De conformidade co establecido no Decreto 261/1994, do 29 de xullo (DOG nº 158, do 17 de agosto), polo que se modifica a estructura orgánica dos servicios centrais da Secretaría Xeral para o Turismo e segundo o disposto no artigo 27.2º da Lei 4/1988, do 26 de maio, reformada pola Lei 3/1995, do 10 de abril, da función pública de Galicia, e no uso das atribucións conferidas polo artigo 15.4º da mesma lei, esta consellería,

DISPÓN:

Primeiro.-Anuncia-la convocatoria para cubrir, polo sistema de libre designación, o posto de traballo que se relaciona no anexo I desta orde.

Segundo.-Poderán concorrer a ela tódolos funcionarios que reúnan os requisitos que se esixen e se epecifican no anexo I.

Terceiro.-As solicitudes para participar nesta convocatoria presentaranse no rexistro xeral da Consellería da Presidencia e Administración Pública ou en calquera das oficinas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. O prazo para a presentación das instancias será de quince días hábiles, contados a partir do día seguinte ó da publicación desta orde no Diario Oficial de Galicia. O modelo de solicitude sinálase no anexo II.

Cuarto.-Os aspirantes deberán unir á súa solicitude un currículum vitae e xustificar mediante certificación ou copia compulsada os méritos que aleguen.

Quinto.-O nomeamento dos funcionarios con destino definitivo noutra Administración pública ou que presten os seus servicios na Comunidade Autónoma como consecuencia dunha comisión de servicios concedida conforme o disposto na disposición transitoria oitava, punto 4º da Lei 30/1984, do 2 de agosto, que resultasen seleccionados para ocupa-los postos de traballo anunciados, estarán condicionados a que a súa Administración emita informe favorable sobre eles, conforme o previsto no Real decreto 28/1990, do 15 de xaneiro, e demais disposicións concordantes.

Sexto.-A resolución desta convocatoria farase pública no DOG e poderase declarar deserto o posto de traballo que se relaciona no anexo I, de considerarse oportuno.

Sétimo.-O prazo de toma de posesión será de tres días se o destino anterior estivera na mesma localidade, ou de un mes se estivera en localidade distinta ou levase consigo o reingreso ó servicio activo.

O prazo de toma de posesión comezará a contarse o día seguinte ó do seu cesamento que deberá producirse dentro dos tres días seguintes ó da publicación no DOG ou desde a data en que se lle comunique a resolución do traslado á Comunidade Autónoma, para o caso dos funcionarios doutras administracións públicas.

Si a resolución comporta o reingreso ó servicio activo, o prazo de toma de posesión comezará a contar desde a data seguinte ó da publicación da resolución.

Oitavo.-Contra a presente orde, que esgota a vía administrativa, poderase interpoñer recurso contencioso-administrativo previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia no prazo de dous meses, a partir da súa publicación, despois de comunicalo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 3 de agosto de 1995.

Dositeo Rodríguez Rodríguez

Conselleiro da Presidencia e Administración Pública

ANEXO I

Código: PRP050000015770001.

Denominación do posto: secretaría dirección.

Centro directivo: Secretaría Xeral para o Turismo.

Localidade: Santiago de Compostela.

Corpo ou escala: Administración xeral.

Grupo: D.

Nivel: 18.

Específico: 506.772.

6129