A disposición derradeira primeira do Decreto 170/1995, do 3 de xuño, que regula a concesión de axudas ás familias numerosas para adquisición de vivenda familiar, faculta o conselleiro de Política Territorial, Obras Públicas e Vivenda para dictar, no marco das súas competencias, as disposicións necesarias para o seu desenvolvemento. Na súa virtude,
DISPOÑO:
Artigo 1º.-Baremo de puntuación.
Para os efectos do disposto no artigo 4º do Decreto 170/1995, do 3 de xuño, establécese o seguinte baremo de puntuación:
1. Nº de fillosPuntos
32
44
56
68
710
812
914
10 ou máis16
2. Ingresos familiares ponderados
en nº de veces o salario mínimo
interprofesionalPuntos
De 4,5 ata 5,51
De 3,5 ata 4,52
De 2,5 ata 3,54
De 1,5 ata 2,56
De 0 ata 1,58
Por ingresos familiares enténdese a contía da base ou das bases impoñibles dos membros integrantes da familia segundo a declaración do IRPF correspondente ó derradeiro exercicio económico no que xa vencera o prazo de presentación de declaracións en período voluntario.
Por ingresos familiares ponderados enténdese o resultado de lles aplicar ós ingresos familiares o correspondente coeficiente de ponderación, segundo a seguinte fórmula:
Ingresos familiares ponderados = ingresos familiares x coeficiente de ponderación.
Aplicaranse os seguintes coeficientes de ponderación en función do número de fillos no momento da presentación da solicitude:
1. Número de fillos Coeficiente de ponderación
30,90
40,85
50,80
60,75
70,70
80,65
9 ou máis0,60
3. Cada membro da familia
numerosa en situación dePuntos
* Incapacidade permanente parcial1
* Incapacidade permanente total2
* Incapacidade permanente absoluta3
* Gran invalidez 4
4. Familia monoparental2 puntos
Artigo 2º.-Contía das subvencións.
Para os efectos do establecido no artigo 4 do Decreto 170/1995, do 3 de xuño, as contías das subvencións a fondo perdido serán as seguintes:
-Para as solicitudes que obteñan resolución aprobatoria cun mínimo de dous puntos, a subvención será de 800.000 ptas (oitocentas mil pesetas).
-Para as que obteñan resolución aprobatoria con máis de dous puntos, cada punto máis implicará unha subvención adicional de 100.000 ptas (cen mil pesetas).
Artigo 3º.-Solicitudes.
Para efectos do disposto no artigo 5 do Decreto 170/1995 do 3 de xuño:
1. O modelo de solicitude é o que figura no anexo da presente disposición.
2. Xunto coas solicitudes presentarase a seguinte documentación:
-DNI/NIF do solicitante.
-Título de familia numerosa expedido pola Consellería de Familia, Muller e Xuventude.
-Acreditación do nivel de minusvalidez, de se-lo caso.
-Acreditación, se é o caso, da condición de familia monoparental.
-Documento público ou certificación rexistral nos que conste a identificación, características e titularidade da vivenda obxecto das axudas.
-Xustificación do número de m útiles, por cada membro da familia numerosa, de que dispoña a vivenda obxecto das axudas.
-Declaración xurada de que ningún membro da familia é propietario de ningunha outra vivenda na Comunidade Autónoma, nin titular dun dereito real
de uso ou desfrute sobre ela, ou, de se-lo caso, xustificación de que a vivenda ten unha superficie insuficiente ou unha configuración, distribución, emprazamento, ou accesos inadecuados segundo o disposto no artigo 3 do Decreto 170/1995.
-Acreditación da composición familiar mediante copia da declaración da renda das persoas físicas correspondente ó derradeiro exercicio económico no que xa vencera o prazo de presentación de declaracións en período voluntario.
-Certificado da delegación de Facenda da contía da base ou bases impoñibles do IRPF correspondente ó derradeiro exercicio económico no que xa vencera o prazo de presentación de declaracións en período voluntario.
3. O prazo de presentación das solicitudes será de dous meses a partir da entrada en vigor da presente orde.
Artigo 4º.-Aplicación orzamentaria.
Estas axudas financiaranse con cargo á aplicación orzamentaria 06.50.331A.786 dos orzamentos xerais da Comunidade Autónoma para 1995.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 21 de xuño de 1995.
José Cuíña Crespo
Conselleiro de Política Territorial, Obras Públicas y Vivienda
DOCUMENTOS QUE DEBEN ACOMPAÑA-LA SOLICITUDE:
-DNI/NIF do solicitante.
-Título de familia numerosa expedido pola Consellería de Familia, Muller e Xuventude.
-Acreditación do nivel de minusvalidez, de se-lo caso.
-Acreditación, se é o caso, da condición de familia monoparental.
-Documento público ou certificación rexistral nos que conste a identificación, características e titularidade da vivenda obxecto das axudas.
-Xustificación do número de m útiles, por cada membro da familia numerosa, de que dispoña a vivenda obxecto das axudas.
-Declaración xurada de que ningún membro da familia é propietario de ningunha outra vivenda na Comunidade Autónoma, nin titular dun dereito real de uso ou desfrute sobre ela, ou, de se-lo caso, xustificación de que a vivenda ten unha superficie insuficiente ou unha configuración, distribución, emprazamento, ou acceso inadecuados segundo o disposto no artigo 3 do Decreto 170/1995.
-Acreditación da composición familiar mediante copia da declaración da renda das persoas físicas correspondente ó derradeiro exercicio económico no que xa vencera o prazo de presentación de declaracións en período voluntario.
-Certificado da delegación de Facenda da contía da base ou bases impoñibles do IRPF correspondente ó derradeiro exercicio económico no que xa vencera o prazo de presentación de declaracións en período voluntario.
4703
