Por Real decreto do 7 de novembro de 1980 (BOE do 10 de decembro) foi declarado ben de interese cultural, con categoría de monumento histórico artístico, a igrexa monasterial de Santiago de Barbadelo, concello de Sarria, Lugo.

Sendo a devandita declaración anterior á entrada en vigor da Lei 16/1985, de 25 de xuño, do patrimonio histórico español, cómpre na actualidade concreta-la delimitación do seu contorno.

En consecuencia e vistos os informes dos servicios técnicos e órganos consultivos, favorables á incoación do expediente para a declaración da delimitación do contorno da igrexa monasterial de Santiago de Barbadelo, concello de Sarria, Lugo, esta dirección xeral,

RESOLVE:

Primeiro.-Ter por incoado expediente para declaración da delimitación do contorno da igrexa monasterial de Santiago de Barbadelo, Sarria, Lugo.

Protexer este monumento e a zona afectada pola incoación, resultando a súa delimitación a seguinte:

O punto 1 da liña de delimitación do contorno da igrexa monasterial de Santiago de Barbadelo queda definido no eixo da estrada entre Vilei e Rente no seu cruzamento co vial de acceso ó lugar de Loureiro.

Este punto únese co 2, seguindo o eixo do vial antes mencionado en Loureiro.

Continúa a delimitación en dirección oeste polos lindes sur das parcelas catastrais 557-a, 557, 556, 555, 549, 548 e 547 ata chegar ó punto 3, situado no cruzamento entre o vial de acceso ó lugar de San Silvestre e a estrada de Vilei a Rente.

Seguindo o eixo desta estrada, en dirección oeste, ata o lugar de Rente, atópase o punto 4.

A liña continúa, en dirección sur, coincidindo co eixo dun camiño sen pavimentar, ata o punto 5, situado no lugar de Devesa. As edificacións que existen aquí inclúense dentro da delimitación.

Seguindo o camiño que une Devesa con Mosteiro atópase o punto 6.

A partir deste, tomando dirección sueste, percorre o linde entre as parcelas catastrais 349-c e 349-d, o linde sur da parcela 349-c e o oeste da 349-g, continuando polo sur das 717, 928, 165, 164, 166, 167, 667, 668, 669 e 665, ata chegar ó punto 7, situado no eixo do camiño que une Mosteiro con Surriba.

Continúa en dirección leste por camiño ata o punto 8, onde cambia (seguindo o vial) de dirección cara o norte ata o punto 9.

A partir deste punto, a liña segue polo linde leste das parcelas catastrais 752, 750, 751, 753 e o norte da 759, ata chegar de novo á estrada de acceso a Surriba, continuando polo eixo da estrada ata pecharse no punto 1.

Segundo.-Segui-la tramitación do expediente segundo as disposicións vixentes.

Terceiro.-Dar traslado da resolución ó alcalde de Sarria e notificarlle que o outorgamento das novas licencias de obras, e a execución das xa concedidas, antes de incoarse o expediente, precisarán resolución

favorable da Dirección Xeral do Patrimonio Histórico e Documental.

Cuarto.-Notificarlle a presente resolución ó bispado de Lugo, ó Rexistro de Bens de Interese Cultural do Ministerio de Cultura e ó Rexistro de Bens de Interese Cultural de Galicia.

Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información pública de 10 días hábiles, contados a partir do día seguinte ó da súa publicación no Diario Oficial de Galicia.

Santiago de Compostela, 18 de setembro de 1995.

Ángel Sicart Giménez

Director xeral de Patrimonio Histórico e Documental

95-06489