Visto o texto do convenio colectivo da empresa Hijos de Ignacio Tabarés, S.L., (código nº 3200492) de Ourense para o ano 1995, con entrada nesta delegación provincial o día 27 de xullo do ano en curso, subscrito en representación da parte económica pola empresa e da parte social polo comité de empresa, en xuntanza celebrada o día 14 de xullo de 1995,
e de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, obrante nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación desta delegación.
Terceiro.-Dispoñe-la súa publicación no Diario Oficial de Galicia e no BOP.
Ourense, 4 de agosto de 1995.
Manuel A. Cao Fernández
Delegado provincial Acctal. de Ourense
Convenio colectivo da empresa Hijos de Ignacio Tabarés, S.L.
Artigo 1º.-Partes contratantes.
Subscriben o presente convenio a totalidade dos representantes de persoal e a patronal da compañía Hijos de Ignacio Tabarés, S.L., ambas con lexitimidade suficiente para a súa sinatura nos termos do artigo 87 do Estatuto dos traballadores.
Artigo 2º.-Ámbito de aplicación:
Nos seus aspectos territorial, funcional e persoal o presente convenio afectará á empresa Hijos de Ignacio Tabarés, S.L. e, así mesmo, ás relacións laborais entre a empresa e os traballadores que nela presten os seus servicios, en calquera dos seus centros de traballo.
Artigo 3º.-Vixencia.
O presente convenio entra en vigor o día 1 de xullo de 1995 con independencia da data do seu rexistro ou publicación no BOP.
Artigo 4º.-Duración.
O presente convenio durará ata o 31 de xuño de 1996. Prorrogarase automaticamente por un período de un ano se non é denunciado por algunha das partes cunha anticipación de polo menos sesenta días á data do seu vencemento.
Artigo 5º.-Compensación e absorción.
As condicións que establece o presente convenio son compensables e absorbibles en cómputo anual conforme a lexislación vixente, respectándose en todo caso as situación persoais que, a modo de complementos varios, viñesen percibindo os traballadores á entrada en vigor do presente convenio, conxelándose
a contía e concepto e consolidándose na estructura do salario.
Artigo 6º.-Xornada laboral.
Será de corenta horas semanais distribuída de luns a sábado.
Artigo 7º.-Vacacións.
O persoal afectado polo presente convenio desfrutará un período anual de vacacións de trinta días naturais. O período de desfrute fixarase de común acordo entre a empresa e os traballadores, conforme dispón a lexislación vixente. Como consecuencia da actividade productiva da empresa, queda establecido que en ningún caso os traballadores poderán desfrutar vacacións nos meses de xullo, agosto e decembro.
Artigo 8º.-Condicións económicas.
Os salarios do presente convenio son os establecidos na táboa salarial anexa.
Artigo 9º.-Antigüidade.
O persoal comprendido no presente convenio percibirá aumentos periódicos por anos de servicio consistentes no aboamento de cuadrienios na contía do 5% do salario base correspondente á categoría en que se encontre clasificado.
Artigo 10º.-Gratificacións extraordinarias.
Todo o persoal afectado polo presente convenio percibirá tres pagas extraordinarias consistentes nunha mensualidade de salario base máis a antigüidade. As ditas pagas serán aboadas:
a) Paga de verán: dentro da segunda quincena de xullo
b) Paga de nadal: dentro dos primeiros vintedous días de decembro
c) Paga de beneficios: dentro da segunda quincena de marzo
Artigo 11º.-Plus de transporte.
Tódolos traballadores percibirán un plus de transporte de 7.500 pesetas mensuais aplicándose a dita cantidade por doce mensualidades.
Artigo 12º.-Período de proba.
Establécese un período de proba para tódolos traballadores contratados durante a vixencia do presente convenio, que será o seguinte:
-Grupos de tarifa 1 e 2: 6 meses.
-Grupos de tarifa 3 a 8: 3 meses.
-Grupos de tarifa 8 e seguintes: 15 días laborais.
Artigo 13º.-Mobilidade funcional.
A mobilidade funcional no seo da empresa non terá outras limitacións que as esixidas polas titulacións académicas ou profesionais precisas para exerce-la prestación laboral e pola pertenza ó grupo profesional.
Para estes efectos entenderanse como grupos prefesionais asimilados os 6, 7 e 8.
Artigo 14º.-Mobilidade xeográfica.
Desprazamento: a empresa poderá despraza-lo seu persoal a outros centros de traballo distintos a aquel no que presten os seus servicios durante calquera prazo de tempo, fundamentando o citado desprazamento en razóns técnicas, organizativas, de producción ou ben por contratacións referidas á actividade empresarial.
Traslado: enténdese por traslado o desprazamento a outro centro de traballo que implique un cambio de domicilio. Enténdese que un desprazamento implica cambio de domicilio cando o centro de traballo do novo destino diste máis de sesenta quilómetros do seu centro actual ou do seu domicilio actual.
Artigo 15º.-Comisión paritaria.
Establécese unha comisión paritaria para a interpretación, vixilancia e cumprimento do pactado no convenio formada por catro membros, dous da parte empresarial e dous dos traballadores.
Artigo 16º.-Disposicións transitorias.
No non previsto no presente convenio aplicarase o que dispoña a lexislación vixente.
Artigo 17º.-Disposición derradeira.
Acórdase que a comisión paritaria a que alude o artigo 15 quede formada por Igancio Tabarés González e César Rodríguez Álvarez pola empresa e polos traballadores, Fernando Rodríguez Pérez e Antonio Pereira Corral.
ANEXO
TÁBOA SALARIAL
Categoría profesional Salario base mensual
Grupo 1:
Director xerente99.000
Grupo 2:
Xefe de administración92.000
Xefe de compras92.000
Xefe de vendas92.000
Supervisor92.000
Grupo 3:
Xefe de almacén81.000
Encargado de establecemento81.000
Grupo 4:
Viaxante77.000
Oficial administrativo77.000
Analista77.000
Grupo 5:
Chofer75.000
Grupo 6:
Auxiliar administrativo72.000
Auxiliar ordenador72.000
Auxiliar contabilidade72.000
Mozo especialista72.000
Grupo 7:
Dependente71.000
Mozo supermercado71.000
Auxiliar caixa-repoñedor71.000
Auxiliar caixa-dependente71.000
Mozo-auxiliar chofer71.000
Grupo 8:
Telefonista68.000
Mozo reparto68.000
Mozo repoñedor68.000
Persoal limpeza68.000
95-05804