Examinado o expediente instruído por instancia de Leonor Marín-Lázaro Angulo, no que solicita autorización definitiva para a apertura e funcionamento do centro privado de educación secundaria Sagrado Corazón de Jesús de Placeres, Pontevedra.
Tendo en conta que o expediente foi tramitado pola Delegación Provincial de Pontevedra, que o remite cos informes da Oficina de Supervisión de Proxectos, Unidades Técnica e Inspección Educativa.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centro docentes privados para impartir ensinanzas de réxime xeral non universitarias e demais disposicións complementarias.
Considerando que concorren neste expediente os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Ordenación Educativa e Centros,
DISPÓN:
Primeiro.-Autoriza-la apertura e funcionamento do centro de educación secundaria Sagrado Corazón de Jesús de Placeres, Pontevedra, e, como consecuencia disto, establece-la configuración definitiva dos centros existentes no mesmo edificio ou recinto escolar, segundo se especifica no anexo.
Segundo.-A presente autorización producirá efectos progresivamente, a medida que se implanten as ensinanzas autorizadas de acordo co calendario de aplicación da nova ordenación do sistema educativo, segundo os reais decretos 986/1991, do 14 de xuño e 1487/1994, do 1 de xullo.
Terceiro.-Antes do inicio das ensinanzas de educación secundaria obrigatoria que se autorizan, a delegación provincial, logo de informe da Inspección Educativa, aprobará expresamente a relación de persoal que impartirá docencia no mencionado centro.
Cuarto.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos sinalados na presente orde.
Santiago de Compostela, 1 de xuño de 1995.
Juan Piñeiro Permuy
Conselleiro de Educación e Ordenación Universitaria
ANEXO
Provincia: Pontevedra.
Municipio: Pontevedra.
Localidad: Placeres.
Domicilio: Placeres s/n.
Denominación específica: Sagrado Corazón de Jesús.
Titular: congregación de Relixiosas do Sagrado Corazón.
Composición resultante:
a) Centro de educación infantil: 4 unidades de 2º ciclo.
b) Centro de educación primaria: 12 unidades.
c) Centro educación especial: 5 unidades.
d) Centro de educación secundaria: 8 unidades de educación secundaria obligatoria.
4326