Nesta delegación provincial séguese expediente sancionador número de referencia P-44/1994, contra Evaristo Fernández Cernadas e a entidade Complejo Educativo, S.A., por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de iniciación e máis do prego de cargos, por resultar descoñecido o domicilio da entidade Complejo Educativo, S.A.
Acordo apertura.
O director xeral de Xustiza e Interior, por delegación do conselleiro de Xustiza, Interior e Relacións Laborais, con data do 25 de outubro de 1994, adoptou o seguinte acordo:
1. Incoar expediente sancionador, conforme o establecido na Lei das cortes xerais 34/1987, do 26 de decembro, de potestade sancionadora da Administración pública en materia de xogos de sorte, envite ou azar:
-Á empresa operadora ou persoa que resulte titular da máquina.
-Ó titular do establecemento denominado Alcázar.
2. Nomear instructor e secretaria deste a José María Picallo Búa e Clara Eugenia García Bermúdez, respectivamente.
3. Dispoñer como medida provisional o precinto e comiso da denunciada tipo B, por carecer de tódalas autorizacións legalmente previstas.
Así mesmo, con data 23 de decembro de 1994, acorda nomear instructor e secretario deste expediente sancionador, con efectos a partir desta data, a María Jesús Padín García e Clara Eugenia García Bermúdez, respectivamente.
Prego de cargos.
1. Te-la empresa Complejo Educativo, S.A. instalada no establecemento denominado Bar Alcázar, sito na rúa Nicaragua, 40, do concello de Vigo, do que é titular Evaristo Fernández Cernadas, unha máquina recreativa tipo B non homologada. A devandita máqui
na carece de tódalas autorizacións legalmente previstas.
2. Tales feitos poderían constituír infracción moi grave tipificada no artigo 28, alínea a) da Lei 14/1985, do 23 de outubro, (reguladora dos xogos e apostas de Galicia), modificada pola Lei 7/1991, do 19 de xuño (de tributación sobre o xogo).
O que se comunica de acordo co artigo 7 da Lei das cortes xerais 34/1987, do 26 de decembro, de potestade sancionadora da Administración pública en materia de xogos de sorte, envite e azar; o interesado disporá dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente.
Pontevedra, 7 de xullo de 1995.
María Jesús Padín García
Instructora
9505332