Terminada a publicación do acordo de concentración parcelaria da zona de Ferreiravella (Riotorto-Lugo), e non excedendo o número de recursos presentados e pendentes do seis por cento dos titulares das explotacións, nin representando os reclamantes máis do dez por cento da superficie concentrada, a Consellería de Agricultura resolveu dar posesión provisional dos novos predios. A dita toma de posesión é obrigatoria para tódolos interesados e enténdese sen prexuízo das rectificacións que pro
cedan como consecuencia dos recursos interpostos (artigo 44 da Lei de concentración parcelaria para Galicia).
Dentro dos trinta días seguintes ó da publicación da presente resolución no BOP, os interesados poderán reclamar ante esta xefatura (Ronda da Muralla, l97-1º), xuntando dictame pericial, sobre diferencias superiores ó dous por cento entre a cabida real dos novos predios e a que conste no expediente de concentración (artigo 46 da lei antes citada).
Para os efectos oportunos establécense os seguintes prazos de toma de posesión:
a) Labradío sen colleitas pendentes, prados e pastos o día seguinte da publicación desta resolución no BOP.
b) Os restantes predios no momento de seren retiradas as colleitas pendentes no día anterior citado.
c) Logo de petición á Xefatura do Servicio de Montes e Industrias Forestais do preceptivo permiso, as árbores existentes nos predios e que non fosen obxecto de clasificación, poderán ser retiradas polos propietarios das antigas parcelas dentro dos seis meses seguintes á publicación da presente resolución no mencionado boletín. Transcorrido o dito prazo entenderase que pertencen ó propietario do novo predio.
Lugo, 6 de marzo de 1996.
Fernando López Gutiérrez
Xefe do Servicio de Estructuras e Desenvolvemento Rural
2620