Visto o expediente do convenio colectivo da empresa Santaz-Censa, S.A., que tivo entrada nesta delegación provincial o día 31-8-1995, subscrito en representación da parte económica por unha representación da empresa, e da parte social, polo comité de empresa, o 14-6-1995. De conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta
nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no BOP e no Diario Oficial de Galicia.
Vigo, 5 de setembro de 1995.
Antonio Coello Bufill
Delegado provincial de Pontevedra
Convenio colectivo da empresa Santaz-Censa, S.A.
Capítulo I
Normas xerais
Sección primeira
Ámbitos
Artigo 1º.-Ámbito territorial.
O presente convenio será de aplicación na factoría da empresa Santaz-Censa, S.A. de Gándaras de Prado-O Porriño e en calquera outro lugar onde o persoal do cadro da dita empresa preste os seus servicios por conta dela.
Artigo 2º.-Ámbito persoal.
O convenio afecta a todo o persoal que presta servicios nos centros de traballo aludidos, no momento do seu asinamento, así como a todo aquel que ingrese durante a súa vixencia. Queda expresamente excluído o persoal de alta dirección cunha relación laboral que se regula polo disposto no Real decreto 1382/1985, do 1 de agosto, e, en xeral, todo aquel non citado expresamente no texto do presente convenio.
Sección segunda
Vixencia, duración e rescisión
Artigo 3º.-Vixencia.
As normas estipuladas no presente convenio adquirirán vixencia desde o día 1 de xaneiro de 1994 ata o 31 de decembro de 1995.
Artigo 4º.-Prórroga e denuncia.
O presente convenio, aínda unha vez esgotado o período de duración, seguirá vixente no seu texto normativo ata que entre en vigor un novo convenio. A solicitude de revisión terá que facerse con dous meses de antelación á data de finalización, sin necesidade de denuncia previa.
Sección terceira
Compensación e absorción de melloras
Artigo 5º.-Compensación.
Entendendo que as condicións estipuladas e recollidas no presente convenio son, no seu conxunto, máis beneficiosas cás que rexían con anterioridade á data de entrada en vigor, calquera que sexa a súa orixe, compensarán e substituirán a estas na súa totalidade sen máis excepción cás expresamente contidas no presente convenio.
Artigo 6º.-Absorción.
As posibles e futuras disposicións legais ou voluntarias que impliquen variación na contía de todos ou cada un dos conceptos retributivos que son obxecto do presente convenio, serán absorvidos polas melloras económicas concedidas nel, salvo que, consideradas global e anualmente, superen o nivel destas últimas.
Sección cuarta
Aplicación do texto normativo
Artigo 7º.-Comisión de vixilancia.
Tódalas dúbidas ou diferencias que surxirsen na interpretación deste convenio serán sometidas a decisión dunha comisión de vixilancia, integrada por dous vocais designados pola dirección da empresa e outros dous pola representación social.
Artigo 8º.-Ordenanza aplicable.
Será de aplicación a derrogada ordenanza laboral siderometalúrxica do 29 de xullo de 1970.
Capítulo II
Condicións de traballo
Sección primeira
Organización do traballo
Artigo 9º.-Competencia.
A organización práctica do traballo, sendo competencia da dirección da empresa, estará suxeita á lexislación vixente e ó presente convenio colectivo. Os representantes dos traballadores participarán da maneira que neste convenio se determina, e terán a función de velar polo cumprimento do disposto nel.
Artigo 10º.-Comisión técnica.
Créase unha comisión técnica integrada por 4 membros da representación social e outros 4 designados pola dirección da empresa, que se reunirán mensualmente, e poderán ser chamadas as persoas que a xuízo de ámbalas partes sexan de utilidade, tanto pola implicación dos asuntos que tratar, como pola súa calidade de expertos.
Artigo 11º.-Calidade do producto.
A calidade dos productos obtidos dos servicios prestados por un traballador ou grupo de traballadores responderá ás condicións prefixadas pola empresa en normas, planos ou bosquexos que se lle entregarán para realiza-lo traballo. Se, por causas imputables ó traballador ou grupo de traballadores, os productos non se axustasen ás normas de calidade fixadas pola empresa, non só serán computadas para efectos de prima, senón que poderán motivar accións de corrección disciplinaria que procedan, segundo as circunstancias concorrentes e a gravidade do caso.
Artigo 12º.-Saturación do traballador.
Todo o persoal estará obrigado a admiti-la saturación completa da xornada laboral, aínda con labores distintos ós do seu oficio, se as circunstancias obrigasen a iso, respectándose a súa personalidade e/ou capacidade profesional.
Sección segunda
Movemento de persoal
Artigo 13º.-Ingreso.
Con excepción de mandos intermedios e técnicos superiores, calquera contratación terá que realizarse a través de convocatoria de prazas que serán cubertas mediante concurso oposición, a tal resolución será determinada por unha comisión paritaria formada pola empresa e representantes dos traballadores.
Para tales efectos a empresa comunicará ós representantes dos traballadores os postos de traballo a cubrir, as condicións que deben reuni-los aspirantes e as características das probas de selección. Ó cesamento do contrato asistirán os representantes dos traballadores, seranlle entregados copia dos contratos nun prazo non superior a 48 horas desde o seu asinamento.
Artigo 14º.-Ascensos.
As prazas de novo ingreso serán cubertas dando preferencia ó propio persoal do cadro, sempre que este reúna a capaticación necesaria para o posto que se vai cubrir, promovendo cursiños de formación profesional no caso de seren necesarios.
Para tal fin, a empresa, nos meses de abril e outubro, convocará concurso oposición co obxecto de cualifica-lo grao de aptitude dos aspirantes. Poderá presentarse a este concurso oposición toto o persoal da empresa que se considere con capacidade para aspirar ó posto ou postos que se van cubrir, solicitándoo previamente por escrito.
Os resultados deste concurso oposición serán xulgados por un tribunal cualificador coa seguinte composición: un representante da dirección; dous vocais do comité de empresa e un xefe do departamento que corresponda en función da praza que se vai cubrir ou persoa en quen delegue.
O resultado daráselle a coñecer ó persoal nun prazo máximo dun mes, contado desde a data do exeme. En todo caso, cando se trate de postos que impliquen exercicio de autoridade e mando sobre terceiras persoas, serán cubertas directamente pola empresa.
A empresa e o comité confeccionarán as normas que se han seguir para a realización e valoración dos exames.
Cando se trate de postos de traballo que impliquen exercicios de autoridade e mando sobre terceiras persoas, serán cubertas directamente pola empresa.
Artigo 15º.-Mobilidade de persoal.
A empresa só poderá despraza-lo persoal fóra do lugar habitual de traballo no caso de montaxe ou reparación dalgún dos productos fabricados por ela.
Nese caso deberá cumpri-los seguintes requisitos:
1. Comunicarllo os representantes dos traballadores cun mes de antelación.
2. Solicitalo no taboleiro de anuncios con carácter voluntario.
Artigo 16º.-Cesamentos.
O persoal afectado polo presente convenio que desexe cesar na empresa, deberá comunicalo cunha antelación mínima:
Persoal obreiro: 10 días.
Persoal empregado: 20 días.
Sección terceira. Contratación
Artigo 17º.-Contrato de aprendizaxe.
Os contratos de aprendizaxe son para traballadores de 16 a 25 anos e por un período máximo de 3 anos.
As retribucións deste contrato serán, como mínimo, as que marca o convenio para a súa categoría, incluídos os pluses, polo tempo real de traballo, non debendo traballar a sistemas de rendemento. O finaliza-lo contrato de aprendizaxe, o traballador pasará a ser fixo de cadro de persoal.
Farase un plan de formación consensuado cos representantes dos traballadores e designaranse os titores de acordo co comité de empresa.
O período de probas non será superior a 15 días e o 25% do tempo destinado a formación realizarase mediante o acordo de formación continua ou ben en plans de empresa para máis de 200 traballadores.
Negociarase cos representantes dos traballadores os centros onde se impartirá a formación.
Este tipo de contrato cotizará á Seguridade Social pola continxencia de incapacidade laboral transitoria.
Artigo 18º.-Contrato en prácticas.
A retribución deste contrato será, como mínimo, a que marca o convenio para a súa categoría, incluídos os pluses, polo tempo real traballado, e non se deberá traballadr a sistemas de rendemento.
Artigo 19º.-Persoal eventual.
Será requisito indispensable o contrato por escrito para a contratación do traballador eventual. Enténdese que todo traballador que ingrese na empresa sen contrato escrito por tempo ou obra determinados é fixo unha vez superado o período de proba.
O persoal eventual será contratado sobre a base das mesmas condicións que veña desfrutando o persoal fixo.
Artigo 20º.-Mando.
Ningunha persoa allea ó cadro de persoal da empresa poderá exercer mando directo sobre o seu persoal.
Artigo 2º.-Diminución de aptitudes.
O persoal de capacidade diminuída que non fose declarado inválido permanente para o seu traballo habitual poderá ser trasladado a outros traballos a xuízo da dirección da empresa e do comité.
Sección cuarta
Clasificación dos postos de traballo
Artigo 22º.-Nivel de cualificación.
Respectanse en termos xerais e sen prexuízo das innovacións específicas que a peculiaridade da empre
sa e a súa particular organización aconsella, as cualificacións de persoal recollidas na derrogada o.l. siderometalúrxica.
Na función dos postos de traballo existentes e da súa xerarquización, de acordo coas normas regulamentarias conxugadas coa distribución de funcións no seo da empresa, as distintas categorías profesionais correspóndese cos niveis de cualificación que se indican a seguir:
1. Niveis Aprox. do persoal obreiro.
Oficial de 1ª A 31
Oficial de 1ª 30
Oficial de 2ª 28
Oficial de 3ª 25
Especialista 24
Aprendiz de 1º ano 21
2. Niveis Aprox. do persoal empregado.
2.1. Subalternos.
Almaceneiros 27
Listeiros 26
Chofer-comprador 25
Basculeiro/porteiro-Vix. 23
Telefonista 23
Limpadora 21
2.2. Administrativos.
Xefe de 1ª 50
Xefe de 2ª 40
Oficial de 2ª 29
Subxefe de 1ª 45
Oficial de 1ª 35
Auxiliar administrativo 22
2.3.Técnicos.
2.3.1. Técnicos titulados.
Perito e Enx. técnico ou Asimil. 1ª 50.
Perito e Enx. técnico ou Asimil. 2ª 47
Perito e Enx. técnico ou Asimil. 3ª 40
Axudante técnico sanitario 40
2.3.1. Técnicos de oficina.
Proxectista de grupo 49
Delineante Proxectist. 47
Delineante de 1ª 42
Delineante de 2ª 33
Calcador 23
2.3.2. Técnicos de taller.
Axudante de Enx. de 1ª 50
Axudante de Enx. de 2ª 47
Axudante de Enxe. de 3ª 40
Xefe de taller 50
Mestre de 1ª 45
Mestre de 2ª 40
Encargado 37
2.3.4. Técnicos de Organ.
Xefe de 1ª 50
Subxefe de 1ª 46
Xefe de 2ª 41
Técnico de Org. de 1ª 38
Técnico de Org. de 2ª 31
Aux. de organización 23
Preparador de 1ª 42
Preparador de 2ª 34
Capítulo III
Sección Primeira.
Retribucións directas
Artigo 23º.-Xornais e soldos básicos.
Para as respectivas categorías e niveis de cualificación establécense os xornais e soldos básicos seguintes:
Ver táboa nº 1.
O persoal que traballe na quenda de tarde percibirá adicionalmente o 18% do xornal ou soldo básico, aplicado sobre o número de horas traballadas na antedita quenda.
Artigo 24º.-Plus de asistencia e transporte.
Establécese un plus de asistencia que se aboará só os días de presencia na factoría e con base na seguinte táboa:
Ver táboa nº 2.
Establécese tamén un plus de transporte para todo o persoal na contía de 3.000 ptas./mes. A partir do 30 de novembro de 1995, este plus pasará a incrementarse no salario base.
Artigo 25º.-Prima.
Ver táboa nº 3.
Sección segunda
Retribucións complementarias
Artigo 26º.-Enumeración.
Os respectivos xornais ou salarios básicos substitúen a tódalas retribucións ou emolumentos de carácter xeral que viñese percibindo o persoal como consecuencia de anteriores axustes. Quedan excluídos os seguintes conceptos:
-Antigüidade.
-Plus de distancia.
-Compensación por traballos tóxicos, penosos e perigosos.
-Plus de Cualificac. Profes.
-Plus de xefe de equipo.
-Axudas de custos e locomoción.
-Protecc. a Famil.
Artigo 27º.-Antigüidade.
Para efectos de antigüidade, aboaranse aumentos periódicos por anos de servicio consistentes no aboamento de quinquenios na contía do 5% do xornal ou soldo básico do presente convenio.
Para o cómputo da antigüidade, estarase ó disposto na derrogada ordenanza laboral siderometalúrxica. De acordo coas categorías e niveis de cualificación do
persoal obreiro e empregado, os importes dos quinquenios respectivos serán os seguintes:
Ver táboa nº 4.
Artigo 28º.-Axudas de custos e locomocións.
Será de aplicación nos desprazamentos por razóns de servicio para todo o persoal suxeito a convenio: viaxe en FF.CC. en 1ª e unha axuda de custos diaria de 6.000 ptas.
Observacións:
1. Nas datas de comezo e finalización de calquera desprazamento computarase 1 axuda de custo íntegra.
2. Os desprazamentos que permitan pasa-la noite no propio domicilio non devengarán axuda de custo; neste caso percibiranse os gastos de desprazamento (se se utilizase medio de transporte alleo á empresa) e unha indemnización para comida cifrada en 750 ptas.
3. Os desprazamentos na provincia que non orixinen para o persoal gastos de ningún tipo por asumilos a empresa na súa totalidade non devengarán axudas de custo nin locomocións ningunhas. Os desprazamentos fóra da provincia que permitan pasa-la noite no propio domicilio devengarán media axuda de custo.
4. En circunstancias excepcionais, e logo de autorización da empresa, os desprazamentos poderán efectuarse en vehículo propio, neste caso o importe da locomoción resultará de aboa-la cantidade de 20 ptas. por km percorrido.
5. O importe da axuda de custos non inclúe aqueles gastos de carácter extraordinario que a comisión do servicio faga necesarios. O aboamento do seu importe, debidamente xustificado, será independente do que corresponda por axuda de custos ou locomocións.
6. Os desprazamentos fóra do territorio nacional devengarán as axudas de custos que se determinen en cada caso.
Artigo 29º.-Plus de distancia.
A aplicación deste plus rexerase pola lexislación vixente específica, establecendo o tope máximo nas 300 ptas./día.
Artigo 30º.-Plus de xefe de equipo.
Fíxase o plus de xefe de equipo nas 130 ptas./día durante o presente convenio.
Artigo 31º.-Protección a familia.
Para a súa regulación e aplicación haberá que aterse ó disposto na Lei da seguridade social e na lexislación complementaria específica que a desenvolve no que se refire a este concepto.
Artigo 32º.-Traballos penosos, tóxicos e/ou perigosos.
A definición dos traballos que terán a consideración de penosos, tóxicos ou perigosos será obxecto de estudio e proposta do comité de seguridade e hixiene e aceptación posterior, se procede, pola dirección.
As discrepancias que puidese haber serán formuladas diante da audiencia laboral.
Establécese unha compensación económica do 20, 25 ou 30% segundo se dean un, dous ou os tres conceptos, do salario base. Así mesmo procurarase por tódolos medios ó alcance da empresa, evita-la realización destes traballos e, no caso de ser necesario, rotarase a meirante parte posible do persoal.
Sección terceira
Nóminas
Artigo 33º.-Liquidación mensual.
A totalidade das retribucións do conxunto do persoal do cadro serán obxecto de liquidación por períodos mensuais e faranse efectivos o penúltimo día hábil de cada mes.
Con cargo ó resultado da liquidación mensual aludida, o persoal poderá solicitar anticipos. A contía deles non poderá ser superior ó 90% das cantidades devengadas polos distintos conceptos salariais ata a data da solicitude. O aboamento dos anticipos efectuarasae os día 10 e 20 de cada mes.
Capítulo IV
Xornada de traballo e horas extraordinarias
Sección Primeira
Xornada de traballo
Artigo 34º.-Modalidade e horario.
O número total de horas efectivas de traballo será de 1.785 anuais.
Sen prexuízo das modificacións que puidesen determinarse por acordo entre o comité de empresa e a dirección, a iniciativa ou proposta de calquera deles establécese polo de agora o horario de traballo seguinte, ó que quedará suxeita todo o cadro de persoal:
Quenda de mañá: de 6.30 horas á 14.15 horas de luns a venres.
Quenda de tarde: de 14.15 horas ás 22 horas de luns a venres.
En canto non se modifique este horario, as horas que faltasen para os cómputos anuais que se deixan establecidos deberán facerse en sábados.
O calendario laboral anual confeccionarase en reunión conxunta da dirección e o comité no mes de decembro do ano anterior a aquel no que teña que aplicarse.
O comité colaborará coa empresa na distribución das quendas equilibradas de acordo coas necesidades.
A empresa garante que dará o máximo de facilidades para o intercambio de quendas entre traballadores, cando estes o soliciten, mantendo o equilibrio profesional.
Sección segunda
Horas extraordinarias
Artigo 35º A.-Horas extraordinarias.
A realización de horas extraordinarias será sempre voluntaria por parte do traballador salvo que se tratase
de prever ou reparar sinestros ou por causa de forza maior e nestes casos intervirán os representantes dos traballadores.
Consideraranse horas extras aquelas que non estean comprendidas dentro do horario que establece este convenio, e haberá que aterse ó disposto no artigo 35 do Estatuto dos traballadores reformado.
Artigo 36º.-Valor.
Durante a vixencia do presente convenio o valor das horas extraordinarias será o que recolle a seguinte táboa:
Ver táboa nº 5.
As horas extras que se realicen en sábados, domingos ou festivos abonaranse cun 70% de recargo.
O persoal de quenda de noite que realice a súa xornada entre as 18.30 e as 6.30 horas do día seguinte, abonaráselle 3.50 horas extras e un plus de nocturnidade de 1.772 ptas. por xornada.
Ó persoal de quenda de noite que realice a súa xornada entre as 22 horas e as 6.30 horas do día seguinte, aboaráselle un plus de nocturnidade de 2.183 ptas. por xornada.
En todo caso, os horarios establecidos deberán ser fixos.
Capítulo V
Pagas extras, vacacións e licencias
Sección primeira
Pagas extras
Artigo 37º.-Pagas extraordinarias.
Para todo o persoal afectado polo presente convenio as pagas serán:
Verán: 30 días.
Nadal: 30 días.
O aboamento efectuarase de acordo cos xornais e soldos básicos respectivamente, máis o plus de cualificación profesional que, en cada caso, poida corresponder.
A paga de verán farase efectiva o 30 de xuño e a de Nadal o 20 de decembro.
Sección segunda
Vacacións
Artigo 38º.-Vacacións.
A duración do período anual de vacación, non substituíble por compensación económica, será de 30 días naturais. Desfrutaranse ininterrumpidamente, salvo pedimento do traballador dentro das datas máis convenientes, que se farán coincidir entre o 15 de xuño e o 15 de setembro.
O comité de empresa será informado antes do 31 de marzo das datas de comezo e remate das vacacións. Se o día natural de pagamento da nómina coincidise dentro do período fixado para o desfrute de vacacións, a liquidación de haberes do mes correspondente efectuarase antes do comezo delas.
Sección terceira
Licencias
Artigo 39º.-Licencias retribuídas:
A empresa considera licencias retribuídas:
Enlace matrimonial: 15 días naturais.
Matrimonio de fillos ou irmáns: 1 día laborable.
Parto de esposa: 3 días laborables (ampliados en caso grave).
Pasamento de:
Cónxuxe e fillos: 5 días naturais.
Fillos políticos, pais, pais políticos, irmáns, irmáns políticos, netos, avós e avós políticos: 3 días naturais.
Tíos, tíos políticos e sobriños: 1 día natural.
Se o pasamento supón desprazarse fóra da provincia incrementarase nun día máis.
Enfermidade grave de:
Cónxuxe e fillos: ata 4 xornadas.
Pais, pais políticos, avós ou irmáns: ata 2 xornadas.
Entenderase por enfermidade grave sempre que exista necesidade de hospitalización, intervención cirúrxica, necesidade de acompañante ou cando así sexa cualificada polo facultativo correspondente.
Aqueles traballadores que tivesen fillos diminuídos psíquica ou fisicamente, os días necesarios para asistir a consulta médica.
Traslado de domicilio:
Traslado de domicilio habitual: ata 2 xornadas.
Exámenes:
Os días necesarios, logo de xustificación; así como preferencia a elixir quenda de traballo cando se cursen estudios con regularidade, artigo 22 do Estatuto dos traballadores.
Falecemento como consecuencia de accidente laboral ocorrido na factoría:
Desde a hora na que ocorra o feito, darase por rematada a xornada laboral,, e concederase permiso á totalidade do cadro ata a conducción do cadáver.
Os días de licencia serán aboados de acordos cos xornais e soldos básicos. Os días contaranse desde o mesmo que aconteza o feito causante. No prazo máximo de 48 horas despois da incorporación dos traballadores beneficiarios dalgunha das licencias indicadas deberán xustificar documentalmente a existencia das circunstancias que alegase para a obtención dela, atopándose no mesmo caso os que por causas urxentes ou imprevisibles non puidesen solicita-lo permiso previo.
Para o caso concreto de casamento, poderase amplia-la duración da licencia retribuída ata un máximo doutros cinco días non retribuídos, e é potestativo da dirección a concesión deste complemento de licencia regulamentaria.
Polo tempo necesario nos casos de asistencia a consulta médica de especialistas da S.S. cando, coincidindo o horario de consulta co do traballo, prescriba a dita consulta o facultativo de medicina xeral ou de empresa, para o cal deberá presenta-lo traballador o volante xustificativo da referida cita médica.
Nos demais casos, ata o límite de 16 horas/ano.
Capítulo VI
Roupas de traballo
Artigo 40º.-Entrega anual.
A empresa fará entrega anualmente das pezas de traballo seguintes:
-Persoal obreiro e mandos de taller: 3 fundas (dúas en xaneiro e unha en xuño).
-Persoal empregado, a presencia do cal sexa necesaria no taller: 1 funda.
-Limpadoras de oficina: 2 batas (1 en xaneiro e outra en xuño).
A empresa disporá dunha reserva de fundas para seren usadas en traballos que pola súa natureza poidan dar lugar a unha deterioración moi acusada das roupas de traballo.
O uso das pezas de traballo facilitadas pola empresa é obrigatorio durante toda a xornada laboral.
Capítulo VII
Acción asistencial
Artigo 41º.-Bolsas.
A empresa manterá un fondo para a concesión de bolsas de estudio cunha dotación de 400.000 ptas. anuais, ás que poderán opta-los traballadores para si ou para os seus fillos. A contía, distribución e administración destas bolsas axustarase á normativa que estableza a comisión do fondo social.
Artigo 42º.-Seguro de accidentes.
Mantense un seguro de accidentes de traballo de 1.500.000 ptas. por morte e 2.000.000 de ptas. por incapacidade permanente total ou superior.
Artigo 43º.-Xubilación anticipada.
O persoal que reúna os requisitos esixidos para percibi-la pensión de xubilación e estea acollido ó convenio colectivo poderá pasar voluntariamente a situa
ción de xubilación definitiva, a partir dos 60 anos cumpridos, e será a cargo da empresa a diferencia entre a pensión e o 100% dos salarios líquidos do traballador en xornada diaria, con carácter irreversible, vitalicio e inabsorvible.
O persoal que se acolla a xubilación definitiva nas condicións recollidas no parágrafo anterior e que falecese antes de cumpri-los 65 anos de idade, xerará a favor da súa viúva e a cargo da empresa, a diferencia entre o 31 e o 45% dunha base composta pola base reguladora inicial da pensión de xubilación da mutualidade, aumentaba nun 8% cada ano que lle faltase para cumpri-los 65 e a pensión de viuvez que lle asigne a mutualidade.
Para a xubilación voluntaria a partir dos 60 anos, teranse en conta os salarios computables posibles do ano de xubilación.
Artigo 44º.-Préstamos a longo prazo.
Como contribución á solución de prementes necesidades de índole esconómica referidas á situación familiar dos traballadores, a empresa manterá un sistema de préstamos a longo prazo con cargo a un fondo específico, cunha dotación que se fixa en 2.000.000 de ptas.
A contía, distribución e administración deste fondo axustarase á normativa que ó respecto estableza unha comisión paritaria do fondo social.
Artigo 45º.-Premios da seguridade e hixiene.
A empresa pasará a cantidade de 150.000 ptas. anuais para premios ós traballadores que se distinguisen no cumprimento das normas de seguridade e hixiene no traballo. Premios que serán distribuídos polo comité de seguridade e hixiene no mes de decembro.
No caso de seren declarados desertos os premios, a contía pasará a incrementar un fondo de seguridade e hixiene para acción asistencial.
Artigo 46º.-Acción sindical.
En materia sindical na empresa, estarase de acordo co previsto no Estatuto dos traballadores e no acordo marco interconfederal (AMI).
Por petición expresa das centrais sindicais, descontarse a cota sindical ós seus afiliados, logo de petición escrita destes.
Táboas 1995 Santaz Censa, S.A.
ano 1994 3,5 % tarde Asist. Producc. antigüidadeCategoría Nivel Xornal
Incr.
Quenda
Prima
Prima
Prima
Persoal obreiro
Oficial de 1ª A 31 3,227 3,340 601.20 194 4,827 142 Oficial de 1ª 30 3,163 3,274 589.32 190 4,706 138 Oficial de 2ª 28 3,068 3,175 571.50 180 4,440 134 Oficial de 3ª 25 2,928 3,030 545.40 171 4,083 126 Especialista 24 2,873 2,974 535.32 166 3,958 124 Peón 21 2,811 2,909 523.62 163 3,507 122
ano 1994 3,5 % tarde Asist. Producc. antigüidadeCategoría Nivel Xornal
Incr.
Quenda
Prima
Prima
Prima
Persoal empregado
50 118,069 122,201 733.21 243 20,956 5,399 49 117,120 121,219 727.31 241 20,590 4,299 47 115,219 119,252 715.51 236 19,856 5,233 46 113,166 117,127 702.76 233 19,484 5,157 45 110,796 114,674 688.04 228 19,122 5,025 42 108,446 112,242 673.45 221 18,021 4,909 41 106,568 110,298 661.79 219 17,654 4,806 40 104,985 108,659 651.95 214 17,537 4,705 38 101,558 105,113 630.68 208 16,793 4,600 37 101,234 104,777 628.66 206 16,452 4,538 35 98,360 101,803 610.82 198 15,666 4,384 34 97,631 101,048 606.29 196 15,293 4,315 33 95,830 99,184 595.10 193 14,920 4,296 31 93,883 97,169 583.01 187 14,175 4,191 29 90,860 94,040 564.24 179 13,429 4,043 27 88,609 91,710 550.26 174 12,681 3,919 26 87,588 90,654 543.92 171 12,309 3,863 25 85,079 88,057 528.34 165 11,930 3,689 23 83,122 86,031 516.19 161 11,180 3,582 22 81,627 84,484 506.90 157 10,814 3,499 21 80,736 83,562 501.37 154 10,440 3,449
Nocturnidade:
-Con horas: 1.772 ptas./noite.
-Sen horas: 2.183 ptas./noite.
Plus distancia: 300 ptas./día.
Plus xefe de equipo: 130 ptas./día
**Valor hora extra normal** **Valor hora extra festiva**
Categoría Nivel 0Q 1Q 2Q 3Q 4Q 5Q 0Q 1Q 2Q 3Q 4Q 5Q
Personl obreiro
Oficial 1ª 31 779 819 859 898 939 987 1,323 1,393 1,461 1,529 1,597 1,677 Oficial 1ª 30 762 802 843 883 924 970 1,297 1,365 1,432 1,502 1,570 1,649 Oficial 2ª 28 729 767 806 843 883 927 1,239 1,305 1,371 1,432 1,502 1,577 Oficial 3ª 25 687 723 758 795 830 871 1,168 1,229 1,290 1,351 1,411 1,482 Especialista 24 672 707 743 779 812 853 1,141 1,201 1,263 1,324 1,380 1,449 Peón 21 656 691 727 763 796 836 1,117 1,175 1,236 1,298 1,354 1,421 Persoal empregado
50 1,191 1,254 1,316 1,379 1,429 1,500 2,024 2,130 2,238 2,345 2,428 2,549 49 1,176 1,239 1,300 1,365 1,416 1,487 2,000 2,106 2,209 2,320 2,407 2,528 47 1,147 1,207 1,266 1,329 1,395 1,465 1,951 2,053 2,153 2,259 2,371 2,491 46 1,147 1,207 1,266 1,329 1,395 1,465 1,951 2,053 2,153 2,259 2,371 2,491 45 1,119 1,177 1,239 1,297 1,355 1,422 1,901 2,001 2,106 2,203 2,304 2,419 42 1,078 1,135 1,192 1,250 1,316 1,382 1,834 1,930 2,026 2,126 2,238 2,350 41 1,049 1,104 1,160 1,213 1,270 1,334 1,783 1,877 1,971 2,063 2,159 2,267 40 1,044 1,099 1,155 1,208 1,265 1,329 1,776 1,869 1,963 2,055 2,151 2,258 38 1,009 1,062 1,117 1,168 1,221 1,281 1,715 1,806 1,897 1,985 2,074 2,178 37 1,003 1,056 1,110 1,162 1,214 1,275 1,705 1,795 1,887 1,976 2,065 2,168 35 969 1,020 1,071 1,124 1,179 1,239 1,647 1,733 1,821 1,911 2,005 2,105 34 951 1,001 1,053 1,104 1,174 1,233 1,616 1,702 1,789 1,877 1,995 2,095 33 936 985 1,035 1,086 1,141 1,198 1,591 1,675 1,760 1,847 1,941 2,037 31 905 953 1,003 1,055 1,110 1,166 1,539 1,619 1,706 1,793 1,887 1,982 29 881 927 977 1,010 1,084 1,138 1,498 1,576 1,662 1,718 1,842 1,933 27 856 901 952 980 1,059 1,111 1,455 1,532 1,617 1,666 1,799 1,890 26 845 889 938 963 1,045 1,097 1,436 1,511 1,595 1,638 1,777 1,865 25 820 862 913 931 1,020 1,071 1,394 1,467 1,552 1,583 1,733 1,820 23 780 821 860 898 949 997 1,325 1,395 1,462 1,529 1,613 1,694 22 768 809 848 882 936 983 1,306 1,374 1,442 1,500 1,590 1,670 21 756 795 835 867 924 970 1,284 1,351 1,420 1,474 1,570 1,649
9507300
