Visto o expediente da revisión salarial do convenio colectivo do sector de transporte de mercadorías por estrada que tivo entrada nesta delegación provincial da Consellería de Xustiza, Interior e Relacións Laborais o día 31-1-1996, subscrito en representación da parte económica por ATRANSA, TRANSCAFF e ACOTRADES, e, da parte social, pola Confederación Intersindical Galega e Unión Xeral de Traballadores o día 26-1-1996, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,

ACORDA:

Primeiro.-Ordena-la súa publicación no libro rexistro de convenios de traballo, que consta nesta delegación provincial, e notificación ás representacións económica e social da comisón negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).

Terceiro.-Dispoñe-la súa publicación no BOP e no Diario Oficial de Galicia.

A Coruña, 6 de febreiro de 1996.

Fernando Rodríguez Córcoba

Delegado provincial da Coruña

Asistentes:

Fernando Varela López, ATRANSA.

Alejandro Rodríguez Barro, TRANSCAF.

Ramón González Bangueses, ACOTRADES.

José Boedo Fernández, ACOTRADES.

Fernando Vaamonde Romero, ACOTRADES.

Fernando Solla Fernández, CIG.

Jorge Veiras Serrado, UGT.

Santiago Fernández Rodríguez, CIG.

Na cidade da Coruña, ás 17.30 horas do día vinteseis de xaneiro de mil novecentos noventa e seis, reúnense no local da Confederación de Empresarios da Coruña os membros da comisión paritaria do convenio provincial de mercadorías por estrada da provincia da Coruña.

Aberta a sesión dáse lectura ás táboas salariais do convenio provincial de transporte de mercadorías por estrada da Coruña para o ano 1996.

Comprobadas estas, danse por aprobadas polos asistentes e decídese remitilas para a súa publicación no BOP.

Ás 18.20 horas do devandito día, levántase a sesión, do que dan fe os asistentes.

Rubricado

TÁBOAS SALARIAIS CONVENIO PROVINCIAL DE MERCADORÍAS 1996

1391