O establecemento dunha estructura orgánica na Consellería de Sanidade e Servicios Sociais leva consigo a necesaria modificación da do Servicio Galego de Saúde en canto organismo autónomo adscrito a aquela, dada a evidente interrelación de ámbolos dous.
A nova estructura vese determinada polo reforzamento do papel da Consellería de Sanidade e Servicios Sociais como autoridade sanitaria, o que a leva a asumir directamente as funcións en materia de saúde pública, xunto coas sociais e socio-sanitarias. Amosa o punto evolutivo no que nos atopamos respecto da configuración do sistema sanitario, co paso desde o «modelo integrado» herdado ata o denominado «modelo de contrato público» cun orzamento global máximo e no que se produce unha separación entre as funcións de financiamento, planificación, compra e provisión de servicios sanitarios.
Así, á espera das definitivas previsións que se conteñan na futura lei de sanidade de Galicia que a Consellería de Sanidade e Servicios Sociais está preparando, a nova estructura que se establece para o Servicio Galego de Saúde anticipa, na medida do xuridicamente posible, a configuración que do organismo se contén no anteproxecto.
O Servicio Galego de Saúde incorpora a función de compra de servicios sanitarios correspondendo ás xerencias de atención primaria e especializada, conxuntamente cos demais provedores públicos e privados, a provisión destes servicios. Esta circunstancia fai que asuma parte das competencias da extinta Dirección Xeral de Organización Sanitaria da consellería, que se incorporan á Secretaría Xeral e á Dirección Xeral de Atención Especializada. Deste xeito vénse a recoñecer a tódolos centros sanitarios, sen necesidade de que ostenten personalidade xurídica propia, a verdadeira natureza de provedores de servicios sanitarios e a súa relación cos servicios centrais enmárcase no binomio compra-provisión.
Na mesma orientación e unha vez articulado o elenco normativo necesario para sustenta-lo novo modelo de atención primaria deseñado no Decreto 200/1993, de 29 de xullo e complementado polos Decretos 252/1994, do 29 de xullo, polo que se crean as xerencias de atención primaria, e 172/1995, do 18 de maio, polo que se aproba o Plan de Urxencias Extrahospitalarias da Comunidade Autónoma, e a falta tan só da aprobación do modelo retributivo, xa presentado e en trámite de negociación sindical, elévase a dirección e xestión da atención primaria á máxima xerarquía administrativa a través da configuración da dirección xeral impulsando así as reformas emprendidas.
Como consecuencia do anterior, vénse a producir un reforzamento da estructura asistencial do organismo autónomo, ata a data concretada na Dirección
Xeral de Asistencia Sanitaria, ó recoñecer igualmente á atención especializada rango de dirección xeral.
É de destaca-lo importante desenvolvemento que se producirá nos servicios de enfermería froito sobre todo da evolución da atención primaria á que se fixo referencia, sendo previsible que parte do crecente papel a xogar pola atención primaria descanse nos servicios de enfermería (atención a pacientes crónicos e anciáns). Do mesmo xeito na atención especializada os servicios de enfermería coadxuvan de forma importante ó logro dunha axeitada actividade asistencial. Esto fai necesario contar desde os servicios centrais cunha estructura capaz de impulsa-lo desenvolvemento deste aspecto, tanto na atención primaria como na especializada.
O mesmo que ocorre coa consellería parece o máis adecuado neste momento que a reforma da estructura afecte unicamente ós servicios centrais do organismo, mantendo provisionalmente os servicios periféricos a súa configuración actual salvo o que se refire ós servicios de saúde pública que, loxicamente, xa se configuran non só funcional senón tamén organicamente dentro da estructura das delegacións provinciais da consellería.
Por tanto, en virtude do disposto na Lei 1/1983, de 22 de febreiro, reguladora da Xunta e do seu presidente, modificada pola Lei 11/1988, do 22 de outubro, por proposta do conselleiro de Sanidade e Servicios Sociais e Presidente do Servicio Galego de Saúde, cos informes previos da Consellería da Presidencia e Administración Pública e de Economía e Facenda, logo de deliberación do Consello da Xunta de Galicia na súa reunión do día quince de febreiro de mil novecentos noventa e seis,
DISPOÑO:
Artigo 1º.-Do Servicio Galego de Saúde.
1. O Servicio Galego de Saúde, para o exercicio das súas competencias e cumprimento dos fins que lle están encomendados pola Lei 1/1989, do 2 de xaneiro, pola que se crea, modificada pola Lei 8/1991, do 23 de xullo, contará nos seus servicios centrais coa estructura que se establece no presente decreto.
2. O Servicio Galego de Saúde, para o cumprimento das súas funcións, estructurarse nos seus servicios centrais nos seguintes órganos e unidades:
1. De superior dirección e xestión.
1.1. O Consello de Administración.
1.2. O presidente.
II. De dirección e xestión.
II.1 A Secretaría Xeral.
II.2 A Dirección Xeral de Atención Especializada.
II.3 A Dirección Xeral de Atención Primaria.
II.4 A Dirección Xeral de Recursos Económicos.
II.5 A Dirección Xeral de Recursos Humanos.
Artigo 2º.-O Consello de Administración.
1. O Consello de Administración estará integrado polos seguintes membros:
a) O conselleiro de Sanidade e Servicios Sociais, que será o seu presidente.
b) O secretario xeral do Sergas, que será o vicepresidente.
c) O secretario xeral da Consellería de Sanidade e Servicios Sociais e os directores xerais da consellería do Sergas.
d) Os delegados provinciais da Consellería de Sanidade e Servicios Sociais e os directores provinciais do Sergas.
e) Tres representantes da Administración da Comunidade Autónoma nomeados polo Consello da Xunta de Galicia por proposta do conselleiro de Sanidade e Servicios Sociais.
f) Dous representantes das corporacións locais designados na forma que se establece no Decreto 255/1992, do 10 de setembro.
Actuará como secretario do Consello de Administración, con voz pero sen voto, un funcionario do Servicio Galego de Saúde nomeado polo conselleiro de Sanidade e Servicios Sociais.
2. O Consello de Administración, como órgano colexiado de superior dirección e xestión do Servicio Galego de Saúde, terá as funcións expresadas no artigo 6.2º da Lei 1/1989, de 2 de xaneiro, reformada pola Lei 8/1991, do 23 de xullo.
3. O Consello de Administración funcionará sempre en pleno e reunirase cada seis meses e sempre que sexa convocado polo seu presidente ou por solicitude dun tercio dos seus membros.
4. O presidente, cando así o considere oportuno, poderá convocar ás sesións do consello, con voz pero sen voto, asesores técnicos ou persoas representantes de organismos se considera de interese a súa presencia.
Artigo 3º.-O presidente.
1. O conselleiro de Sanidade e Servicios Sociais, como superior autoridade e máximo responsable da consellería, é ademais de presidente do Consello de Administración do Servicio Galego de Saúde, o presidente deste, e como tal lle corresponde:
-Ostenta-la representación legal do organismo.
-Asina-los convenios en nome do organismo e actuar como órgano de contratación del.
-Dispoñe-los gastos e propoñe-la ordenación dos pagamento do organismo.
-Exerce-la xefatura superior do persoal adscrito ó organismo.
-A execución dos acordos do Consello de Administración con carácter xeral.
-Presentar ó Consello de Administración a memoria anual de actividades do organismo.
-A dirección e xestión de tódalas actividades do organismo relacionadas coas funcións encomendadas a este polas disposicións legais que o rexen, sen prexuízo das facultades e competencias do Consello de Administración e da Consellería de Sanidade e Servicios Sociais.
-Elevar ó Consello de Administración o anteproxecto de orzamento do organismo.
-Resolve-los conflictos de atribucións que xurdan entre as autoridades dependentes do organismo.
2. O presidente poderá delegar no secretario xeral, nos directores xerais, nos directores provinciais, nos xerentes de atención primaria e atención especializada e noutros órganos centrais ou periféricos do organismo competencias e funcións relacionadas cos correspondentes ámbitos de actuación.
3. En caso de ausencia, enfermidade ou vacante, o presidente será substituído polo secretario xeral.
Artigo 4º.-A Secretaría Xeral.
1. A Secretaría Xeral, con nivel orgánico de dirección xeral, é o órgano encargado de prestarlle asistencia técnica e administrativa ó presidente e da coordinación das direccións xerais do organismo.
2. Así mesmo correspóndelle, tanto no nivel de atención primaria como no de atención especializada, a análise das necesidades sanitarias da poboación co obxecto da elaboración do Plan de Asistencia Sanitaria -integrante do Plano de Saúde- e o desenvolvemento das súas directrices, en coordinación coas direccións xerais do organismo. Igualmente correspóndelle o aseguramento sanitario.
3. Correspóndelle así mesmo, en coordinación coas direccións xerais do organismo, a concreción operativa do Plan de Asistencia Sanitaria a través da formulación da metodoloxía dos pactos de actividade-financiamento ou contratos-programas cos centros sanitarios de primaria e especializada de titularidade pública e a través da elaboración de concertos singulares ou concertos con entidades que teñan poboación asignada, así como a elaboración e seguimento dos plans funcionais dos centros sanitarios públicos.
4. É tamén o órgano responsable, tanto a nivel de atención primaria como de atención especializada, da información sanitaria, do seguimento dos pactos mencionados, da regulación das prestacións farmacéuticas, do deseño de programas específicos de interese estratéxico e do seguimento de novas formas organizativas.
5. Igualmente correspóndelle a xestión do patrimonio do organismo e do exercicio dos dereitos derivados da súa titularidade, de dirixir e coordina-lo asesoramento xurídico do Sergas, da coordinación e supervisión dos proxectos informáticos, sen prexuízo das funcións atribuídas ás comisións de informática e Central de Racionalización Administrativa
e á Consellería da Presidencia e Administración Pública, así como de exercer aquelas outras funcións que lle sexan singular ou especificamente encomendadas ou delegadas polo presidente.
6. Para o cumprimento das funcións que se lle encomendan, a Secretaría Xeral contará coa seguinte estructura:
6.1. Subdirección Xeral de Planificación Sanitaria e Aseguramento.
6.2. Subdirección Xeral de Información Sanitaria
6.3. Subdirección Xeral de Avaliación e Coordinación.
6.4. Asesoría Xurídica do Servicio Galego de Saúde.
6.5. Intervención Delegada, organicamente integrada na Secretaría Xeral e funcionalmente dependente da Intervención Xeral da Comunidade Autónoma.
7. Do secretario xeral dependerán directamente, con nivel orgánico de servicio, as seguintes unidades:
7.1. Servicio de Informática Área Administrativa
7.2. Servicio de Informática Área Asistencial
Artigo 5º.-A Subdirección Xeral de Planificación Sanitaria e Aseguramento.
1. É a unidade á que lle corresponden as funcións encomendadas á Secretaría Xeral en relación coa planificación e aseguramento sanitarios e a elaboración do proxecto do plan de asistencia sanitaria de acordo cos criterios de coordinación establecidos neste decreto.
2. Correspóndelle tamén:
-O desenvolvemento de funcións de compra de servicios sanitarios en atención primaria e especializada, propoñendo a metodoloxía e alcance dos protocolos, contratos ou concertos con provedores, de acordo cos criterios de coordinación referidos nos apartados 1 e 2 do artigo 4º.
-A elaboración de propostas en relación coa regulación farmacéutica, avaliación da alta tecnoloxía, novas formas organizativas e seguimento dos programas de tarxeta sanitaria e MIR.
-A análise de consumo farmacéutico, en coordinación con outras unidades con competencias na materia.
A este respecto correspóndelle a coordinación das comisións creadas para o seguimento e avaliación das prestacións e o gasto farmacéutico.
Contará con nivel orgánico de servicio coas seguintes unidades:
5.1. Servicio de Planificación Sanitaria.
Correspóndenlle as seguintes funcións:
-A elaboración de indicadores sanitarios necesarios para o desenvolvemento das súas funcións.
-A elaboración do borrador do plan de asistencia sanitaria.
-A elaboración do borrador do plan de servicios.
-A proposta de planificación e desenvolvemento do programa MIR.
-A elaboración dos criterios para o deseño de plans funcionais e o seu seguimento.
5.2. Servicio de Aseguramento.
Correspóndenlle as seguintes funcións:
-A elaboración da proposta de concertos singulares e con entidades de poboación sectorizada.
-A proposta da metodoloxía e alcance dos pactos de actividade-financiamento e contratos-programas para os centros propios.
-As propostas de aseguramento sanitario.
-As propostas de definición das prestacións sanitarias.
5.3. Servicio de Programas Especiais.
Correspóndenlle as seguintes funcións:
- A planificación e desenvolvemento de programas específicos de interese estratéxico, incluíndo o proxecto de tarxeta sanitaria.
-O deseño de novas iniciativas de servicios sanitarios que optimicen a dotación de recursos, a súa calidade e a eficacia das prestacións.
5.4. Servicio de Desenvolvemento de Sistemas e Avaliación de Tecnoloxías.
Correspóndenlle as seguintes funcións:
-A elaboración de estudios e propostas en relación coa introducción e difusión das tecnoloxías médicas, e a avaliación das tecnoloxías existentes cara á súa eventual reposición.
-A proposta dos recursos tecnolóxicos necesarios para satisface-las necesidades da comunidade.
-O deseño de novas organizacións para a aplicación de alta tecnoloxía, así como as propostas de criterios de seguimento e avaliación das súas actividades.
5.5. Servicio de Prestacións Farmacéuticas.
Correspóndenlle as seguintes funcións:
-A tramitación das disposicións relativas á prestación farmacéutica para garanti-la adecuación, eficacia e seguridade no uso dos medicamentos, así como o deseño e desenvolvemento dos documentos oficiais en relación con ela.
-O control da adquisición e dispensación das especialidades farmacéuticas e productos sanitarios en relación coa normativa reguladora existente.
-A vixilancia do concerto subscrito coas oficinas de farmacia.
-Instrumenta-la coordinación co Ministerio de Sanidade e Consumo en todo o relacionado coa prestación farmacéutica.
-A avaliación e seguimento do consumo farmacéutico en coordinación coa Inspección Sanitaria e o Servicio de Xestión de Farmacia en Atención Primaria da Dirección Xeral de Atención Primaria.
Ó Servicio de Prestacións Farmacéuticas estará adscrito o Centro Rexional de Farmacovixilancia da Comunidade Autónoma de Galicia.
Artigo 6º.-A Subdirección Xeral de Información Sanitaria
1. É a unidade á que lle corresponde a elaboración das propostas para o deseño da estructura básica do sistema de información sanitaria de Galicia e o deseño, mantemento e explotación do sistema de información para a xestión e planificación, tanto dos centros propios como concertados proporcionando apoio nesta materia ó Sergas e á consellería, en especial en relación coa información relativa á atención primaria e atención especializada. Así mesmo correspóndelle o establecemento dos mecanismos precisos para o adecuado intercambio de información entre as direccións xerais, incluíndo a elaboración das propostas para a normalización da tecnoloxía da información.
En consecuencia correspóndelle ofrecer datos que permitan a realización de convenios ou contratos cos centros e servicios sanitarios, así como proporcionar información que permita a avaliación continuada do cumprimento dos acordos pactados tanto en actividade como en calidade.
2. Correspóndenlle tamén:
-O deseño, coordinación e seguimento do desenvolvemento da xestión analítica.
-A organización e mantemento dos fondos documentais sanitarios do Sergas e a súa divulgación, así como a coordinación e tramitación das publicacións, e a coordinación da rede de bibliotecas biomédicas.
Contará con nivel orgánico de servicio, coas seguintes unidades:
6.1. Servicio de Análise de Sistemas de Información.
Correspóndenlle as seguintes funcións:
-A normalización da estructura dos sistemas de información en función das necesidades existentes.
-O deseño e posta en marcha do sistema de información para a xestión.
-A colaboración con outras unidades no desenvolvemento do proxecto de xestión analítica.
6.2. Servicio de Avaliación e Mantemento do Sistema de Información.
Correspóndenlle as seguintes funcións:
-A explotación dos sistemas de información e revisión permanente da súa calidade.
-A avaliación das novas necesidades e realización das modificacións necesarias.
-O desenvolvemento na Comunidade Autónoma das estatísticas sanitarias que se lle encomenden.
6.3. Servicio de Documentación, Publicación e Estudios.
Correspóndenlle as seguintes funcións:
-A organización, mantemento e divulgación do fondo documental da consellería e do Sergas e a coordinación e tramitación de publicacións no ámbito competencial da Secretaría Xeral do Servicio Galego de Saúde.
-A xestión da rede de bibliotecas biomédicas.
-A normalización das memorias dos centros e servicios sanitarios.
-A ordenación de rexistros e arquivos.
Artigo 7º.-A Subdirección Xeral de Avaliación e Coordinación.
É a unidade encargada de prestarlle asistencia técnica ó secretario xeral, e neste contexto, do seguimento e avaliación global dos obxectivos e accións das distintas unidades do organismo e dos centros de titularidade pública e privada provedores do mesmo, tanto no nivel de atención primaria como no de especializada, así como da coordinación dos servicios de carácter xeral, do réxime interior, da xestión do patrimonio do organismo e calquera outro asunto que non sexa de competencia das demais unidades.
Contará, con nivel orgánico de servicio coas seguintes unidades:
7.1. Servicio de Avaliación.
Correspóndenlle as seguintes funcións:
-A elaboración da memoria anual do organismo e as propostas de difusión da súa actividade.
-A elaboración e enchemento dos rexistros que recollan a avaliación global dos obxectivos e as accións dos centros sanitarios de titularidade pública e privada provedores de servicios sanitarios ó organismo, tanto no nivel de atención primaria como no de especializada.
7.2. Servicio de Coordinación Administrativa.
Correspóndenlle as seguintes funcións:
-A xestión do patrimonio do Servicio Galego de Saúde.
-A xestión dos asuntos de réxime interior, información, rexistro, publicacións, documentación administrativa, arquivo e inventario.
-A elaboración das instruccións de funcionamento e comunicación entre as diferentes dependencias do organismo.
-Calquera outros asuntos que non sexan de competencia específica das demais unidades.
Artigo 8º.-A Asesoría Xurídica do Servicio Galego de Saúde.
1. Con nivel orgánico de subdirección xeral correspóndelle o asesoramento en dereito e a defensa e
representación en xuízo do organismo nos termos previstos no artigo 19 da Lei 1/1989, do 2 de xaneiro, de creación do Servicio Galego de Saúde. Para tal fin dirixirá e coordinará os letrados tanto dos servicios centrais como dos servicios periféricos, xa se trate de persoal propio como de apoderados, os cales poderán consultar ante esta os asuntos que consideren de especial transcendencia para efectos de mante-la uniformidade no asesoramento.
2. En particular correspóndelle:
-Establecer, de conformidade coa Secretaría Xeral, os criterios xerais para a defensa do Servicio Galego de Saúde.
-Levar a cabo o asesoramento e os informes xurídicos que lle soliciten o presidente e o secretario do Servicio Galego de Saúde.
-Informar en dereito sobre a contratación administrativa do Servicio Galego de Saúde.
3. Sen prexuízo da súa dependencia orgánica, a Asesoría Xurídica dependerá funcionalmente da Asesoría Xurídica Xeral da Xunta de Galicia.
4. Para o cumprimento das súas funcións contará, nos servicios centrais do organismo, coas seguintes unidades con nivel orgánico de servicio:
4.1. Servicio de Defensa Xurisdiccional:
Correspóndelle a coordinación da defensa xurisdiccional dos asuntos nos que sexa parte o Servicio Galego de Saúde.
4.2. Servicio de Asesoramento Xurídico:
Correspóndelle a emisión de informes, dictames e demais actividades de asesoramento en dereito.
Artigo 9º.-Do secretario xeral dependerán directamente, con nivel orgánico de servicio, as seguintes unidades:
9.1. Servicio de Informática Área Administrativa.
Correspóndenlle as seguintes funcións:
-Planificar, impulsar e mecaniza-los sistemas de información das áreas administrativas dos servicios centrais e periféricos do Sergas, e da consellería, sen prexuízo das competencias reservadas ás Comisións de Informática e Central de Racionalización e á Consellería da Presidencia e Administración Pública.
9.2. Servicio de Informática Área Asistencial.
Correspóndenlle as seguintes funcións:
-A coordinación e supervisión dos plans de informatización de tódolos centros asistenciais do Sergas, o apoio e asesoramento técnico sobre eles, así como o estudio, seguimento, informe, e se é o caso, proposta sobre planos xerais de informatización que lle afecten.
Artigo 10º.-A Dirección Xeral de Atención Especializada.
1. A Dirección Xeral de Atención Especializada é o órgano responsable da dirección da atención
especializada, dentro dun modelo integral de atención sanitaria, que abrangue tanto a asistencia extrahospitalaria como a hospitalaria.
2. Correspóndelle, dentro do marco da planificación xeral sanitaria e do plan de saúde da Comunidade Autónoma, o desenvolvemento da atención especializada e a dirección e xestión dos recursos necesarios para este nivel asistencial; a determinación dos obxectivos de carácter asistencial que neste ámbito deben cumpri-los centros de atención especializada do Sergas, os adscritos funcionalmente a este, así como os vinculados mediante concerto. A este respecto correspóndelle o establecemento de concertos non singulares e concertos con entidades que non teñan poboación asignada.
Compételle igualmente a coordinación, control e avaliación das actividades asistenciais das xerencias de Atención Especializada.
3. Ademais correspóndelle o desenvolvemento e, a xestión da formación, docencia e investigación do persoal de atención especializada.
4. Tamén lle corresponde a organización e coordinación da atención sanitaria en emerxencias, catástrofes e situacións especiais, así como a organización, coordinación e xestión do transporte sanitario e demais prestacións sanitarias desenvolvidas desde atención especializada.
5. Para o cumprimento das súas funcións contará coa seguinte estructura:
5.1. A Subdirección Xeral de Ordenación e Xestión da Atención Especializada.
5.2. A Subdirección Xeral de Programas en Atención Especializada.
6. Queda adscrita á Dirección Xeral de Atención Especializada a Oficina de Coordinación de Transplantes coas fundacións previstas na Orde do 8 de xuño de 1992, pola que se crea.
Artigo 11º.-A Subdirección Xeral de Ordenación e Xestión da Atención Especializada.
É a unidade encargada da xestión dos recursos sanitarios de atención especializada.
Para iso levará a cabo as seguintes funcións no ámbito asistencial:
-A determinación dos contidos asistenciais na compra de servicios e prestacións sanitarias, propoñendo contratos con provedores de servicios asistenciais, nos que se determinará a actividade e calidade, así como o grao de cumprimento destes.
-Defini-los programas asistenciais que desenvolverán centros sanitarios dependentes do organismo, así como realiza-lo seu seguimento e avaliación.
-Dentro do marco fixado na planificación sanitaria da Comunidade Autónoma, propoñe-las necesidades de atención especializada e a distribución xeográfica dos recursos.
-Exerce-la coordinación, control e avaliación das actividades asistenciais de atención especializada.
-Analizar, en coordinación coa Dirección Xeral de Recursos Humanos e sen prexuízo das competencias que lle corresponden a esta, os cadros de persoal necesarios para o cumprimento dos obxectivos fixados, así como os baremos para o acceso ás prazas de atención especializada da Comunidade Autónoma.
-Propoñer prioridades na asignación de novos recursos materiais en atención especializada.
-No marco das competencias da dirección xeral, fixa-las bases para o establecemento de concertos de asistencia sanitaria especializada. Ademais do seu deseño, xestión, seguimento e control.
-Deseño, promoción e avaliación dos programas de calidade en atención especializada.
-Coordinación e avaliación das actividades de enfermería, tanto asistenciais como de formación, no ámbito da atención especializada.
Para o cumprimento das súas funcións e con nivel orgánico de servicio, contará coas seguintes unidades.
11.1. Servicio de Xestión da Atención Especializada.
Correspóndenlle as seguintes funcións:
-Propoñe-lo contido asistencial da compra de servicios e prestacións sanitarias e defini-los programas que desenvolverán os centros sanitarios dependentes do Sergas de acordo coa demanda asistencial e cos obxectivos marcados pola autoridade sanitaria.
-Seguimento e avaliación dos obxectivos asistenciais previamente pactados e informes periódicos do grao de consecución deles.
-Deseñar programas de calidade que se van desenvolver en atención especializada.
-Fixa-las bases, o contido e alcance dos concertos para a asistencia sanitaria especializada, segundo as necesidades asistenciais, con excepción dos concertos singulares e con entidades que teñan poboación asignada.
-O seguimento e avaliación dos concertos establecidos.
11.2. Servicio de Enfermería en Atención Especializada.
Correspóndenlle as seguintes funcións:
-A coordinación e seguimento das actividades e enfermería en atención especializada.
-Propoñe-los obxectivos asistenciais de enfermería, tanto de actividades como de calidade, para a inclusión nos pactos anuais nos distintos centros asistenciais de atención especializada.
-A coordinación e avaliación das actividades de formación e investigación no ámbito de enfermería en atención especializada.
-Analizar en coordinación coa Dirección Xeral de Recursos Humanos os cadros de persoal de enfermería e demais persoal sanitario auxiliar necesarios para o cumprimento dos obxectivos marcados, garantindo a necesaria homoxeneización das cargas de traballo.
Artigo 12º.-Subdirección Xeral de Programas en Atención Especializada
1. É a unidade encargada da xestión e avaliación dos programas que se desenvolverán en atención especializada, co fin de acadar unha mellora dela, consonte a formación do persoal, á aplicación de novas técnicas e focalizando a investigación nos principais problemas sanitarios da nosa Comunidade Autónoma.
2. En concreto prestará especial atención, polas súas particulares características clínicas, doutrinais e sociais, á atención psiquiátrica e promoción da saúde mental, co fin de acada-la súa integración plena na atención especializada, a homoxeneización dos recursos asistenciais en toda a Comunidade galega e o consenso clínico dos distintos profesionais deste nivel asistencial.
3. Así mesmo correspóndelle a organización, coordinación e xestión da asistencia sanitaria en emerxencias médicas e situacións especiais, ademais de tódalas prestacións sanitarias complementarias desenvolvidas desde a atención especializada.
Para iso levará a cabo as seguintes funcións:
-A organización e desenvolvemento das estructuras de atención psiquiátrica e saúde mental na Comunidade Autónoma de Galicia, así como a xestión, coordinación e avaliación dos plans e programas que se desenvolverán neste nivel asistencial.
-O desenvolvemento, dirección, seguimento, control, e avaliación de tódalas actividades de formación continuada, levadas a cabo pola dirección xeral, así como a proposta anual do Plan de Formación para todo o persoal de atención especializada.
-Publicación e distribución de traballos científicos destacados, dentro do marco competencial da dirección xeral.
-Coordinación e avaliación da investigación no marco das competencias atribuídas á Consellería de Sanidade, no ámbito da atención especializada, así como a que sexa necesaria para os seus fins.
-Coordinación e desenvolvemento de tódalas actividades relacionadas coa bioética, incluíndo o consentimento informado e os ensaios clínicos.
-A coordinación e control dos programas de formación posgraduada, no referente á atención especializada.
-A coordinación con outros niveis asistenciais e outras instancias sanitarias e extrasanitarias cando sexa necesaria a participación de atención especializada.
-Coordinación e xestión da atención sanitaria en emerxencias, catástrofe e situacións especiais.
Para o cumprimento das súas funcións contará, con nivel orgánico de servicio, coas seguintes unidades:
12.1. Servicio de Saúde Mental e Docencia e Investigación en Atención Especializada.
Correspóndenlle as seguintes funcións:
-A xestión dos plans e programas de saúde mental na Comunidade Autónoma e coordinación dos dispositivos dedicados á saúde mental.
-Desenvolver e integra-lo sistema de información e rexistro de casos psiquiátricos no sistema xeral de información sanitaria.
-A xestión e avaliación de tódalas actividades de formación continuada, levadas a cabo pola dirección xeral, para o persoal incluído en atención especializada.
-A publicación e difusión de traballos científicos, dentro do marco competencial da Dirección Xeral de Atención Especializada.
-A coordinación e avaliación da investigación no marco das competencias atribuídas á Consellería de Sanidade, no ámbito da atención especializada, así como a que sexa necesaria para os seus fins e a coordinación e control dos programas de formación posgraduada.
-A coordinación e desenvolvemento de tódalas actividades relacionadas coa bioética.
12.2. Servicio de Prestacións e Emerxencias Médicas.
Correspóndenlle as seguintes funcións:
-A organización e coordinación da atención sanitaria en emerxencias, catástrofes e en situacións especiais.
-A supervisión e control dos plans de emerxencia interior dos centros asistenciais do Sergas.
-A coordinación con outros niveis asistenciais para a implantación do Plan de Urxencias da Comunidade Autónoma de Galicia.
Todas estas funcións serán exercidas sen prexuízo das competencias da Consellería de Sanidade e Servicios Sociais, da Secretaría Xeral para a Protección Civil, e da Dirección Xeral de Atención Primaria.
-O informe dos reintegros de gastos de maior contía.
-A coordinación e control dos planos de xestión dos residuos sanitarios dos hospitais do Sergas.
-A coordinación, organización e xestión do transporte sanitario sen prexuízo das competencias que en materia de transporte urxente están asignadas á Central de Coordinación de Urxencias Médicas, e outras prestacións desenvolvidas desde a atención especializada.
Artigo 13º.-A Dirección Xeral de Atención Primaria.
1. A Dirección Xeral de Atención Primaria é o órgano responsable da dirección e desenvolvemento da atención primaria prestada polos centros propios ou concertados dependentes do Sergas, baseándose nunha efectiva integración das actividades de promoción, prevención, asistencia, coidados, rehabilitación, formación, docencia e investigación que se realizarán neste nivel de acordo co establecido no Decreto 200/1993 de ordenación da atención primaria, e do Decreto 172/1995 do plan de urxencias extrahospitalarias.
2. Correspóndelle, dentro do marco da planificación xeral sanitaria e do Plan de Saúde da Comunidade Autónoma, o desenvolvemento do nivel primario da atención da saúde, a dirección e xestión dos medios dirixidos á obtención destes fins, a determinación dos obxectivos de carácter asistencial que deben cumpri-los centros do Servicio Galego de Saúde e aqueloutros adscritos funcionalmente a este. En coordinación coa Dirección Xeral de Saúde Pública a implementación dos programas de prevención das enfermidades. Tamén lle corresponden a formación do persoal sanitario, a docencia e investigación que se realizan neste nivel e o fomento das relacións coas sociedades científicas de atención primaria, así como a coordinación, control e avaliación das actividades asistenciais das xerencias de Atención Primaria.
3. Para o cumprimento das súas funcións, contará coa seguinte estructura:
3.1. A Subdirección Xeral de Asistencia Sanitaria na Atención Primaria.
3.2. A Subdirección Xeral de Ordenación e Xestión en Atención Primaria.
Artigo 14º.-A Subdirección Xeral de Asistencia Sanitaria en Atención Primaria.
Correspóndenlle as seguintes funcións:
-A proposta, coordinación, seguimento e avaliación das prestacións asistenciais que se ofrecen ou poidan ofrecerse na atención primaria.
-O estudio, seguimento e avaliación da carteira de servicios.
-A determinación dos obxectivos asistenciais dos centros de atención primaria e o seguimento e avaliación.
-A coordinación con outros niveis asistenciais e outras instancias extrasanitarias cando se requira a participación do nivel de atención primaria.
-O deseño, desenvolvemento e coordinación dos programas de garantía de calidade na atención primaria.
-A dirección e desenvolvemento do plan de urxencias extrahospitalarias da Comunidade Autónoma -Central de Coordinación de Urxencias Médicas.
-O desenvolvemento de actividades de mellora da prestación farmacéutica en atención primaria.
-A coordinación, seguimento e avaliación das actividades de formación, docencia e investigación en atención primaria.
-A coordinación e avaliación das actividades de enfermería, tanto asistenciais como de formación, no ámbito da atención primaria.
Para o cumprimento das súas funcións e con nivel orgánico de servicio, contará coas seguintes unidades:
14.1. Servicio de Programas Asistenciais e Xestión de Farmacia.
Correspóndenlle as seguintes funcións:
-A coordinación, seguimento e avaliación das actividades asistenciais.
-Propoñe-lo deseño e acreditación dos programas de saúde específicos de atención primaria, e de todos aqueles nos que se requira a participación de atención primaria, sen prexuízo das competencias da Dirección Xeral de Saúde Pública.
-A realización de estudios cualitativos da prescrición farmacéutica en atención primaria e tamén dos seus factores condicionantes.
-A elaboración, implementación e avaliación de programas de mellora dos patróns de uso dos medicamentos en atención primaria.
-Conxuntamente co Servicio de Prestacións Farmacéuticas da Secretaría Xeral, o desenvolvemento dos programas orientados ó uso racional dos medicamentos no ámbito do Servicio Galego de Saúde de acordo co previsto no título VI da Lei 25/1990, do 20 de decembro, do medicamento, así mesmo, a aplicación das normas reguladoras da prestación farmacéutica do Sistema Nacional de Saúde.
14.2. Servicio de Enfermería en Atención Primaria.
Correspóndenlle as seguintes funcións:
-A coordinación e seguimento das actividades de enfermería en atención primaria e en particular da carteira de servicios de enfermería.
-A determinación dos obxectivos asistenciais no ámbito da enfermería en atención primaria e o seu seguimento e avaliación.
-O deseño e desenvolvemento de novos programas de atención de enfermería en atención primaria.
-A análise, en coordinación coa Dirección Xeral de Recursos Humanos, dos cadros de persoal de enfermería necesarios para o cumprimento dos obxectivos marcados, garantindo a necesaria homoxeneización das cargas de traballo.
14.3. Servicio de Estudios e Formación Continuada en Atención Primaria.
Correspóndenlle as seguintes funcións:
-A planificación, organización, dirección e avaliación de tódalas actividades de formación conti
nuada levadas a cabo pola dirección xeral, así como a proposta anual do Plan de Formación para todo o persoal de atención primaria.
-A coordinación e control do programa MIR no referente á atención primaria, das actividades das unidades docentes de medicina familiar e comunitaria, e doutras actividades de formación posgraduada que se desenvolverá no ámbito de atención primaria en colaboración coa Secretaría Xeral.
-Propoñe-lo deseño das normas de acreditación en relación ós centros de atención primaria, no que a docencia se refire, sen prexuízo das competencias da Consellería de Educación e Ordenación Universitaria.
-A realización de estudios para o coñecemento das necesidades e prioridades de formación do persoal sanitario no ámbito da atención primaria.
-A realización de estudios de avaliación de atención primaria.
-A coordinación e avaliación das actividades de docencia e investigación na atención primaria.
Artigo 15º.-A Subdirección Xeral de Ordenación e Xestión en Atención Primaria.
Correspóndelle, a través das respectivas xerencias de Atención Primaria, a determinación e desenvolvemento, de forma harmónica, das novas unidades e servicios de Atención Primaria e das unidades de apoio, así como colaborar na implementación dun sistema de información para a xestión que permita alcanzar unha maior eficiencia na prestación de servicios, todo isto sen prexuízo das competencias da Secretaría Xeral e outras direccións xerais.
En particular, correspóndelle:
-A ordenación e determinación de prioridades dos novos recursos físicos e humanos.
-A determinación dos programas funcionais dos novos recursos físicos.
-O mantemento e actualización, en coordinación coa Dirección Xeral de Recursos Humanos, dos inventarios de recursos humanos e físicos.
-O mantemento e mellora do rexistro de actividade.
-O seguimento do nivel de gasto das distintas unidades e servicios de Atención Primaria, incluíndo o gasto farmacéutico.
-A elaboración dos indicadores de xestión que permitan monitoriza-las melloras na eficiencia.
-A elaboración de propostas conducentes a unha maior implicación dos profesionais na xestión e organización das prestacións.
-A reasignación do número de persoas adscritas ós médicos xerais a teor da información xerada polo proxecto de implantación da tarxeta sanitaria individual.
Para o cumprimento das súas funcións e co nivel orgánico de servicio, contará coas seguintes unidades:
15.1. Servicio de Ordenación e Xestión en Atención Primaria.
Correspóndelle as seguintes funcións:
Elabora-los programas funcionais das novas construccións e modificacións das existentes.
-Analizar, en coordinación coa Dirección Xeral de Recursos Humanos e sen prexuízo das competencias que a esta lle corresponden, os cadros de persoal necesarios para o cumprimento dos obxectivos fixados, así como os baremos para o acceso e traslado ás prazas de atención primaria na Comunidade Autónoma de Galicia.
-A elaboración, implantación e desenvolvemento do sistema de información e rexistro na atención primaria, en colaboración coa Secretaría Xeral e sen prexuízo das competencias desta.
-Asesora-la política de subministración, equipamento sanitario e tecnoloxía informática no ámbito da atención primaria.
Como apoio a toda a Dirección Xeral de Atención Primaria realizará a xestión de tódolos expedientes económicos dela.
Artigo 16º.-A Dirección Xeral de Recursos Económicos.
1. A Dirección Xeral de Recursos Económicos é o órgano encargado con carácter xeral da execución, ordenación e avaliación da xestión económica e orzamentaria do Servicio Galego de Saúde e a proposta e execución dos programas de investimentos de obras, instalacións e subministros do organismo.
Para iso correspóndelle o exercicio das seguintes funcións:
-A elaboración e redacción do anteproxecto de orzamento de ingresos e gastos do Servicio Galego de Saúde.
-O establecemento das bases e directrices da xestión económica do organismo, así como levar a cabo as actuacións de control e avaliación da xestión económica e orzamentaria dos seus centros de gasto.
-A xestión económico-administrativa da asistencia sanitaria prestada con medios alleos.
-A proposta, en coordinación coa Secretaría Xeral e as direccións xerais de Atención Primaria e Atención Especializada, e execución dos programas de investimentos aprobados polo presidente do organismo relativos a obras, instalacións e equipamentos dos centros asistenciais.
-A coordinación e control dos servicios económicos administrativos, de hostelería e de mantemento técnico dos centros do organismo.
-A tramitación das modificacións orzamentarias e daqueles expedientes de gasto do organismo que non fosen obxecto de delegacións noutros órganos.
2. Por delegación do presidente do Servicio Galego de Saúde e sen prexuízo das competencias que o presidente delegue noutros órganos periféricos e das que se delegan no director xeral de Recursos Humanos en relación coas retribucións do persoal dos centros de xestión do organismo, e así mesmo sen prexuízo da eventual avocación, a Dirección Xeral de Recursos Económicos exercerá as seguintes funcións:
-Actuar como órgano de contratación do organismo.
-Propoñer e dispoñer tódolos gastos do organismo.
-Propoñe-la ordenación dos pagamento do organismo.
-Calquera outra que lle sexa encomendada polo presidente do Servicio Galego de Saúde.
3. Para o cumprimento das súas funcións, a Dirección Xeral de Recursos Económicos contará coa seguinte estructura:
3.1. A Subdirección Xeral de Orzamentos.
3.2. A Subdirección Xeral de Investimentos.
3.3. A Subdirección Xeral de Contratación e Xestión Económica.
Artigo 17º.-A Subdirección Xeral de Orzamentos.
Correspóndelle, con carácter xeral, a preparación do anteproxecto de orzamento de ingresos e gastos do Servicio Galego de Saúde, a execución e seguimento da xestión orzamentaria, a tramitación económico-administrativa dos expedientes de asistencia sanitaria prestada con medios alleos e o asesoramento na dita materia ós órganos directivos do Servicio Galego de Saúde.
Contará, con nivel orgánico de servicio, coas seguintes unidades:
17.1. Servicio de Orzamentos.
Correspóndenlle as seguintes funcións:
- A realización dos traballos preparatorios para a confección do anteproxecto de orzamento de ingresos e gastos do organismo e a tramitación das modificacións orzamentarias.
- A proposta das instruccións necesarias para que os centros de gasto efectúen unha correcta execución orzamentaria acorde coa normativa vixente.
17.2. Servicio de Xestión de Concertos e Recursos Propios.
Correspóndenlle as seguintes funcións:
-A tramitación económico-administrativa dos expedientes de asistencia sanitaria prestada con medios alleos.
-A análise e estudio, na súa vertente económica-administrativa, da normativa relativa á materia de concertos de asistencia sanitaria.
-A coordinación da xestión e recadación de taxas, prezos públicos e outros ingresos, sen prexuízo das competencias da Consellería de Economía e Facenda.
17.3. Servicio de Análises Orzamentarias.
Correspóndenlle as seguintes funcións:
-A análise da execución orzamentaria dos centros de gasto do organismo.
-A avaliación de obxectivos e indicadores da execución orzamentaria.
-A realización de estudios e propostas de alternativas dirixidas a mellora-la eficacia e control de gasto.
Artigo 18º.-A Subdirección Xeral de Investimentos.
É a unidade á que lle corresponden as seguintes funcións:
-A proposta, dirección, coordinación e execución dos programas de investimentos aprobados e que se refiran a obras, instalacións, mantemento e subministración de centros asistenciais e administrativos do Servicio Galego de Saúde.
-Elaborar e ordena-los criterios para a contratación de investimentos e programas de mantemento polos centros asistenciais e administrativos dependentes do Servicio Galego de Saúde.
-A xestión administrativa dos expedientes necesarios para o cumprimento das funcións descritas.
Contará con nivel orgánico de servicio, coas seguintes unidades.
18.1. Servicio de Obras e Supervisión de Proxectos.
Correspóndenlle as seguintes funcións:
-A execución e control dos programas de investimentos do Sergas en materia de obras dos seus centros asistenciais e administrativos.
-Desenvolverán as funcións que lle correspondan á oficina de supervisión de proxectos conforme a lexislación sobre contratos das administracións públicas no ámbito do Sergas, así como calquera outra que lle poida ser encomendada por disposicións propias do organismo.
-A elaboración de informes, memorias, orzamentos e proxectos en materias da súa competencia, así como o seu seguimento ou dirección.
18.2. Servicio de Subministracións, Mantemento e Instalacións.
Correspóndenlle as seguintes funcións:
-A execución e control dos programas de investimentos do Servicio Galego de Saúde en materia de subministracións, mantemento e instalacións dos seus centros asistenciais e administrativos.
-A elaboración de informes, memorias, presupostos e proxectos en materia da súa competencia, así como o seu seguimento ou dirección.
-A tramitación de expedientes de subvencións para actuacións de adaptación e mantemento de centros asistenciais.
18.3. Servicio de Xestión.
Correspóndenlle as seguintes funcións:
-A elaboración e tramitación de expedientes para a contratación de obras, subministracións e cantos outros estean relacionados coas competencias da subdirección.
-O control administrativo da execución dos respectivos expedientes.
Artigo 19º.-A Subdirección Xeral de Contratación e Xestión Económica.
Correspóndelle, con carácter xeral, a tramitación de expedientes de contratación, a execución e seguimento da xestión económica e o asesoramento nesta materia ós órganos directivos do Servicio Galego de Saúde.
Contará, con nivel orgánico de servicio, coas seguintes unidades:
19.1. Servicio de Xestión e Análise Económico.
Correspóndenlle as seguintes funcións:
- A tramitación económico-administrativa dos expedientes de gastos e propostas de pagamentos realizados polos servicios centrais e a supervisión dos efectuados polos demais centros de gastos do organismo.
-A habilitación xeral do organismo e a coordinación das habilitacións periféricas.
-A elaboración das instruccións para unha correcta xestión económica e o seguimento e control da súa execución polos centros de gasto do organismo.
-A implantación, coordinación e seguimento da contabilidade de xestión do organismo.
19.2. Servicio de Contratación.
Correspóndenlle as seguintes funcións:
-A tramitación dos expedientes de contratación dos servicios centrais do organismo.
-A tramitación dos expedientes de contratación de subministracións centralizadas para os centros de gasto.
As dúas competencias anteriores enténdense sen prexuízo das que lle corresponden ó Servicio de Xestión da Subdirección Xeral de Investimentos.
-A elaboración das instruccións para unha correcta contratación e o seguimento e control dela polos centros de gasto do organismo.
Artigo 20º.-A Dirección Xeral de Recursos Humanos.
1. A Dirección Xeral de Recursos Humanos é o órgano encargado de deseñar e executa-la política de persoal do organismo e ó que lle corresponde a xestión de tódolos colectivos que se integran nel, sen prexuízo das competencias da Consellería da
Presidencia e Administración Pública en relación cos funcionarios públicos regulados na Lei 4/1988, da función pública de Galicia, e ó persoal suxeito ó Convenio Colectivo Único do persoal laboral da Xunta de Galicia.
2. Por delegación do presidente do Servicio Galego de Saúde e sen prexuízo das competencias que o presidente delegue en outros órganos periféricos, o da súa eventual advocación, a Dirección Xeral de Recursos Humanos exercerá as seguintes funcións:
-As atribuídas do presidente en materia de recursos humanos polo artigo 7.2º d) da Lei 1/1989, do 2 de xaneiro, de creación do Servicio Galego de Saúde na redacción dada pola Lei 8/1991, do 23 de xullo.
-A proposta, tramitación e ordenación de gastos e pagamentos referentes ás retribucións do persoal de centros de gasto do organismo que non posúan esta atribución, así como a aprobación dos expedientes de modificación de cadro de persoal dos centros sanitarios, de conformidade co previsto para o efecto pola Lei de presupostos xerais da Comunidade Autónoma
-A aprobación do Plan Anual de Formación do persoal do organismo autónomo, por proposta das direccións xerais de Atención Primaria e Atención Especializada.
-Calquera outra que lle poida corresponder de acordo coa normativa vixente.
3. A Dirección Xeral de Recursos Humanos, para o cumprimento das súas funcións, contará coa seguinte estructura:
3.1. A Subdirección Xeral de Xestión e Ordenación de Recursos Humanos.
3.2. A Subdirección Xeral de Relacións Laborais, Recursos e Reclamacións.
3.3. A Subdirección Xeral de Custos de Persoal e Retribucións.
Artigo 21º.-A Subdirección Xeral de Xestión e Ordenación de Recursos Humanos.
É a unidade á que lle corresponden as seguintes funcións:
-A ordenación e control da xestión de todo o persoal do organismo, sen prexuízo da competencia doutros órganos e unidades e, en especial, a xestión e administración ordinaria do persoal funcionario e laboral adscrito ás súas dependencias centrais.
-A formulación das propostas relativas ás relacións de postos de traballo de todo o persoal funcionario e laboral do organismo, así como o seguimento e control do mantemento e actualización do rexistro deste persoal.
-A preparación da oferta de emprego público e dos distintos procedementos de provisión de postos de traballo do persoal do organismo e, en especial, do persoal estatutario e do persoal funcionario sani
tario incluído no ámbito de aplicación da Lei 17/1989.
-A elaboración dos estudios de adecuación e reforma do réxime xurídico aplicable ó persoal do organismo, das propostas de adopción da normativa e de criterios básicos e comúns para a coordinación e homologación da xestión de persoal.
Para o cumprimento das súas funcións contará, con nivel orgánico de servicio, coas seguintes unidades:
21.1. Servicio de Persoal Funcionario e Laboral.
Correspóndenlle as seguintes funcións:
-O desenvolvemento da xestión de todo o persoal funcionario da Consellería de Sanidade e Servicios Sociais que preste as súas funcións no ámbito da saúde pública, así como do persoal funcionario do organismo incluído no ámbito de aplicación da Lei 4/1988, do 26 de maio, e 17/1989, do 23 de outubro, así como do persoal laboral suxeito ó Convenio Colectivo Único da Xunta de Galicia.
-A confección das relacións de postos de traballo, o mantemento e actualización do rexistro deste tipo de persoal e a organización, custodia e arquivo dos seus expedientes.
21.2. Servicio de Ordenación Normativa e Documentación.
Correspóndenlle as seguintes funcións:
-A elaboración de anteproxectos normativos e a proposta de circulares e instruccións internas en materia de xestión de recursos humanos do organismo.
-O asesoramento e apoio técnico en todas cantas cuestións afecten á ordenación e deseño do réxime xurídico do persoal do organismo, así como o abasto, sistematización e, se é o caso, publicación, en colaboración coa secretaría xeral, daquela documentación de interese relativa á ordenación e ó réxime xurídico dos recursos humanos do organismo.
-A xestión dos plans de formación do persoal non sanitario que presta os seus servicios no ámbito das institucións sanitarias do organismo.
-O asesoramento e apoio técnico e as propostas de circulares e instruccións de servicio en materia de xestión económica do capítulo I do orzamento do organismo.
21.3. Servicio de Persoal de Servicios Sociais.
Correspóndenlle as seguintes funcións:
-O desenvolvemento da xestión de todo o persoal funcionario e laboral da área de Servicios Sociais da consellería.
-A xestión dos plans de formación deste persoal.
-O asesoramento e apoio técnico na elaboración dos estudios de adecuación e reforma do réxime xurídico aplicable a este persoal.
-A confección das relacións de postos de traballo, o mantemento e actualización do rexistro deste persoal e a organización, custodia e arquivo dos seus expedientes.
21.4. Servicio de Selección e Provisión de Persoal.
Correspóndenlle as seguintes funcións:
-O estudio e preparación dos anteproxectos normativos en materia de selección, provisión e integración no seu caso, do persoal do organismo e, en especial, do persoal estatutario e do persoal sanitario funcionario incluído no ámbito de aplicación da Lei 17/1989.
-A preparación e execución dos distintos sistemas de provisión de vacantes para o persoal dependente das institucións sanitarias do Servicio Galego de Saúde e para o persoal incluído na Lei 17/1989.
-A preparación e execución das ofertas de emprego público do dito persoal ó servicio do organismo.
-O asesoramento, estudio e elaboración de informes nestas materias.
Artigo 22º.-A Subdirección Xeral de Relacións Laborais, Recursos e Reclamacións.
É a unidade á que lle corresponden as seguintes funcións:
-Levar a cabo as negociacións cos órganos de representación lexitimados, nos termos e co ámbito sinalado na Lei 9/1987, do 12 de maio, de órganos de representación, determinación das condicións de traballo e representación do persoal ó servicio das administracións públicas, coas modificacións introducidas pola Lei 7/1990, do 19 de xullo, sobre negociación colectiva e participación na determinación das condicións de traballo dos empregados públicos.
-O desenvolvemento das relacións individualizadas co persoal dependente do Servicio Galego de Saúde, nos casos que proceda.
-O pulo da política de saúde laboral, acción social e formación do persoal non sanitario do organismo.
-Se é o caso o estudio, tramitación e formulación das propostas de resolución dos expedientes, reclamacións e recursos que se formulen nas materias relativas ó persoal do organismo.
-A elaboración do balance social e establecemento de propostas de liñas de actuación do organismo.
Para o cumprimento das súas funcións contará, con nivel orgánico de servicio, coas seguintes unidades:
22.1. Servicio de Relacións Laborais.
Correspóndenlle as seguintes funcións:
-A execución do deseño das relacións laborais coas organizacións sindicais e órganos de representación do persoal, e o seguimento e control dos seus dereitos.
-A canalización e informe das relacións individualizadas co persoal dependente do Sergas, sen prexuízo das competencias atribuídas a outros órganos.
-A elaboración e proposta das liñas de actuación na negociación colectiva, participación no seu desenvolvemento e control e seguimento dos acordos derivados dela.
-A negociación e proposta do plan de formación do persoal non sanitario, mediante o deseño de programas encamiñados a aumenta-la calidade dos servicios correspondentes.
-A negociación e proposta do fondo de acción social no ámbito do Servicio Galego de Saúde, sen prexuízo das competencias doutros órganos da Comunidade Autónoma.
22.2. Servicio de Recursos e Reclamacións.
Correspóndenlle as seguintes funcións:
-O estudio, tramitación e formulación, se é o caso, das propostas de resolución das reclamacións previas á vía xudicial e dos recursos que se interpoñan perante o organismo, en materia de persoal.
-Prepara-los antecedentes, dilixencia-las comunicacións xudiciais e emiti-los informes que procedan, sobre as demandas e recursos que se substancien na vía xurisdiccional.
-A tramitación dos expedientes de incompatibilidade referentes ó persoal do organismo.
-O estudio e tramitación das queixas remitidas polos distintos organismos.
Artigo 23º.-A Subdirección Xeral de Custos de Persoal e Retribucións.
Correspóndelle á Subdirección Xeral de Custos de Persoal e Retribucións as funcións de planificación económica dos recursos humanos dependentes do organismo, a análise, informe e proposta da política retributiva, o deseño e xestión do seu Rexistro de Persoal, a elaboración e seguimento dos cadros de persoal e a análise, seguimento e proposta en materia de gastos de persoal.
Para o cumprimento das súas funcións contará, con nivel orgánico de servicio, coas seguintes unidades:
23.1. Servicio de Administración Económica.
Correspóndenlle as seguintes funcións:
-A xestión e tramitación da nómina de persoal adscrito ós servicios centrais do organismo.
-O cumprimento das obrigas do organismo en materia de Seguridade Social e dereitos pasivos.
-O orzamento e execución da política de acción social.
23.2. Servicio de Réxime Retributivo e Cadros de Persoal.
Correspóndenlle as seguintes funcións:
-A análise e informatización, en coordinación coa Secretaría Xeral da Consellería de Sanidade e Servicios Sociais, do cadro de persoal do organismo, e o seu seguimento e control, na coordinación cos centros asistenciais.
-O informe e tramitación das propostas de modificación do cadro de persoal e o estudio e proposta de desenvolvemento normativo en materia de réxime retributivo do persoal do organismo.
-O desenvolvemento da xestión de persoal estatutario do organismo, sen prexuízo das atribucións que lles correspondan a outros órganos e unidades del.
23.3. Servicio de Avaliación Económica e Orzamentaria.
Correspóndenlle as seguintes funcións en relación cos gastos de persoal do organismo:
-A confección dos estudios previos á elaboración da proposta do anteproxecto dos orzamentos do capítulo I do Sergas e as propostas de modificacións de crédito.
-O estudio, seguimento e control da execución do estado de gastos e o asesoramento en materia orzamentaria do referido capítulo ós centros do organismo.
Disposición adicional
Única.-Os servicios de Promoción e de Protección da Saúde que dependían organicamente das direccións provinciais do Sergas pasan a depender orgánica e funcionalmente das delegacións provinciais da Consellería de Sanidade e Servicios Sociais.
Disposicións transitorias
Primeira.-Mentres non se nomee secretario xeral do Servicio Galego de Saúde, actuará como tal o secretario xeral da Consellería de Sanidade e Servicios Sociais.
Segunda.-Mentres non se creen na Secretaría Xeral da Consellería as unidades precisas para o desenvolvemento das funcións que lle corresponden na materia económica e de persoal, as ditas funcións serán exercidas respectivamente polas correspondentes unidades das direccións xerais de Recursos Económicos e de Recursos Humanos do Sergas, sen prexuízo das competencias que nestas materias teña atribuída a Dirección Xeral de Servicios Sociais.
Terceira.-Cando, como consecuencia da estructura orgánica que se establece no presente decreto, se modifique a denominación das distintas unidades administrativas existentes con anterioridade ou se suprima algunha das ditas unidades, autorízase o conselleiro de Sanidade e Servicios Sociais, para readscribi-lo persoal afectado a postos do mesmo ou inferior nivel, sempre que sexan de libre designación, ou adscribilo con carácter temporal a postos de igual ou inferior nivel se se trata de postos de provisión por concurso, ata que, neste caso, os ditos postos sexan cubertos da forma regulamentariamente establecida, sen que en ningún caso a readscrición ou adscrición supoña un cambio de residencia.
Cuarta.-A Consellería de Sanidade e Servicios Sociais, de conformidade co disposto no artigo 15.5º e a Lei 4/1988, do 26 de maio, da función pública
de Galicia, elaborará a proposta de relación de postos de traballo resultantes da aplicación do presente decreto, efectuando a súa tramitación de acordo coa normativa vixente.
Quinta.-Sen prexuízo do disposto na disposición adicional do presente decreto, e mentres non se modifique a estructura periférica da Consellería de Sanidade e Servicios Sociais e do Sergas, as retribucións do persoal ó que se refire a ela, incluíndo o persoal farmacéutico titular e veterinario, continuarán imputándose ós actuais créditos e programas orzamentarios do correspondente centro de xestión do Sergas; de igual forma corresponderá ás direccións provinciais do Sergas a xestión do dito persoal naqueles actos que teñen repercusión no seu capítulo I.
Disposición derrogatoria
Queda derrogado o Decreto 199/1994, do 16 de xuño, excepto os artigos 20 ó 24, así como o Decreto 73/1995, do 24 de febreiro, que o modifica, e cantas disposicións de igual ou inferior rango se opoñan ó establecido neste decreto.
Disposicións derradeiras
Primeira.-A estructura orgánica que se establece no presente decreto non suporá aumento de gasto.
Segunda.-Facúltase o conselleiro de Sanidade e Servicios Sociais para dictar cantas disposicións sexan necesarias para o desenvolvemento do presente decreto.
Terceira.-Este decreto entrará en vigor o día 29 de febreiro de 1996.
Santiago de Compostela, quince de febreiro de mil novecentos noventa e seis.
Manuel Fraga Iribarne
Presidente
José Manuel Romay Beccaría
Conselleiro de Sanidade e Servicios Sociais
0993
