De acordo co disposto na Lei 7/1992, do 24 de xullo, de pesca fluvial, e oídos o Comité Galego e os provinciais da Pesca Continental, e por proposta
da Dirección Xeral de Montes e Medio Ambiente Natural,
DISPOÑO:
Artigo 1º.-Períodos hábiles.
Con carácter xeral, sen prexuízo do disposto nos réximes especiais en cada provincia, os períodos hábiles para a pesca en augas continentais da Comunidade Autónoma de Galicia serán os seguintes:
-Salmón (Salmo salar).
Do 1 de maio ó 31 de xullo nos coutos de Abres, San Tirso e A Pontenova no río Eo.
Do 12 de maio ó 30 de xuño nos coutos de Celeiro (río Masma), Viveiro (río Landro), Betanzos (río Mandeo), Sinde (río Ulla) e Couso (río Ulla).
Nas restantes masas de auga da Comunidade Autónoma non se autoriza a pesca do salmón.
-Reo (Salmo trutta, ecotipo migrador).
Do 12 de maio ó 15 de agosto con carácter xeral.
Do 12 de maio ó 31 de agosto nos coutos de Ponte Arnelas (río Umia), Bora (río Lérez), Soutomaior (río Verdugo) e Fillaboa (río Tea).
Do 12 de maio ó 30 de setembro nos coutos de Ombre (río Eume), Betanzos (río Mandeo), Ponte do Porto (río Grande) e Noia (río Tambre).
Do 15 de maio ó 31 de agosto no tramos do río Eo compartidos coa Comunidade Autónoma de Asturias (coutos de Abres, San Tirso e lotes 4 e 5 da Pontenova).
-Troita (Salmo trutta).
Do 17 de marzo ó 15 de agosto con carácter xeral.
Do 31 de marzo ó 31 de agosto no tramo do río Navia compartido coa Comunidade Autónoma de Asturias.
Do 15 de maio ó 31 de agosto nos tramos do río Eo compartidos coa Comunidade Autónoma de Asturias (coutos de Abres, San Tirso e lotes 4 e 5 da Pontenova).
Nas masas de auga habitadas por salmón ou reo, e por mor de protexe-la baixada cara ó mar destas especies migradoras, aprazarase o período hábil da troita ata o mes de maio de acordo co disposto nos réximes especiais de cada provincia.
-Lamprea (Petromizon marinus).
Do 1 de xaneiro ó 15 de abril.
-Anguía (Anguilla anguilla).
Do 17 de marzo ó 15 de agosto.
-Saboga e sábalo (Alosa sp).
Non se autoriza a súa pesca
-Ciprínidos.
Do 17 de marzo ó 15 de agosto
-Cangrexo do río (Austropotamolbius pallipes pallipes).
Non se autoriza a súa pesca
-«Black-bass» (Micropterus salmoides).
Do 17 de marzo ó 15 de agosto
-Outras especies.
Do 17 de marzo ó 15 de agosto
Artigo 2º.-Dimensións mínimas e número de pezas autorizadas.
Devolveranse ás augas, acto seguido de se extraeren delas, os exemplares de fauna acuícola cunha lonxitude inferior ás que se expresan no cadro seguinte, no que tamén aparecen o número máximo de pezas autorizadas por pescador e día; todo isto sen prexuízo do disposto nos réximes especiais.
EspecieLonxitudePezas por pescador e día
Salmón 40 cmUnha
Reo 25 cmCinco
Troita común 19 cmQuince
O resto das especies piscícolas autorizadas non terán limitada a lonxitude de captura nin a cota por pescador e xornada, agás o disposto nos réximes especiais de cada provincia.
Artigo 3º.-Cebos e modalidades de pesca autorizados.
Para a captura do salmón prohíbese o emprego da culleriña, o devón e os peixes artificiais e semellantes; quedando unicamente autorizados a mosca artificial e o cebo natural, neste último caso empregando anzois de dimensións iguais ou maiores cás que se sinalan no anexo I, equivalentes ó número 3/0. Estas dimensións mínimas de anzol para cebo natural non serán de aplicación nos tramos do río Eo compartidos coa Comunidade Autónoma de Asturias e nos lotes 1, 2 e 3 do couto da Pontenova. Se algún salmón fose capturado accidentalmente cun cebo prohibido para esta especie e autorizado para outras, deberá ser devolto inmediatamente á auga.
Nas masas de auga habitadas por salmón que se relacionan no anexo II, incluíndo os coutos nos que se permite a captura desta especie, prohíbense os seguintes cebos e sedelas para a captura doutras especies: miñoca, culleriña maior do número 2, culleriña chumbada, sedela trenzada e sedela monofilamento cun diámetro maior de 0,2 mm.
Prohíbese a pesca de tódalas especies con peixe natural, vivo ou morto.
Como regla xeral, e para tódalas especies, só se autoriza a pesca con cana. Aínda así, admítense as seguintes excepcións:
-Lamprea: nas provincias da Coruña e Pontevedra e naquelas augas sometidas a réxime expecial, o uso de «pesqueiras» e de estacadas, soamente nos ríos, tramos e forma que determine a Dirección Xeral de Montes e Medio Ambiente Natural por proposta
do Servicio Provincial de Medio Ambiente Natural.
-Anguía e angula: o emprego de artes legalmente autorizadas, e prohibíse o emprego de embarcacións e de redes distintas ós trueiros ou cribos.
Artigo 4º.-Pesca sen morte.
Nos coutos e tramos de pesca sen morte rexerán as seguintes normas:
-Autorízanse unicamente a mosca nas súas distintas modalidades e a culleriña con anzois sen arponciño, quedando prohibido a tódolos efectos o cebo natural.
-Tódalas capturas deberán ser devoltas á auga despois da súa extracción.
-Os pescadores non poderán estar en posesión de ningún peixe, aínda que fose pescado noutro tramo.
-Os permisos a expedir serán de 4ª categoría.
-Os mércores poderán reservarse os permisos de couto para actividades educativas, solicitadas por entidades interesadas na mellora do medio fluvial. Nestes casos expediranse os permisos gratuitamente, podéndose amplia-lo número máximo de permisos por causas xustificadas.
Artigo 5º.-Réximes especiais.
Apróbanse os réximes especiais provinciais que figuran nos anexos III, IV, V e VI da presente orde.
Disposicións adicionais
Primeira.-Facúltase o director xeral de Montes e Medio Ambiente Natural para modifica-los períodos hábiles por razóns hidrobiolóxicas, de estiaxe ou calquera outra que faga necesario adoptar medidas de protección da riqueza piscícola. Estas medidas adoptaranse por proposta dos servicios provinciais de Medio Ambiente Natural, escoitados os respectivos comités provinciais de pesca, e serán publicados no DOG.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia e manterase vixente ata a publicación no Diario Oficial de Galicia da orde correspondente á tempada de 1997.
Santiago de Compostela, 16 de febreiro de 1996.
Tomás Pérez Vidal
Conselleiro de Agricultura, Gandería e Montes
ANEXO II
PRINCIPAIS MASAS DE AUGA HABITADAS POR SALMÓN E REO
Río Límite superior Límite inferior
Eo Límite superior do couto de Vilarmide Desembocadura Masma Límite superior do couto de Mondoñedo Desembocadura Ouro Límite superior do couto de Foz Desembocadura Landro Límite superior do couto de Viveiro Desembocadura Mandeo Límite superior do couto de Betanzos Desembocadura Ulla Límite do encoro de Portodemouros Desembocadura Deza Presa de Saídres Desembocadura no río Ulla Tea Límite superior do couto de Mondariz Desembocadura no río Miño
ANEXO III
RÉXIMES ESPECIAIS DA PROVINCIA DA CORUÑA
1. Normas xerais.
Non se autoriza a captura da lamprea agás no río Ulla, onde se aplicarán os réximes especiais da provincia de Pontevedra.
A dimensión mínima para o reo nos ríos da provincia será de 30 cm, agás no río Ulla.
Autorízase a pesca da angula coas seguintes prescricións e limitacións de zona, época e artes:
-Poderase pescar en tódolos ríos da provincia, desde a súa desembocadura ata a fin da zona influída polas mareas, excluíndo en todo caso os coutos de pesca.
-A tempada de pesca será a comprendida entre o 1 de novembro e o 31 de marzo do seguinte ano.
-A pesca efectuarase durante as seis horas de subida da marea nocturna, desde o quinto día anterior á lúa nova ata o quinto día posterior, isto é, durante 11 noites consecutivas.
-Só se autoriza a captura desde terra. A única arte autorizada é o trueiro ou cribo, cun diámetro máximo na boca de 70 cm, e queda prohibido calquera outro sistema de pesca.
-Para a práctica da pesca requerirase estar en posesión da licencia de pesca fluvial.
-En función da evolución da tempada, a Dirección Xeral de Montes e Medio Ambiente Natural, por proposta do Servicio Provincial de Medio Ambiente Natural, poderá limita-lo número de pescadores nunha ou varias zonas de pesca, establecer cotas de captura, modifica-las datas da campaña ou establecer cantas normas complementarias sexan precisas para garanti-lo correcto desenvolvemento da tempada de pesca da angula.
2. Réximes especiais de vedas, cebos e modalidades de pesca.
Río Anllóns e afluentes.
Aprázase o período hábil ata o 1 de maio desde Ponte Caldas ata a desembocadura e nos afluentes intermedios.
Védanse tódalas especies desde Ponte Lerida ata Ponte Lagoa.
Regato de Bao.
Védanse tódalas especies desde Ponte San Paio ata a desembocadura no couto de Verdes.
Regato Calvar.
Védanse tódalas especies desde Ponte Chancelas ata a desembocadura no couto de Verdes.
Río Baa.
Védanse tódalas especies entre a estrada LC-133 e a LCV-1223, no concello de Fene.
Río Baleo.
Aprázase o período hábil ata o 1 de maio desde o nacemento ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Belelle.
Aprázase o período hábil ata o 1 de maio desde A Fervenza ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Védanse tódalas especies desde a presa de Formariz ata a presa de Fervenza.
Río Cádavo.
Védanse tódalas especies desde a ponte da N-VI ata a súa desembocadura e nos afluentes intermedios, no concello de Fene.
Río Coroño.
Védanse tódalas especies desde o nacemento ata Ponte de Loxo e nos afluentes intermedios.
Río Espasante.
Aprázase o período hábil ata o 1 de maio desde o nacemento ata a súa desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Eume.
Aprázase o período hábil ata o 12 de maio no couto de Ombre.
Aprázase o período hábil ata o 1 de xuño desde o refuxio de Cal Grande ata a desembocadura.
Aprázase o período hábil ata o 1 de maio desde a central de Endesa ata o límite superior do couto de Ombre e nos afluentes intermedios.
Río Feás.
Aprázase o período hábil ata o 1 de maio desde o nacemento ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Freixeiro.
Védanse tódalas especies desde o nacemento ata a desembocadura na ría de Ferrol e afluentes intermedios.
Río Grande e afluentes.
Aprázase o período hábil ata o 12 de maio no couto de Ponte do Porto.
Aprázase o período hábil ata o 12 de maio desde a presa de Castro Buxán ata o couto de Ponte do Porto.
Aprázase o período hábil ata o 12 de maio desde as presas artificiais de Basandín ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Vimianzo.
Védanse tódalas especies desde Ponte Vilar, en Vimianzo, ata Ponte Roda.
Río Valdazón.
Védanse tódalas especies desde o nacemento ata a desembocadura no couto de Baio.
Río Lambre.
Aprázase o período hábil ata o 1 de maio desde a fábrica de Güimil (Fenosa) ata a desembocadura.
Aprázase o período hábil ata o 1 de xuño na zona intermareal.
Río Loiba.
Aprázase o período hábil ata o 1 de maio desde o nacemento ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Mandeo e afluentes.
Aprázase o período hábil ata o 12 de maio desde a pasarela do Zarzo ata a desembocadura e nos afluentes intermedios, incluíndo o couto de Betanzos.
Aprázase o período hábil ata o 1 de maio desde o nacemento ata a desembocadura do regato Porto (en Porto de Abaixo, Sobrado) e nos afluentes intermedios.
Aprázase o período hábil ata o 1 de xuño na zona intermareal.
Védanse tódalas especies desde a presa de Xielas ata a pasarela do Zarzo.
Río Mendo.
Aprázase o período hábil ata o 1 de maio desde a ponte da N-VI ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Maior.
Aprázase o período hábil ata o 1 de maio desde o nacemento ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Mera.
Aprázase o período hábil ata o 1 de maio desde o nacemento ata a desembocadura e nos afluentes intermedios.
Aprázase o período hábil ata o 1 de xuño na zona intermareal.
Río Mero e afluentes.
Védanse tódalas especies desde a presa de Cecebre ata Ponte Galiñeiro.
Río Barcés
Védanse tódalas especies desde a presa do muíño de Sarandóns ata Ponte de Sarandóns.
Regato Gándara
Védanse tódalas especies desde o nacemento ata a desembocadura no río Mero.
Río Sor.
Aprázase o período hábil ata o 12 de maio desde o nacemento ata a desembocadura e afluentes intermedios, incluíndo os coutos de Ribeiras e Segade.
Aprázase o período hábil ata o 1 de xuño na zona intermareal.
Védanse tódalas especies desde a ponte de Ribeiras do Sor ata Santo de Ribeira e Xancedo e desde 200
m augas abaixo de Ponte Ulló ata 200 m augas arriba da presa de Rafael.
Río Tambre e afluentes.
Aprázase o período hábil ata o 12 de maio desde o límite superior do couto de Noia ata a desembocadura e nos afluentes intermedios, incluíndo os 100 m finais do río Donas.
Aprázase o período hábil ata o 1 de maio desde o nacemento ata Ponte Louseiras e nos afluentes intermedios.
Aprázase o período hábil ata o 1 de xuño na zona intermareal.
Védanse tódalas especies desde 500 m augas arriba da presa do muíño das Areas ata 100 augas abaixo da mesma presa, no couto de Chaián.
Védanse tódalas especies desde a presa de Sigüeiro ou Chan de Castro ata a desembocadura do arroio César, no couto de Sigüeiro.
Autorízase a pesca de ciprínidos todo o ano desde a pasarela de Tapia ata 500 m augas abaixo do muro da praia de Ames.
Río Donas.
Aprázase o período hábil ata o 12 de maio desde a desembocadura ata 100 m augas arriba.
Aprázase o período hábil ata o 1 de maio desde o nacemento ata 100 m augas arriba da desembocadura.
Río Cabalar.
Aprázase o período hábil ata o 1 de maio desde o nacemento ata a desembocadura.
Regato Rudelo.
Védanse tódalas especies desde o nacemento ata a desembocadura na lagoa de Sobrado e nos afluentes intermedios.
Río Traba e afluentes.
Aprázase o perído hábil ata o 1 de maio desde a ponte de Porto Bravo ata a desembocadura.
Aprázase o perído hábil ata o 1 de xuño na zona intermareal.
Regato de Vilacoba.
Védanse tódalas especies desde o nacemento ata a desembocadura.
Río Ulla e afluentes.
Desde a presa do encoro de Portodemouros ata a súa desembocadura, así como en tódolos afluentes da provincia nun tramo de 1 km augas arriba desde a súa confluencia co río Ulla, agás o río Sar, rexerán as normas recollidas nos réximes especiais da provincia de Pontevedra.
Río Furelos e afluentes.
Aprázase o perído hábil ata o 1 de maio desde o nacemento ata a ponte de Paradela e nos afluentes intermedios.
Aprázase o perído hábil ata o 1 de maio nos seguintes afluentes:
Río Toca: desde o nacemento ata Ponte de Souto.
Río Pedrouzos: desde o nacemento ata Ponte Castrillón.
Río Catasol: desde o nacemento ata Ponte Trasmundi.
Río Vilamor: desde o nacemento ata Ponte Pontellón.
Río Iso.
Aprázase o perído hábil ata o 1 de maio desde o nacemento ata Ponte Requeiros e nos afluentes intermedios.
Regato dos Pasos.
Védanse tódalas especies desde Ponte Chamiseira (Covas), no concello de Ames, ata a desembocadura no río Sar.
Regato Pego.
Védanse tódalas especies desde a ponte de Alqueidón, estrada C-543 Santiago-Noia, no concello de Brión, ata a desembocadura no río Sar.
Río Xallas e afluentes.
Regato Chancela
Védanse tódalas especies desde o nacemento ata a desembocadura e nos afluentes intermedios.
Río Xubia e afluentes.
Aprázase o perído hábil ata o 12 de maio no couto de Xubia e nos afluentes intermedios, incluídos os 100 m finais do río Castro.
Aprázase o período hábil ata o 1 de xuño na zona intermareal.
Río Castro.
Aprázase o período hábil ata o 12 de maio desde a desembocadura ata 100 m augas arriba.
Aprázase o período hábil ata o 1 de maio desde o nacemento ata 100 m augas arriba da desembocadura.
Regato de Prados.
Védanse tódalas especies desde o nacemento ata a desembocadura no couto de Xubia.
Ríos da costa de Carnota.
Védanse tódalas especies desde o nacemento ata a desembocadura e nos afluentes intermedios dos seguintes ríos: Lariño, Louredo, Vadebois, Vilar de Parada, Pedrafigueira e Nóutigos.
Ríos da costa de Muros.
Védanse tódalas especies desde o nacemento ata a desembocadura e nos afluentes intermedios dos seguintes ríos: Rateira e Valdexería.
3. Réxime especial de encoros e lagoas.
Encoro de Cecebre: autorízase a pesca de tódalas especies durante todo o ano. Permanecerán vedadas
as colas do encoro, desde Agrolongo na cola do río Mero e desde o embarcadoiro de Carril na cola do río Barcés unindo ámbolos puntos coas beiras opostas segundo recta imaxinaria que atravese a illa existente no primeiro caso e sexa perpendicular á beira no segundo. Queda prohibida a pesca desde embarcación ou artefacto flotante, a excepción do «tubo flotador».
Encoro de sabón: autorízase a pesca de tódalas especies durante todo o ano.
Encoro das forcadas: autorízase a pesca de tódalas especies durante todo o ano.
Encoro de San Cosmade: autorízase a pesca de tódalas especies durante todo o ano.
Encoro de portodemouros: para a pesca rexerán as normas recollidas nos réximes especiais da provincia de Pontevedra.
Encoro de vilagudín: aproveitamento piscícola en réxime de concesión (Resolución do 4 de maio de 1994, DOG nº 104 do 1 de xuño). Normativa específica.
Lagoa de valdoviño: queda prohibida a pesca desde embarcación e calquera tipo de artefacto flotante.
Lagoa de sobrado: a pesca rexerase pola normativa acordada co propietario do aproveitamento piscícola. O período será o comprendido entre o 1 de abril e o 30 de xuño. Limítase o número de capturas a 12 pezas/pescador/día. O número máximo total de exemplares extraídos da lagoa será de 360, cun tamaño mínimo de 25 cm.
ANEXO IV
RÉXIMES ESPECIAIS DA PROVINCIA DE LUGO
1. Normas xerais.
Os regatos ou ríos que desemboquen nos tramos onde se autoriza a pesca dos ciprínidos non están incluídos na autorización. Nestes tramos, a pesca fóra do período hábil da troita realizarase cunha soa cana e unicamente se permite o uso do cebo natural, exceptuando a miñoca, con anzol que teña de tamaño máximo o número 12.
A validez dos permisos expedidos para os coutos de pesca fluvial está supeditada á correspondencia de datos coa matriz do centro expedidor, tanto no que se refire á identificación, numeración, couto, categoría, etc., como ó seu importe.
A lamprea queda vedada en tódolos coutos de pesca fluvial dos ríos Landro, Ouro e Masma e en toda a conca do río Eo.
Os luns non festivos serán días inhábiles para a pesca nos coutos da provincia, agás naqueles do río Eo compartidos coa Comunidade Autónoma de Asturias.
Autorízase a pesca da angula coas seguintes prescricións e limitacións de zona, época e artes:
-Poderase pescar en tódolos ríos da provincia, desde a súa desembocadura ata a fin da zona influída polas
mareas, excluíndo en todo caso os coutos de pesca. No río Eo esténdese esta zona ata o límite inferior do lote 9 do couto de Abres.
-A tempada de pesca será a comprendida entre o 1 de novembro e o 31 de marzo do seguinte ano.
-A pesca efectuarase durante as seis horas de subida da marea nocturna, desde o quinto día anterior á lúa nova ata o quinto día posterior, isto é, durante 11 noites consecutivas.
-Só se autoriza a captura desde terra. A única arte autorizada é o trueiro ou cribo, cun diámetro máximo na boca de 70 cm, quedando prohibido calquera outro sistema de pesca.
-Para a práctica da pesca requirirase estar en posesión da licencia de pesca fluvial.
-En función da evolución da tempada, a Dirección Xeral de Montes e Medio Ambiente Natural, por proposta do Servicio Provincial de Medio Ambiente Natural, poderá limita-lo número de pescadores nunha ou varias zonas de pesca, establecer cotas de captura, modifica-las datas da campaña ou establecer cantas normas complementarias sexan precisas para garanti-lo correcto desenvolvemento da tempada de pesca da angula.
Nos coutos e tramos de pesca sen morte da provincia expedirase un máximo de 5 permisos diarios.
2. Réximes especiais de vedas, cebos e modalidades de pesca.
Río Anllo.
Védanse tódalas especies desde a ponte de Baroncelle ata a ponte de Moncelos (estrada local a Rábade).
Río Azúmara.
Védanse tódalas especies desde a ponte de Seixosmil ata a desembocadura no río Miño.
Río Cabe.
Aprázase o período hábil da troita ata o 1 de maio desde a ponte de Santa Eulalia de Trascastro (estrada a Ferrería do Incio) ata o lugar de Pacios da Veiga (na estrada da Pobra de Brollón ó Incio).
Védanse tódalas especies desde o encoro de Vilanova ata o lugar de Gundear, fronte ó chalé de Emilio, o carpinteiro (500 m augas arriba).
Védanse tódalas especies desde a ponte de Santa Eulalia de Trascastro ata o nacemento do río.
Prohíbese a pesca os luns e os xoves (non festivos) desde a ponte na estrada de Lugo a Quiroga, xunto a Fornelas, ata o muíño do club fluvial.
Prohíbese o cebo natural en todo o río a partir do 1 de xullo, agás no tramo comprendido entre Pacios da Veiga e o límite superior do couto de Monforte de Lemos.
Autorízase a pesca de ciprínidos ata ó 1 de novembro desde 150 m augas arriba da ponte romana de Monforte de Lemos ata o lugar de Ponte Vella de Canaval que delimita os termos municipais de Sober e Pantón.
Río Cancelada.
Védanse tódalas especies desde a parte de Veiga do Seixo ata o punto onde se xuntan o rego da Vara (río de Cales) co río Cancelada.
Río Eo e afluentes.
Aprázase o período hábil ata o 1 de maio desde a piscifactoría de Pisceo ata a ponte de Murias (parroquia de Martín-Baleira) e afluentes intermedios.
Aprázase o período hábil ata o 12 de maio nos coutos de Vilarmide, Xinzo e Salmeán, nos lotes 1, 2 e 3 do couto da Pontenova, e na zona libre da Pontenova.
Védanse tódalas especies desde o nacemento ata a piscifactoría de Pisceo (parroquia de Fonteo-Baleira).
Védanse tódalas especies, agás a angula, desde o final do lote 9 do couto de Abres ata a ponte do ferrocarril Ferrol-Xixón.
Védanse tódalas especies desde a ponte de Vilarmide ata o pozo de Corbeiro, no couto de Xinzo.
Queda libre o lote 4 do couto de Abres.
Nos tramos compartidos coa Comunidade Autónoma de Asturias (coutos de San Tirso e Abres e lotes 4 e 5 do couto da Pontenova) serán días inhábiles para a pesca tódolos xoves.
Nos coutos de Vilarmide, Xinzo, Salmeán e A Pontenova, así como na zona libre da Pontenova e nos tramos compartidos coa Comunidade Autónoma de Asturias, a cantidade máxima de capturas fíxase en 12 troitas ou reos por pescador e día.
Entre os días 15 e 31 de xullo só se autoriza a pesca de salmón con mosca artificial.
A troita e o reo só se poderán pescar con mosca artificial, saltón ou grilo desde o límite superior do couto de Xinzo ata a desembocadura.
A partir do 1 de xullo prohíbese o cebo natural para troita e reo desde o nacemento do río ata o límite superior do couto de Xinzo e nos afluentes intermedios. No couto de Vilarmide poderase empregar cebo natural, agás miñoca, só cando se pesque con anzol sen arponciño.
Desde a ponte da Pontenova ata a ponte do Pico (vila da Pontenova) declárase zona libre para pesca sen morte. Nesta zona, o período hábil comezará o 12 de maio, en non se poderá empregar culleriña maior do número 2.
Autorízase a pesca da anguía durante a tempada hábil da troita e do reo. Para esta especie, nos coutos da Pontenova, San Tirso e Abres utilizarase aparello de liña sen anzol.
Co gallo da Festa da Troita na Pontenova autorízase un concurso de pesca o día 1 de maio nos coutos de Vilarmide, Xinzo, Salmeán e A Pontenova (lotes 1, 2 e 3), así como na zona libre da Pontenova.
Río Trabada.
Védanse tódalas especies desde a presa de Piago Negro ata a súa desembocadura no Eo.
Río Eume.
Védanse tódalas especies desde a ponte da Balsa ata a ponte de Insua.
Río Ferreira.
Autorízase a pesca de ciprínidos durante todo o ano desde o encoro de Galego ata a desembocadura no Miño.
Río Guisande.
Védanse tódalas especies desde a ponte de Lama ata a desembocadura no río Támoga.
Río Ladra e afluentes.
A partir do 1 de xullo prohíbese o uso de cebo natural no couto de Begonte.
O tramo comprendido entre o muíño de Carballido e a ponte da N-VI declárase como couto de pesca sen morte.
Regato de Porto Pres.
Védanse tódalas especies desde o nacemento ata a desembocadura, na parroquia de Francos (Outeiro de Rei).
Regato de Lama.
Védanse tódalas especies desde o nacemento ata a desembocadura, na parroquia de Gaioso (Outeiro de Rei).
Río Landro e afluentes.
Aprázase o período hábil ata o 12 de maio no couto de Viveiro.
Védase o salmón no lote 1 do couto de Viveiro.
Védanse tódalas especies na zona comprendida entre 100 m augas arriba e 100 m augas abaixo das presas do muíño e igualmente da presa de Chavín.
Védanse tódalas especies desde o encoro de Salto do Can ata 250 m augas abaixo.
No couto de Viveiro a cantidade máxima de capturas fíxase en 12 troitas ou reos por pescador e día.
No couto de Viveiro, desde a presa de Salto do Can ata o final do couto, prohíbese durante toda a tempada o uso de cebo natural para a troita e o reo. A partir do 1 de xuño, no mesmo tramo, prohíbese o uso da culleriña. A partir do día 1 de xullo prohíbese o cebo natural para troita e reo no resto do couto.
Río Loureiro.
Aprázase o período hábil ata o 12 de maio desde a ponte de Galea ata a desembocadura no Landro.
Río de Galdo ou Bravos.
Aprázase o período hábil ata o 12 de maio desde a ponte de Baralla ata a desembocadura.
Río Lea.
Védanse tódalas especies desde a ponte do Regueiral (Lea) ata a ponte de Correás (Fraialde-Pol).
Río Lexoso (afluente do Grande, ría de Ribadeo).
Védanse tódalas especies desde o pozo de Lexoso ata o nacemento.
Río Lor e afluentes.
Aprázase o período hábil ata o 1 de maio desde a ponte de Eixecadas ata a ponte de Esperante.
Védanse tódalas especies desde o nacemento ata a ponte de Eixecadas.
Védanse tódalas especies no tramo do couto do Courel comprendido entre a desembocadura do río Pequeno e a ponte da Ferrería Vella.
O tramo do couto do Courel comprendido entre o límite superior e a desembocadura do río Pequeno declárase como tramo de pesca sen morte.
A partir do 1 de xullo prohíbese o uso de cebo natural en toda a conca, exceptuándose o tramo comprendido entre o final do couto de Labrada e a desembocadura no río Sil e o tramo comprendido entre o límite superior do couto de Labrada e a ponte de Froxán.
Río Lóuzara.
Aprázase ata o día 1 de maio o comezo do período hábil desde O Pozo de Beltrán (lugar de Parada na parroquia de Santalla-Samos) ata o nacemento, incluíndo os afluentes.
A partir do 1 de xullo prohíbese o uso de cebo natural en todo o río.
Río Ferreirós.
Védanse tódalas especies desde a ponte de Ferreirós de Abaixo ata a desembocadura.
Río Pequeno.
Védanse tódalas especies no tramo final, desde a ponte da estrada de Folgoso a Seoane ata a desembocadura.
Río Mao.
Védanse tódalas especies desde a ponte de Ribeira (parroquia de Goo) ata Mosteiro.
Védanse tódalas especies nun tramo de 200 m augas abaixo da presa de Vilasouto.
Río Masma e afluentes.
Aprázase o período hábil ata o 12 de maio nos coutos de Mondoñedo e Celeiro, e no tramo final do río desde o remate deste último couto ata a desembocadura.
Védanse tódalas especies no tramo comprendido entre 100 m augas arriba e 100 m augas abaixo das presas da Central e de Fontela.
Nos coutos de Mondoñedo e Celeiro, e no tramo libre desde o límite inferior deste último couto ata a desembocadura, a cantidade máxima de capturas fíxase en 12 troitas ou reos por pescador e día.
A partir do día 1 de xuño prohíbese o uso da culleriña desde o límite superior do couto de Celeiro ata a ponte da Espiñeira e a partir do día 1 de xullo prohíbese o cebo natural para troita e reo no couto de Mondoñedo.
Queda prohibido en toda a tempada o uso de cebo natural para troita e reo no couto de Celeiro e na zona libre que segue a este couto.
Prorrógase ata o 30 de setembro, desde o pozo dos Cantos ata a ponte da Espiñeira, a pesca da robaliza, muxo, solla e anguía con xorra (Nereis sp), pulga de mar ou miga de pan.
Río Figueiras.
Védanse tódalas especies desde a ponte de Figueiras en Fraga Vella ata o nacemento, incluídos os afluentes intermedios.
Río Ferrería.
Védanse tódalas especies desde o muíño do barrio da Ferrería en Viloalle ata a desembocadura.
Río Tronceda.
Védanse tódalas especies desde A Fervenza ata a desembocadura.
Río Mera.
Védanse tódalas especies desde a ponte de Muíño de Mazuco ata a Ponte Nova (parroquia do Veral, termo municipal de Lugo).
Río Miño.
Védase a troita no tramo comprendido entre a ponte de Santandreao (Couto de Terrachá) e Fonmiñá (A Pastoriza).
Autorízase a pesca de ciprínidos durante todo o ano nos seguintes tramos:
Tramo 1.-Desde a presa do Rei Chiquito ata a Acea do Vilar (termo municipal de Lugo).
Tramo 2.-Desde a ponte de Areas (límite inferior do couto de Quinte) ata o muro da presa do encoro de Belesar, exceptuando:
a) Pola marxe dereita: 600 m augas arriba da desembocadura do río Enviande (parroquia de Sobrecedo de Taboada) ata 500 m augas abaixo da desembocadura do río Lama (parroquia de Pedrafita de Chantada).
b) Pola marxe esquerda: 500 m augas arriba da desembocadura do río Sardiñeira (parroquia de San Vicente de Ribas do Miño) ata 500 m augas abaixo da referida desembocadura (parroquia de Rebordáns), no termo municipal do Saviñao.
Prorrógase a pesca de ciprínidos ata o 1 de novembro no tramo comprendido entre a ponte da antiga estrada de Monforte de Lemos a Chantada e o muro da presa dos Peares pola marxe esquerda, e pola marxe dereita, desde 50 m augas abaixo da desembocadura do regato de Camporramiro ata o muro da presa antes sinalado (termos municipais de Carballedo, Chantada, Pantón e O Saviñao).
Queda prohibida a recollida de anguías turbinadas desde a presa de Belesar ata A Ponte Vella da estrada Chantada-Monforte de Lemos. Desde este punto augas abaixo a recollida non poderá facerse de noite.
Río Navia e afluentes.
Védanse tódalas especies desde a Ponte de Robledo ata a Ponte de Nullán (termo municipal das Nogais).
No tramo compartido coa Comunidade Autónoma de Asturias (augas abaixo do límite inferior do couto de Navia) os xoves non festivos serán días inhábiles para a pesca.
No tramo compartido coa Comunidade Autónoma de Asturias a cota máxima de capturas será de 12 troitas por pescador e día.
A partir do día 1 de xullo prohíbese o uso do cebo natural en toda a conca.
Río Cruzul.
Védanse tódalas especies desde a Ponte de Cruzul ata o nacemento.
Rego de Vilarpandín.
Védanse tódalas especies desde a ponte da estrada Becerreá-Navia ata a desembocadura no río Navia.
Río Ser.
Védanse tódalas especies desde a ponte da estrada Navia-Becerreá ata a desembocadura.
Río Neira e afluentes.
Aprázase o período hábil ata o día 1 de maio desde a presa da Veiga (municipio de Baralla) ata o nacemento, incluíndo os afluentes.
A partir do 1 de xullo prohíbese o uso do cebo natural en toda a conca do río Neira, agás:
-No tramo autorizado para a pesca de ciprínidos.
-No couto de Pobra.
-No río Sarria desde o muíño de Moreira ata a súa desembocadura no Neira.
-No río Tordea desde a Ponte de Laxes ata a súa desembocadura no Neira.
O tramo comprendido entre a Ponte de Valdriz e a Ponte da estrada Lugo-Sarria declárase como couto de pesca sen morte.
Autorízase a pesca de ciprínidos durante todo o ano desde a Ponte de Neira (límite inferior do couto de Pobra) ata a desembocadura no río Miño.
Río Sarria (Oribio).
Védanse tódalas especies desde a ponte da Capela do Ciprés ata a presa do Vizarro.
Védanse tódalas especies no tramo comprendido entre a ponte da estrada de Samos e a ponte da rúa Castelao (zona urbana de Sarria).
A partir do 1 de xullo prohíbese o uso do cebo natural en toda a conca do río Sarria, coa excepción
do tramo que vai desde o muíño de Moreira ata a desembocadura no río Neira.
Río Tordea.
A partir do 1 de xullo prohíbese o uso de cebo natural en toda a conca do río Tordea agás no tramo comprendido entre a ponte de Laxes e a desembocadura no Neira.
Río Ouro.
Aprázase o período hábil ata o 12 de maio no couto de Foz.
Védanse tódalas especies desde a ponte de Acea (Alfoz) ata a desembocadura do río Facelude (Alfoz).
Védanse tódalas especies desde Prado de Pardeiro ata a desembocadura da canle de Peizás (Frexulfe, O Valadouro).
Védanse tódalas especies 100 m augas abaixo e 100 m augas arriba das presas de Candaedo e Caneiro (lotes 1 e 2 do couto de Foz).
No couto de Foz a cantidade máxima de capturas fíxase en 12 troitas ou reos por pescador e día.
A partir do día 1 de xuño prohíbese o uso da culleriña no couto de Foz e prohíbese o uso do cebo natural para a pesca da troita e reo no mesmo couto.
Prorrógase ata o día 30 de setembro a pesca da robaliza, muxo, solla e anguía con xorra, pulga de mar ou miga de pan, desde a ponte vella de Fazouro ata a ponte metálica (deslinde marítimo-fluvial).
Río Sil.
Autorízase a pesca de ciprínidos e anguías durante todo o ano desde a desembocadura do río Bibei (Quiroga) ata a central de Sequeiros (termos municipais de Quiroga e Ribas de Sil).
Autorízase a pesca de ciprínidos, anguías e «Black-bass» durante todo o ano desde a ponte vella de San Clodio (Ribas de Sil) ata o muro do encoro de San Estevo (Sober), exceptuando, pola marxe dereita, desde o viaducto de Augasmestas ata 1.100 m augas abaixo da desembocadura do río Lor (parroquia de Augasmestas-Quiroga).
Río Sor e afluentes.
Aprázase o período hábil ata o 12 de maio en toda a conca.
No curso principal do río rexerán os réximes especiais da provincia da Coruña.
Ríos dos Ancares (R.N. de caza)
Quedan vedados os seguintes tramos para tódalas especies:
Rego da Vara: desde 500 m. augas abaixo de onde se xunta co rego de Cabanavella ata o nacemento.
Rego de Brego: desde o lugar de Deva ata o nacemento.
ANEXO V
RÉXIMES ESPECIAIS DA PROVINCIA DE OURENSE
1. Normas xerais.
Prohíbese pescar desde embarcación provista de instrumentos de ecolocalización, sonar ou semellantes.
Prohíbese pescar desde embarcación cun número de canas superior a unha por pescador, ademais o número total de canas por embarcación non poderá ser superior a tres, aínda sendo maior o número de pescadores embarcados.
Prohíbese a pesca con ninfa artificial lastrada a fondo para calquera especie piscícola.
Prohíbese a pesca con saltón, grilo ou larvas da «cera», «mel» ou «bicho suízo» en tódalas augas desde o día 15 de xullo e ata o final da tempada hábil.
Prohíbese o uso da miñoca como cebo nos coutos de pesca xestionados polo Servicio de Medio Ambiente Natural de Ourense para a pesca de salmónidos desde o inicio da tempada ata o día 17 de abril inclusive.
Prohíbese o uso do verme de carne «asticot» como cebo nos coutos de pesca xestionados polo Servicio de Medio Ambiente Natural para a pesca de salmónidos durante toda a tempada hábil de pesca.
Os permisos de pesca de 4ª categoría son válidos para a pesca exclusiva de ciprínidos cunha soa cana, anzol do número 14 ou tamaño máis pequeno, utilizando como cebos «asticot», larva de tricóptero, masillas ou vexetais.
En tódolos coutos da provincia, calquera que sexa o seu réxime administrativo, son días inhábiles para a pesca tódolos xoves, agás festivos.
En tódolos coutos da provincia o número de capturas de troita por pescador e día será de 12 exemplares, agás no couto de Allariz no que este número será de 6 exemplares.
Naquelas masas de auga onde se autoriza a pesca durante todo o ano teranse en conta, ademais das normas específicas de cada masa, as seguintes prescricións:
-Só se autoriza a pesca de ciprínidos e «black-bass».
-Para a pesca de ciprínidos empregaranse tan só anzois do número 14 ou de tamaño máis pequeno, e usando como cebo o verme da carne «asticot» ou masillas vexetais.
-Para a pesca da carpa poderanse empregar anzois de calquera tamaño, sempre que se empregue como cebo pataca, pasta de fariña, cebos vexetais, así como masillas ou outras mesturas específicas para a devandita especie.
-Para a pesca do «black-bass» empregaranse soamente engados específicos para a dita especie, vinilo e fantasía.
-Nos encoros onde se pode pescar durante todo o ano ciprínidos e «black-bass», a autorización para a devandita pesca só é válida para as augas encoradas e quietas, a unha distancia mínima de 50 m augas
abaixo de onde rematan as augas correntes (ríos, regatos, etc...) que alimentan os ditos encoros.
2. Réximes especiais de vedas, cebos e modalidades de pesca.
Río Arnoia.
Védanse tódalas especies desde o nacemento ata a ponte de Prado, no concello de Vilar de Barrio, nunha lonxitude aproximada de 10.000 m. Esta veda esténdese a tódalas correntes tributarias do río Arnoia comprendidas neste tramo.
Védanse tódalas especies desde a presa do Buraco (límite superior) ata a presa dos Osos (límite inferior), no concello de Allariz, nunha lonxitude aproximada de 1.300 m.
Autorízase a pesca durante todo o ano a pesca de ciprínidos no tramo comprendido entre a presa de Acearrica (límite superior) e a presa do Buraco (límite inferior), no concello de Allariz.
No couto de Allariz o período hábil finalizará o 31 de xullo. As capturas máximas por pescador e día serán de 6.
Río Barbantiño.
Védanse tódalas especies no tramo comprendido entre a Fervenza do Barbantiño (límite superior) e a desembocadura no río Miño (límite inferior), nos concellos de Punxín, Amoeiro e Maside, nunha lonxitude aproximada de 6.500 m.
Río Barra.
Védanse tódalas especies no tramo comprendido entre a Fervenza e a desembocadura no río Miño, nos concellos de Coles e da Peroxa, nunha lonxitude aproximada de 2.600 m.
Río Cadós.
Védanse tódalas especies no tramo comprendido entre a ponte da estrada N-540 (límite superior) e o encoro das Conchas (límite inferior), nunha lonxitude aproximada de 1.700 m.
Río Cenza.
Védanse tódalas especies desde o nacemento ata a desembocadura, incluíndo tódolos afluentes.
Río Conso.
Védanse tódalas especies no tramo comprendido entre o nacemento do río Cerveira-Conso (límite superior) e a presa da Edrada (límite inferior), no Concello de Vilariño de Conso, nunha lonxitude aproximada de 18.000 m.
Védanse tódalas especies no tramo comprendido entre a ponte de Sabuguido (límite superior) e a confluencia co río Cenza (límite inferior), no Concello de Vilariño de Conso, nunha lonxitude aproximada de 2.700 m.
Regato Fragoso.
Védanse tódalas especies no tramo comprendido entre o nacemento e a desembocadura no río Miño, nos concellos de Castrelo de Miño e Cartelle.
Río Lobios.
Védanse tódalas especies no tramo comprendido entre os muíños da fábrica de Lobios (límite superior) e o lugar de Lobios (límite inferior), nunha lonxitude aproximada de 1.500 m.
Río Mao e afluentes.
Védanse tódalas especies no tramo de auga encorada na área recreativa de Montederramo.
Védanse tódolas especies no tramo comprendido entre o nacemento e a ponte de Touzal, así como nos regatos de Groil e da Reixa desde o seu nacemento ata a súa desembocadura no río Mao, no Concello de Montederramo. Esta veda esténdese tamén a tódolos afluentes do curso alto.
Río Miño.
Védanse tódalas especies desde a presa de Frieira (límite superior) ata o río Troncoso pola marxe esquerda e a súa prolongación imaxinaria ata a beira dereita do Miño (límite inferior), nunha lonxitude aproximada de 300 m.
A cota máxima de capturas de troitas por pescador e día é de 6 exemplares nos seguintes tramos:
-Primeiro tramo (concellos de Nogueira de Ramuín e A Peroxa): desde a ponte do ferrocarril nos Peares (límite superior) ata a desembocadura do regato do Fontao na marxe dereita e a súa prolongación imaxinaria á marxe esquerda (límite inferior).
-Segundo tramo (concello de Ourense): desde a presa de Velle (límite superior) ata o viaducto do ferrocarril (límite inferior).
-Terceiro tramo (concellos de Ourense, Barbadás e Amoeiro): desde a ponte Novísima (límite superior) ata a desembocadura do regato de Alongos na marxe esquerda do Miño e a súa prolongación imaxinaria ata a marxe dereita (tramo inferior).
Nestes mesmos tramos prohíbese a pesca desde embarcación ou artefacto flotante durante todo o ano.
Permítese a pesca desde a beira do río durante todo o ano de ciprínidos e «black-bass» no tramo comprendido entre o viaducto do ferrocarril (límite superior) e a ponte Novísima (límite inferior) no concello de Ourense.
Río Orille.
Védanse tódalas especies no tramo comprendido entre a industria Iberolacto (límite superior) e a presa do Conde (límite inferior), no concello de Celanova, nunha lonxitude aproximada de 2.000 m.
Río Puga.
Védanse tódalas especies no tramo comprendido entre o nacemento e a desembocadura no río Miño, no concello de Toén.
Río de Queixa-Edreira e afluentes.
Védanse tódalas especies no tramo comprendido entre o nacemento do río Queixa-Edreira e a desembocadura do regato Torneiro, na Ferreiría (límite infe
rior), nos límites dos concellos de Chandrexa de Queixa e Montederramo, así como tódolos regatos tributarios do tramo vedado (regato de Boqueira, Cascallal, Cabrociños, Cabras, das Casas, Figueiro, Torneiro e outros).
Río Sil.
Autorízase a pesca durante todo o ano de ciprínidos e «black-bass» no tramo comprendido entre a Ponte de San Fernando (límite superior), no concello do Barco de Valdeorras, e a depuradora (límite inferior).
Río Támega e afluentes.
Védanse tódalas especies no tramo comprendido entre o nacemento e a desembocadura do regato de Braxón en Tamicelas, no concello de Laza, así como os regatos tributarios que verten no tramo vedado (regatos de Portas, Abilleira, Braxón e outros).
No río Collas védanse tódalas especies no tramo comprendido entre o nacemento e a desembocadura no río Támega, no concello de Laza. Esta veda esténdese a tódolos regatos tributarios.
Río Xares.
Védanse tódalas especies no tramo comprendido entre o límite do acoutado no Pozo dos Mouros (límite superior) e o remate da área recreativa (límite inferior), no concello da Veiga, nunha lonxitude aproximada de 500 m.
Ríos dos montes do Invernadeiro.
Quedan vedados tódolos cursos de auga dos montes do Invernadeiro, propiedade da Xunta de Galicia, así como un tramo de 500 m cara ó exterior destes límites no encoro das Portas, no concello de Vilariño de Conso.
3. Réxime especial de encoros.
Autorízase a pesca durante todo o ano de ciprínidos e «black-bass» nos seguintes encoros:
Encoro de Albarellos: desde a Ponte Albarellos (límite superior do río principal) ata a presa de Albarellos (límite inferior).
Encoro do Bao:
No río Bibei: desde a ponte da Residencia (límite superior) ata a presa do Bao (límite inferior).
No río Camba: desde a ponte de Bembibre (límite superior) ata a presa do Bao (límite inferior).
No río Conso: desde a ponte de Vilariño de Conso (límite superior) ata a presa do Bao (límite inferior).
Encoro de Cachamuiña: desde a pasarela sobre o río Loña na cola do encoro (límite superior) ata a presa de Cachamuiña (límite inferior).
Encoro de Castrelo de Miño: desde a desembocadura do regato de Alongos na marxe esquerda e a súa prolongación imaxinaria na marxe dereita (límite superior) ata a presa de Castrelo de Miño (límite inferior).
Encoro de Chandrexa de Queixa: desde a desembocadura do río Navea no encoro (límite superior) ata a presa de Chandrexa (límite inferior).
Encoro das Conchas: desde a ponte da estrada Bande-Mugueimes no río Limia e desde o límite do vedado de Cadós no río Cadós (límites superiores) ata a presa das Conchas (límite inferior).
Encoro de Frieira: desde a desembocadura do río Avia (límite superior) ata a presa de Frieira (límite inferior).
Encoro de Guístolas: desde o límite do encoro nos concellos de San Xoán de Río e Chandrexa de Queixa (límite superior) ata o muro da presa (límite inferior).
Encoro de Lindoso: desde a ponte da estrada sobre o encoro cara a Lobios e a Madanela (límite superior) ata a fronteira con Portugal (límite inferior).
Encoro de Montefurado: desde a ponte da estrada C-536 de Ourense á Rúa (límite superior) ata o límite coa provincia de Lugo (límite inferior).
Encoro de Prada: desde a ponte da estrada da Veiga a Cobelo (límite superior) ata a presa de Prada (límite inferior).
Encoro de Pumares: desde a ponte de Roldán (límite superior) ata a presa de Pumares no interior da provincia de Ourense (límite inferior).
Encoro de Salas: desde a ponte de Requiás a Maus de Salas (límite superior) ata a presa de Salas (límite inferior)
Encoro de Santo Estevo: desde a ponte da estrada de Castro Caldelas a Monforte de Lemos (límite superior) ata a presa de Santo Estevo (límite inferior).
Encoro de San Martiño: desde a desembocadura do regueiro A Vioca no río Sil (límite superior) ata a ponte da estrada entre A Rúa e Petín (límite inferior).
Encoro de Santiago: desde a confluencia do río Leira co Sil (límite superior) ata a presa de Santiago (límite inferior).
Encoro de Velle: desde a desembocadura do regato do Fontao na marxe dereita e a súa prolongación imaxinaria á marxe esquerda (límite superior) ata a presa de Velle (límite inferior).
ANEXO VI
RÉXIMES ESPECIAIS DA PROVINCIA DE PONTEVEDRA
1. Normas xerais.
Nos coutos e tramos de pesca sen morte da provincia expedirase un máximo de 5 permisos diarios.
2. Réximes especiais de vedas, cebos e modalidades de pesca.
Río Deva e afluentes.
Védanse tódalas especies desde o nacemento ata a ponte de Petán.
Regato de Chan.
Védanse tódalas especies desde o nacemento ata a desembocadura.
Río Gafos.
Aprázase o período hábil ata o 1 de maio desde a confluencia do río Tomeza e río Marcón ata a desembocadura.
Río Hospital.
Védanse tódalas especies desde o nacemento ata a central de Miudiña.
Río Lagares.
Védanse tódalas especies desde o límite inferior do couto Fragoso ata a súa desembocadura no mar.
Río Lérez e afluentes.
Aprázase o período hábil ata o 1 de maio desde a presa da minicentral hidroeléctrica de Dorna ata o límite superior do couto de Bora así como en tódolos afluentes que verten augas nese tramo, nunha lonxitude de un quilómetro augas arriba desde a súa confluencia co río Lérez.
Aprázase o período hábil ata o 12 de maio desde o límite superior do couto de Bora ata a desembocadura, así como en tódolos afluentes que verten augas nese tramo, nunha lonxitude de un quilómetro augas arriba desde a súa confluencia co río Lérez.
Védanse tódalas especies desde o nacemento en Aciveiro, lugar de Noveliza, ata a Ponte Andón, lugar de Peseirao, parroquia de Pereira.
Védanse tódalas especies desde a presa de Bora ata o límite inferior do couto de Monteporreiro.
Nas zonas de influencia marítima, comprendidas entre a ponte do ferrocarril Vigo-A Coruña e a desembocadura no mar, autorizarase a captura de especies usuais en esteiros (muxo, anguía, robaliza) durante todo o ano 1996 coa limitación de devolver ás augas inmediatamente as pezas da familia dos salmónidos que sexan capturadas. Poderase pescar utilizando dúas canas á vez, sempre que estean ó alcance da man, e como cebo poderase utiliza-lo denominado «bicho de mar».
Regato Taboadelo.
Védanse tódalas especies desde o nacemento ata a desembocadura, augas arriba da Ponte Andón.
Regato Vilaverde.
Védanse tódalas especies desde o nacemento ata a desembocadura, augas arriba da Ponte Andón.
Regato Pao Dereito.
Védanse tódalas especies desde o nacemento ata a desembocadura, augas arriba da Ponte Andón.
Río Almofrei.
Védanse tódalas especies desde a toma de auga da piscifactoría de Carballedo ata a presa de Pozo Negro.
Regato de Paraños (afluente do Almofrei).
Védanse tódalas especies desde a presa do muíño do Sr. Blanco ata a desembocadura.
Río Seixo.
Védanse tódalas especies desde o nacemento ata a desembocadura no Lérez, incluíndo tódolos afluentes intermedios.
Regato Maneses.
Védanse tódalas especies desde o nacemento ata a desembocadura.
Regato Calvos.
Védanse tódalas especies desde o nacemento ata a desembocadura.
Río Loira.
Védanse tódalas especies desde o seu nacemento ata Ponte Naibo, incluíndo os tres afluentes que desembocan no couto de Seixo.
Ríos Tea, Uma e afluentes.
Aprázase o período hábil ata o 1 de maio desde o límite superior do couto de Mondariz ata o couto de Fillaboa.
Aprázase o período hábil ata o 12 de maio desde o límite superior do couto de Fillaboa ata a desembocadura do río Tea no Miño.
Védanse tódalas especies desde a presa de Manguiña, no río Uma, ata a confluencia deste río co Tea.
No couto de Mondariz, establécese un tramo de pesca sen morte desde Ponte de Vilar ata a depuradora de Mondariz-Balneario.
Regato de Porto (afluente do Tea).
Védanse tódalas especies desde 100 m augas arriba do Pontillón de Noval, no lugar dos Arroios, ata a ponte de Barxela, na estrada de Ganade a Moreira, no lugar de Porteliña.
Río Xabriña (afluente do Tea).
Védanse tódalas especies desde o nacemento ata a ponte de Mouricados.
Río Ulla e afluentes.
Aprázase o período hábil ata o 1 de maio no tramo do curso principal comprendido entre a presa do encoro de Portodemouros e a desembocadura no mar, así como en tódolos seus afluentes nun tramo de un quilómetro augas arriba desde a súa confluencia co río Ulla.
Aprázase o período hábil ata o 12 de maio nos coutos salmoneiros de Sinde e Couso.
Védanse tódalas especies desde a presa de Portodemouros ata Ponte San Xusto.
Védanse tódalas especies desde a presa de Ximonde ata a canle de Cubelas.
Nos coutos salmoneiros do río Ulla, cando as condicións hidrobiolóxicas imperantes así o aconsellen, o Servicio de Medio Ambiente Natural de Pontevedra procederá a toma-las medidas tendentes á prohibición do uso de cebos que se consideren prexudiciais para a práctica da pesca da dita especie.
Nas zonas de influencia marítima, comprendidas entre a ponte interprovincial de Catoira e o límite marítimo-fluvial, autorizarase a captura de especies usuais en esteiros (muxo, anguía, robaliza) durante todo o ano 1996 coa limitación de devolver ás augas inmediatamente as pezas da familia dos salmónidos que sexan capturadas. Poderase pescar utilizando dúas canas á vez, sempre que estean ó alcance da man, e como cebo poderase utiliza-lo denominado «bicho do mar».
Río Deza.
Aprázase o período hábil ata o 1 de maio desde a denominada presa de Saídres ata a desembocadura no río Ulla.
Védanse tódalas especies desde a ponte A Carixa ata a desembocadura do regato de Orza e desde a presa do muíño Amancio ata os muíños de Vilanova.
Río Asneiro (afluente do Deza).
Védanse tódalas especies desde a ponte da praia fluvial de Vilatuxe ata a ponte Bustelo.
Regato de Orza (afluente do Deza).
Védanse tódalas especies desde o muíño de Outeiro ata a desembocadura.
Río Mera (afluente do Deza).
Védanse tódalas especies desde o nacemento ata a ponte de Mera.
Río Pequeno (afluente do Deza).
Védanse tódalas especies desde o lugar de Labozán ata a desembocadura.
Río Escuadro (afluente do Toxa, cunca do Deza).
Védanse tódalas especies desde o nacemento ata a desembocadura.
Río Chacán (afluente do Arnego).
Védanse tódalas especies desde a ponte da estrada da Golada a Rodeiro ata a desembocadura.
Río Liñares.
Védanse tódalas especies desde o nacemento ata a desembocadura e nos afluentes intermedios, agás o couto de Rubín e o couto de Ponte Liñares desde Muíños de Penide ata o límite inferior da presa de abastecemento da Estrada.
Río Vea.
Védanse tódalas especies desde o nacemento ata a desembocadura.
Río Riobó.
Védanse tódalas especies desde a confluencia do río de Barcia e arroio de Oca ata a ponte de Riobó.
Río Umia e afluentes.
Aprázase o período hábil ata o 1 de maio desde a fervenza de Segade ata o límite superior do couto de Ponte Arnelas, así como en tódolos afluentes nese tramo nunha lonxitude dun quilómetro augas arriba desde a súa confluencia co río Umia.
Aprázase o período hábil ata o 12 de maio desde o límite superior do couto de Ponte Arnelas ata a desembocadura, así como en tódolos afluentes nese tramo nunha lonxitude dun quilómetro augas arriba desde a súa confluencia co río Umia.
Védanse tódalas especies desde a desembocadura do río Gallo ata a Ponte Nova.
Nas zonas de influencia marítima, comprendidas entre a Ponte Estacas, lugar de Castrelo, e a desembocadura no mar, autorizarase a captura de especies usuais en esteiros (muxo, anguía, robaliza) durante todo o ano 1996 coa limitación de devolver ás augas inmediatamente as pezas da familia dos salmónidos que sexan capturadas. Poderase pescar utilizando dúas canas á vez, sempre que estean ó alcance da man, e como cebo poderase utiliza-lo denominado «bicho de mar».
Regato de Soutiño.
Védanse tódalas especies desde a ponte de Saltiño ata a pasarela de pescadores situada 100 m augas arriba da desembocadura.
Río Armenteira.
Védanse tódalas especies desde o lugar coñecido como «grupo escolar», en Armenteira, ata o mosteiro de Armenteira.
Río Bermaña.
Védanse tódalas especies desde o nacemento ata a ponte de Ferrín.
Río Gallo.
Védanse tódalas especies desde a ponte Espadenal ata a ponte nova.
Río Patela (afluente do Gallo).
Védanse tódalas especies desde o nacemento ata a desembocadura.
Río Fonte Espiña.
Védanse tódalas especies desde a ponte de Casa Alvedro (Sixán) ata a desembocadura.
Ríos Verdugo, Oitavén e afluentes.
Aprázase o período hábil ata o 1 de maio desde o encoro de Eiras, no río Oitavén, ata o límite superior do couto de Soutomaior.
Aprázase o período hábil ata o 12 de maio desde os límites superiores de couto de Soutomaior ata a desembocadura do río Verdugo.
Aprázase o período hábil ata a data de celebración da «festa municipal da troita» no tramo do río Verdugo comprendido entre a ponte de Ponte Caldelas e a presa de Parada. Logo desta data, o citado tramo funcionará como couto social de pesca para menores e xubilados, rexéndose polas normas publicadas nos réximes especiais da provincia de Pontevedra para a tempada de 1994 (Boletín Oficial da Provincia nº 61, do 29 de marzo de 1994).
Nas zonas de influencia marítima, comprendidas entre a Carballeda dos Franceses (Lugar de Camboa), na marxe dereita, ou desde o Cafexo na marxe esquerda, ata a desembocadura no mar, autorizarase a captura de especies usuais en esteiros (muxo, anguía, robaliza) durante todo o ano 1996 coa limitación de devolver ás augas inmediatamente as pezas da familia dos salmónidos que sexan capturadas. Poderase pescar utilizando dúas canas á vez, sempre que estean ó alcance da man, e como cebo poderase utiliza-lo denominado «bicho de mar».
Regato de Campechano (afluente do río de San Vicente).
Védanse tódalas especies desde a ponte da ermida de San Vicente ata a estrada C-531 en Vilarchán.
Río Traspielas (afluente do río Barragán, conca do Oitavén).
Védanse tódalas especies desde o nacemento ata a desembocadura e nos afluentes intermedios.
3. Réximes especiais de encoros e lagoas
Encoro de Zamáns: autorízase a pesca de ciprínidos e «Black-bass» durante todo o ano, sendo a cota de captura por pescador e día ilimitado. Na época hábil para salmónidos permitirase a captura de 5 exemplares de troita por pescador e xornada. O funcionamento do couto de pesca intensiva rexerase polas normas publicadas nos réximes especiais da provincia de Pontevedra para a tempada de 1994 (BOP nº 61, do 29 de marzo de 1994).
Lagoa de Castiñeiras: o couto de pesca intensiva da lagoa de Castiñeiras rexerase polas normas publicadas nos réximes especiais da provincia de Pontevedra para a tempada de 1994 (BOP nº 61, do 29 de marzo de 1994), coas seguintes modificacións: o período hábil é o incluido entre o 26 de maio e o 1 de outubro de 1996, ambos inclusives, a cota de captura é de 15 exemplares por pescador e día, e o número máximo de pescadores é de 24.
Quedan vedadas tódalas especies no regato que verte a lagoa.
Encoro de Portodemouros: autorízase a captura de ciprínidos durante todo o ano, empregándose soamente anzol do nº 10 ou máis pequeno. Na época de veda de salmónidos, queda prohibido o uso de cebo vivo. Só se poderá empregar unha cana por pescador, sendo
ilimitados o número de pescadores e o número de ciprínidos capturados por pescador e día.
Na desembocadura dos ríos que verten ó encoro prohíbese pescar nos 50 m inmediatos a cada lado da mesma. No caso especial do río Arnego, a prohibición estenderase ata 50 m augas abaixo da Frisca.
839
