios ou aparceiros, así como os familaires que colaboren directamente coa explotación. Tamén poderán pertencer á devandita asociación tódalas persoas relacionadas directa ou indirectamente coa agricultura e gandería e aqueles profesionais que polos seus coñecementos técnicos e pola súa defensa do mundo agrario teñan demostrado ser merecedores disto.
Asinan a acta de constitución: Raúl Bacelar Sanmiguel e seis persoas máis.
Santiago de Compostela, 8 de abril de 1996.
Juan Pedrosa Vicente
Director xeral de Relacións Laborais
2912