Jaime Balado Yáñez, secretario do Xulgado do Social número dous dos da Coruña, fai saber que nos autos nº 504/1995, seguidos a pedimento de Jesús Manuel Pérez Trigo contra Manuel Dans Mouriño, sobre cantidade, se dictou con data 10 de xaneiro de 1996, do que a súa parte dispositiva di:
«Antonio Fernández-Montells y Fernández, maxistrado-xuíz do Xulgado do Social número dous da Coruña, dispón:
Decreta-la execución polos seus trámites legais correspondentes, derivada da sentencia dictada nos presentes autos, solicitada por Jesús Manuel Pérez Trigo e, en consecuencia, requiri-la empresa Manuel Dans Mouriño, para que satisfaga a cantidade de 378.477 que se reclama de principal e os xuros que se produzan desde a sentencia ata o momento do pagamento, ó 41.632 máis 37.848 ptas que se calculan para gastos e custas e, de non verificalo no acto, requírese o executado ou os seus administradores ou representantes, de tratárense de persoas xurídicas ou grupos sen personalidade para que, no prazo máximo de tres días hábiles contados desde a notificación deste auto, de non teren aboada a cantidade obxecto de constrinximento, efectúen manifestación sobre os seus bens ou dereitos coa precisión necesaria para garanti-las súas responsabilidades, e deberán, así mesmo, indica-las persoas que ostenten dereitos de calquera natureza sobre os seus bens e, de estaren suxeitos a outro proceso,
concreta-los extremos deste que poidan interesarlle á execución. Advírtaselle ó executado que, se deixa transcorrer inxustificadamente os prazos concedidos nos anteriores requirimentos sen efectua-lo ordenado, e mentres non cumpra ou acredite a imposibilidade de facelo, co fin de obter e
asegura-lo cumprimento da obriga que se executa, poderáselle, tras audiencia das partes, impo-lo aboamento de constrinximentos pecuniarios de ata 100.000 ptas por cada día que se retrase na entrega das sumas de diñeiro na presente resolución xudicial.
En virtude dos artigos 270 LOPX e 23 e 273 LPL, notifíqueselle este auto ó fondo de garantía salarial, debendo, nun prazo máximo de quince días, insta-lo que ó seu dereito conveña e designa-los bens do debedor principal que lle consten.
De non efectua-lo aboamento nos prazos sinalados, procédase ó embargo dos bens da súa propiedade en contía suficiente para cubri-las ditas sumas, e sirva a presente resolución de mandamento en forma para a comisión executiva.
Expídanse oficios ós organismos e rexistros públicos e reclámense as certificacións de tódolos bens e dereitos do debedor dos que teñan constancia, e fagan, se fose preciso, as averiguacións legalmente posibles como dispón o artigo 248 da LPL.
Notifíqueselle-la presente resolución ás partes, facéndoo á empresa demandada a través do BOP, sinalando que, contra esta resolución, cabe interpor recurso de reposición no termo de tres días contados a partir do seguinte ó da súa notificación ante o propio xulgado. Así o acorda, manda e asina S. Sª. e dou fe».
E para que lle sirva de notificación á empresa Manuel Dans Mouriño, que se atopa en paradoiro descoñecido, expido a presente cédula para a súa inserción no DOG, que asino na Coruña o 3 de febreiro de 1996.
O secretario xudicial
Rubricado
1079