Os artigos 18 da Lei 30/1984, de reforma da función pública, modificado pola Lei 22/1993, do 29 de decembro, de medidas fiscais, reforma do réxime xurídico da función pública e da protección por desemprego, e 29 da Lei 4/1988, da función pública de Galicia, modificada pola Lei 3/1995, do 10 de abril, establecen que os postos de traballo dotados orzamentariamente que non poidan ser cubertos cos efectivos de persoal existentes constiúen a oferta de emprego público de cada Administración.
O artigo 146 e seguinte dos estatutos da Universidade de Santiago de Compostela e o capítulo V do convenio colectivo para as universidades públicas de Galicia establecen respectivamente os procedementos de selección e oferta das vacantes de persoal funcionario e laboral.
A oferta de emprego público para o ano 1995 figura nos anexos I e II da presente resolución, tendo en conta as prazas vacantes de persoal funcionario e laboral respectivamente. A ámbolos dous colectivos seranlles de aplicación as reservas e prioridades recollidas nas súas normativas de aplicación.
Tendo en conta a proposta da xerencia da universidade, unha vez consultados os órganos de representación do persoal funcionario e laboral, a oferta de emprego público foi aprobada pola Xunta de Goberno e o Consello Social desta universidade, nas súas sesións do 21 de decembro de 1995 e 14 de febreiro de 1996 repectivamente, este rectorado,
RESOLVEU:
Primeiro.-En cumprimento do disposto no artigo 146 e seguintes dos estatutos da universidade, no artigo 15 da Lei 22/1993, do 29 de decembro, que modifica o 18 da Lei 30/1984, do 2 de agosto, e no artigo 7 da Lei 3/1995, do 10 de abril, que modifica o artigo 29 da Lei 4/1988, do 26 de maio, disponse a publicación no Diario Oficial de Galicia da oferta de emprego público para 1995 do persoal de administración e servicios.
Segundo.-En cada convocatoria de probas selectivas dos cadros de funcionarios reservarase un número suficiente de prazas para a súa provisión mediante o sistema de promoción interna en función do número de candidatos/as potenciais.
A provisión de vacantes e selección do persoal laboral de administración e servicios rexerase polo disposto no convenio colectivo para o persoal laboral das universidades públicas da Comunidade Autónoma de Galicia, e demáis normas reguladoras do ingreso do persoal ó servicio das administracións públicas.
Terceiro.-Nas probas selectivas para ingreso nas escalas de funcionarios e categoría de persoal laboral, incluídas as correspondentes a promoción interna, serán admitidas as persoas con minusvalideces e igualdade de condicións cos demáis aspirantes. Non obstante os aspirantes con minusvalideces deberán acreditar, mediante documentos expedidos polos órganos correspondentes da Consellería de Traballo e Servicios Sociais, do Ministerio de Asuntos Sociais ou dos órganos competentes das comunidades autónomas, a compatibilidade da súa condición de minusválido co desempeño das tarefas e funcións das prazas de que se trate.
Do total de prazas ofertadas reservarase un 3% para ser cuberto polos que teñan a condición legal de minusválidos.
Cuarto.-Non será necesaria a previa inscrición nas oficinas de emprego por participar nas probas selectivas derivadas da presente oferta de emprego público.
Santiago de Compostela, 4 de marzo de 1996.
P.D. (R. 26-2-1996)
Carlos Gómez-Reino Carnota
Vicerrector de Coordinación Santiago de Compostela
ANEXO I
OFERTA DE EMPREGO DE PERSOAL FUNCIONARIO ANO 1995
VACANTES
GRUPO B Escala de axudantes de arquivos e bibliotecas e museos (sección arquivos) 1
Escala de axudantes de arquivos e bibliotecas e museos (sección bibliotecas) 3
Escala de xestión 1
GRUPO C Escala administrativa 7
GRUPO D Escala auxiliar 19
ANEXO II
OFERTA DE EMPREGO DE PERSOAL LABORAL ANO 1995
VACANTES
(reconversión) (reconversión)
GRUPO I Xornalista 1 Técnico de telecomunicacións 1 Técnico de normalización lingüística 2
Técnico de publicacións 1
GRUPO III Técnico especialista fonoteca 1 Técnico especialista informática 4 Técnico de imaxe e son 1 Técnico especialista análise elemental 1 Técnico especialista en microelectrónica 1
VACANTES
Técnico especialista en deportes 5
GRUPO IV Encargado do animalario 1 Conductor 1 Auxiliares técnicos de biblioteca 3 Oficiais de laboratorio 3 Conserxes 3
GRUPO V Telefonistas 7 Mozo de servicio 1 Auxiliares de servicio 7 Vixiante 1
1936