De acordo coas funcións asignadas ó Centro de Transfusión de Galicia polo Decreto 462/1990, do 20 de setembro, polo que se regula a hemodoazón-hemoterapia e os bancos de sangue en Galicia, os estatutos da Fundación Centro de Transfusión de Galicia conteñen no seu artigo 7 q) que entre as súas fina

lidades está a de desenvolve-la estructura necesaria para a criopreservación do sangue e os seus derivados así como da médula ósea.

Dentro das funcións de tutela e garantía, de acordo co artigo 21.2º do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, corresponde ó protectorado concederlles autorización ás fundacións para a realización de actividades ou prestación de servicios retribuídos ós seus beneficiarios, sempre que tales actividades ou servicios sexan de interese xeral para a comunidade e as cantidades que a fundación perciba por elas non excedan do custo real do servicio ou actividade prestados.

Neste senso, o padroado da Fundación Centro de Transfusión de Galicia, na reunión celebrada o 30 de xuño de 1995, acordou por unanimidade a aprobación das tarifas por servicio de Unidade de Criopreservación.

Por todo o anterior, a Consellería de Sanidade e Servicios Sociais, vista a memoria xustificativa presentada pola Fundación Centro de Transfusión de Galicia, en exercicio das atribucións previstas no artigo 21 do Decreto 248/1992, do 18 de xuño,

ACORDA:

Primeiro.-Autoriza-lo carácter retribuído da prestación de servicios pola Unidade de Criopreservación da Fundación Centro de Transfusión de Galicia de acordo cos importes, que terán o caracter de máximos, que se determinan no anexo.

Segundo.-Dispoñe-la publicación desta orde no Diario Oficial de Galicia.

Santiago de Compostela, 14 de marzo de 1996.

José Manuel Romay Beccaría

Conselleiro de Sanidade e Servicios Sociais

ANEXO

Relación das tarifas da unidade de criopreservación do Centro de Transfusión de Galicia

2752