Examinado o expediente incoado pola titularidade do centro privado Padre Feijoo-Zorelle de Ourense no que solicita a ampliación dunha unidade do 2º ciclo de educación infantil no dito centro.
Resultando que o expediente foi tramitado pola Delegación Provincial de Educación e Ordenación Universitaria de Ourense, que o envía cos informes emitidos pola Inspección de Educación, pola Unidade Técnica.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4), o Real decreto 1004/1991, do 14 de xuño (BOE do 26), o Decreto 133/1995, do 10 de maio (DOG do 22), a Orde do 20 de setembro de 1995 (DOG do 15 de decembro) e demais disposicións complementarias.
Considerando que o devandito centro privado ten autorización ou clasificación definitiva para impartir educación preescolar.
Considerando que o Real decreto 1004/1991 establece, na súa disposición transitoria terceira, que os centros privados que teñan autorización ou clasificación definitiva para imparti-la educación preescolar, na entrada en vixencia deste real decreto, enténdense autorizados para poder imparti-lo segundo ciclo de educación infantil, suposto que se dá no centro solicitante.
Considerando que a disposición transitoria quinta do antedito real decreto, no seu apartado 3, obriga ós centros de educación preescolar que teñan autorización definitiva para unha ou dúas unidades a completa-las unidades necesarias para imparti-lo segundo ciclo completo de educación infantil.
Esta dirección xeral, resolveu:
Autoriza-la ampliación dunha unidade do segundo ciclo de educación infantil, ó centro privado que se relaciona no anexo da presente resolución, facendo constar que, para a súa posta en funcionamento, a titulación do profesorado deberá axustarse ó establecido no Real decreto 1004/1991.
Santiago de Compostela, 6 de marzo de 1996.
Luis Framil Álvarez
Director xeral de Ordenación Educativa e Centros
ANEXO
Provincia de Ourense.
Concello: Ourense.
Localidade: Ourense.
Enderezo: Doutor Fleming, 21.
Denominación: Padre Feijoo-Zorelle, S.L.
Titular: Colegio Padre Feijoo-Zorelle, S.L.
Nivel: educación infantil 2º ciclo.
Unidades de que constaba: 2.
Unidades novas autorizadas: 1.
Total de unidades autorizadas: 3.
9602281