Dentro do programa de actividades da EGAP para 1996, e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse cursos de información e atención ó cidadán.
1.-Obxectivos.
Comprensión dos modos de conducta e das diferentes situacións que se poden presentar no desempeño dun posto de traballo de atención ó público.
2.-Destinatarios.
Persoal con funcións de atención ó público en corporacións locais, integrados nos grupos C, D e E ou asimilados.
3.-Solicitudes
Aqueles que aspiren a participar no curso programado deberán solicitalo no modelo oficial que figura ó final da convocatoria cuberta en tódolos epígrafes, e na que se farán constar, en todo caso, os seguintes datos:
a) Descrición do posto de traballo que desempeña na actualidade.
b) Xustificación de cumprimento do requisito esixido na base 2.
c) Conformidade da entidade na que presta servicios. Cando o solicite máis dun interesado da mesma corporación, deberase especifica-la orde de preferencia.
A falsidade ou ocultación de datos será motivo de exclusión automática.
4.-Tramitación de solicitudes.
As solicitudes irán dirixidas ó director da EGAP e presentaranse no rexistro xeral da Escola Galega de Administración Pública, polígono das Fontiñas, r/ Madrid 2-4, 15703 Santiago de Compostela, ou nas dependencias que se sinalan no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
5.-Prazo.
O prazo de presentación de solicitudes finaliza, segundo a localidade, 15 días antes do comezo de cada curso.
6.-Desenvolvemento do curso.
Lugares e datas de realización:
-Santiago de Compostela: 9, 10, 20, 21, 22, 30 e 31 de maio.
-A Coruña: 23, 24, 27, 28 e 29 de maio e 6 e 7 de xuño.
-Lugo: 12, 13, 14, 20, 21, 26 e 27 de xuño.
-Ourense: 9, 10, 11, 19, 20, 23 e 24 de setembro.
-Vigo: 12, 13, 16, 17, 18, 25 e 26 de setembro.
Duración: 25 horas.
Horario: de 17 a 20.30 horas.
Prazas: 25 en cada localidade.
7.-Selección.
Os criterios de selección axeitaranse ás directrices sinaladas na Resolución de 27 de xuño de 1994 da EGAP, (DOG nº 149 de 3-8-94) pola que se precisan os criterios de selección para participar nas súas actividades.
A EGAP resérvase a facultade de anular un curso se o escaso número de solicitudes non xustificase a súa celebración.
8.-Certificado de asistencia.
Outorgaráselles certificado de asistencia ós alumnos que participen con regularidade no curso cando a súa inasistencia non sexa igual ou superior ó 15% das horas lectivas programadas. A superación deste límite, sexa cal sexa a causa, imposibilitará a expedición do certificado e dará lugar á baixa no curso con perda de tódolos dereitos.
9.-Contido.
Comportamento interpersoal. Elementos básicos de comunicación. Técnicas de información ó público. Estratexias de resolución de problemas. Situacións de tensión.
Santiago de Compostela, 27 de marzo de 1996.
Domingo Bello Janeiro
Director da Escola Galega de Administración Pública
1987