Nesta delegación provincial séguese expediente sancionador número de referencia P-1/1995, contra José García Diéguez e a entidade Complejo Educativo, S.A., por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de iniciación e máis do prego de cargos, por resultar descoñecido o domicilio da entidade Complejo Educativo, S.A.

Acordo apertura.

O director xeral de Xustiza e Interior, por delegación do conselleiro de Xustiza, Interior e Relacións Laborais, con data do 3 de febreiro de 1995, adoptou o seguinte acordo:

1. Incoar expediente sancionador, conforme o establecido na Lei das cortes xerais 34/1987, do 26 de decembro, de potestade sancionadora da Administración pública en materia de xogos de sorte, envite ou azar:

-Á empresa que resulte titular da máquina.

-Ó titular do establecemento José García Diéguez.

2. Nomear instructora e secretaria deste a María Jesús Padín García e Clara Eugenia García Bermúdez, respectivamente.

3. Adoptar como medida provisional e confirmación do precinto e comiso da máquina mini tómbola.

Prego de cargos.

1. Te-la empresa Complejo Educativo, S.A. instalada no establecemento denominado Mesón Conejo Blanco,

sito na rúa Travesía de Vigo, 194, do concello de Vigo, do que é titular José García Diéguez, unha máquina recreativa tipo B non homologada das coñecidas como mini tómbola tradicional. A devandita máquina carece de tódalas autorizacións legalmente previstas.

2. Tales feitos poderían constituír infracción moi grave tipificada no artigo 28, alínea a) da Lei 14/1985, do 23 de outubro, (reguladora dos xogos e apostas de Galicia), modificada pola Lei 7/1991, do 19 de xuño (de tributación sobre o xogo).

O que se comunica de acordo co artigo 7 da Lei das cortes xerais 34/1987, do 26 de decembro, de potestade sancionadora da Administración pública en materia de xogos de sorte, envite e azar; o interesado disporá dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente.

Pontevedra, 7 de xullo de 1995.

María Jesús Padín García

Instructora

9505437