A Consellería de Cultura por Resolución do 24 de xaneiro de 1995 (DOG do 9 de febreiro) incoou expe
diente para a declaración de ben de interese cultural con categoría de monumento histórico artístico a favor do templo da Vera Cruz, no concello de Carballiño (Ourense).
A tramitación do mencionado expediente levouse a cabo de acordo co establecido na Lei 16/1985, do 25 de xuño, do patrimonio histórico e co artigo 2,
punto 1º, parágrafo 2, do Real decreto 64/1994, do 21 de xaneiro, que modifica o Real decreto 111/l986, do 10 de xaneiro, de desenvolvemento da Lei de patrimonio histórico, e do Decreto 430/1991, do 30 de decembro, (DOG do 22 de xaneiro de 1992) da Consellería de Cultura.
Tendo en conta o establecido no artigo 8 do Decreto 430/1991, do 30 de decembro, e por proposta do Conselleiro de Cultura, logo de deliberación do Consello da Xunta de Galicia, na súa reunión do día cinco de outubro de mil novecentos noventa e cinco,
DISPOÑO:
Artigo lº.
Declarar ben de interese cultural con categoría de monumento histórico artístico a favor do templo da Vera Cruz, no concello de Carballiño (Ourense).
Artigo 2º.
A zona afectada pola declaración é a comprendida na delimitación que consta no anexo I e no plano do anexo II.
Artigo 3º.
O presente decreto será notificado ó Rexistro de Bens de Interese Cultural de Galicia e ó rexistro xeral do Ministerio de Cultura.
Santiago de Compostela, cinco de outubro de mil novecentos noventa e cinco.
Manuel Fraga Iribarne
Presidente
Víctor Manuel Vázquez Portomeñe
Conselleiro de Cultura
ANEXO I
Cara á rúa Evaristo Vaamonde, as edificacións e soares baleiros que corresponden entre os números 2 e 10, ámbolos dous inclusive, no fondo de 20 metros.
Cara ó lado sur as edificacións con acceso desde a rúa Conde Vallellano nos números 31 a 43, ámbolos dous inclusive, no seu fondo completo.
Cara ó lado SO, a banda de edificación proposta no planeamento, de fondo 15 metros.
Cara ó lado N, unha banda de edificación de 15 metros de fondo segundo o recolle o planeamento.
95-06045