Por Orde do 28 de marzo de 1995 (DOG do 7 de abril) convocáronse procedementos selectivos de ingreso e acceso ó corpo de profesores de ensino
secundario en expectativa de ingreso na Comunidade Autónoma de Galicia.
O apartado 1 da base común 12 da citada orde establece que as prácticas terán por obxecto a valoración das aptitudes didácticas dos aspirantes que aprobaron a fase de oposición, realizándose nos destinos provisionais que lles corresponda co desempeño da función docente con plena validez académica.
Na súa virtude, a Consellería de Educación e Ordenación Universitaria,
DISPÓN:
Primeiro.-Nomear funcionarios en prácticas do corpo de profesores de ensino secundario os opositores que se relacionan no anexo II da Orde do 2 de agosto de 1995 (DOG do 23) pola que se fai pública a lista dos opositores que superaron o procedemento selectivo convocado pola Orde do 28 de marzo de 1995 coa excepción dos que se relacionan no anexo I desta orde, polas causas que se indican.
Segundo.-O nomeamento como funcionario en prácticas producirá efectos administrativos do 29 de setembro de 1995 e económicos da mesma data, agás para os que estiveran prestando servicios como interinos no curso 1994-1995, que serán do 1 de outubro de 1995.
Terceiro.-O réxime retributivo dos funcionarios en prácticas será o establecido no Real decreto 456/1986, do 10 de febreiro, (BOE do 6 de marzo), polo que se fixan as retribucións dos funcionarios en prácticas.
Cuarto.-Os funcionarios en prácticas que xa estean prestando servicios remunerados na Administración como funcionarios de carreira ou interinos, contratados administrativos ou como persoal laboral, sen prexuízo da situación administrativa ou laboral que de acordo coa normativa vixente lles corresponda, deberán formular opción pola percepción das remuneracións durante a súa condición de funcionarios en prácticas de conformidade co disposto no Real decreto 456/1986, do 10 de febreiro (BOE do 6 de marzo).
Quinto.-A Dirección Xeral de Persoal adoptará tódalas medidas e instruccións que sexan necesarias para o desenvolvemento da presente orde.
Santiago de Compostela, 11 de outubro de 1995.
Juan Piñeiro Permuy
Conselleiro de Educación e Ordenación Universitaria
Sr. Director Xeral de Persoal
ANEXO I
Apelidos e nome Disciplina Causa
Gil Gómez, Adolfo L. Castelá e L. Perman. corpo mestres Sueiro Silva, Alfredo Xeografía e historia Perman. corpo mestres Díaz Rodríguez, Manuel Xeografía e historia Perman. corpo mestres
Apelidos e nome Disciplina Causa
Ruiz Navarro, Gonzalo Debuxo Adiamento Práct. de la Rosa Pérez, Manuel Debuxo Adiamento Práct. Maroño Cal, Antonio Debuxo Non reunir requisitos Álvarez Riveira, Elda Francés Perman. corpo mestres Guillén Ortega, Jesús Educ. Física Perman. corpo mestres Otero Figueroa, Fernando Tecnoloxía Perman. corpo PTFP Rodríguez González, Manuel Tecnoloxía Perman. corpo mestres Rodríguez Sánchez, Ángel Tecnoloxía Perman. corpo PTFP Santos Leites, José Eul. Técnoloxía Perman. corpo PTFP Ogando Penela, Francisco Tecnoloxía Perman. corpo PTFP
7485