Ponse en coñecemento de tódolos interesados na concentración parcelaria da zona de Serantes (Laxe-A Coruña), declarada de utilidade pública e de urxente execución polo Decreto 542/1990, do 20 de decembro (DOG nº 5, do 8 de xaneiro de 1991) os extremos seguintes:
Primeiro.-O acordo de concentración parcelaria da zona de Serantes (Laxe-A Coruña) foi aprobado pola Dirección Xeral de Estructuras e Desenvolvemento Rural con data do 7 de agosto de 1995, unha vez modificado o proxecto á vista do resultado da enquisa deste último.
Segundo.-O acordo de concentración, estará exposto ó público no Concello de Laxe e nos lugares de costume da parroquia durante trinta días hábiles, contados desde o seguinte ó da derradeira publicación desta resolución no Diario Oficial de Galicia e no BOP.
Terceiro.-No citado prazo de trinta días, cabe interpoñer recurso de alzada perante o conselleiro de Agricultura, Gandería e Montes, e poderán os recorrentes presenta-lo recurso na Xefatura do Servicio de Estructuras e Desenvolvemento Rural (edificio administrativo de Monelos, s/n, 6ª planta, A Coruña), nas oficinas centrais da consellería (San Caetano, s/n, Santiago de Compostela) ou en calquera das dependencias ás que fai referencia o artigo 38.4º da Lei de réxime xurídico das administracións públicas e do procedemento administrativo común, expresando no escrito un domicilio dentro do concello para facerlle as notificacións que procedan.
Notifícase, por último, que o acordo de concentración parcelaria só poderá ser obxecto de recurso de alzada se se infrinxen as formalidades prescritas para a súa elaboración e publicación ou se non se axustase ás bases, segundo preceptúan os artigos 40 e 41 da Lei 10/1985, do 14 de agosto, de concentración parcelaria para Galicia.
A Coruña, 18 de setembro de 1995.
Rogelio del Valle Muñoz-Cobo
Xefe do Servicio de Estructuras e Desenvolvemento Rural da Coruña
95-07113