O Real decreto 986/1991, do 14 de xuño, polo que se aproba o calendario de aplicación da nova ordenación do sistema educativo, establece no artigo 21.1º que as administracións educativas poderán dispoñe-la implantación da educación secundaria obrigatoria nun número determinado de centros, con anterioridade ós prazos previstos no mencionado real decreto.
Esta consellería, de conformidade co artigo 21.1º do Real decreto 986/1991, do 14 de xuño, co Decreto 78/1993, do 25 de febreiro (DOG do 2 de abril), polo que se establece o currículo da educación secundaria obrigatoria na Comunidade Autónoma de Galicia e coa Orde do 25 de abril de 1994 (DOG do 12 de maio) sobre avaliación na devandita etapa,
DISPÓN:
Primeiro.-Autoriza-la implantación do segundo ciclo da educación secundaria obrigatoria, a partir do curso académico 1995/1996, nos seguintes centros:
-Provincia: A Coruña.
1. I.E.S. de Pontedeume.
2. I.E.S. de Porto do Son.
3. I.E.S. de Frións-Ribeira.
-Provincia : Lugo.
4. I.E.S. da Fonsagrada.
-Provincia: Pontevedra.
5. I.E.S. de Mos.
6. I.E.S. de Poio.
Segundo.- Autorízase a Dirección Xeral de Ordenación Educativa e Centros para adopta-las medidas precisas para a execución da presente orde.
Santiago de Compostela, 13 de setembro de 1995.
Juan Piñeiro Permuy
Conselleiro de Educación e Ordenación Universitaria
9506760