No Boletín Oficial da provincia de Pontevedra número 151, do 5 de agosto de 2024, publicáronse as bases da convocatoria de promoción interna (DT2ª RDL 5/2015, do 30 de outubro, TRLEBEP, e DA 17ª da LEPG) de 12 postos de traballo de persoal laboral fixo da Deputación Provincial de Pontevedra.
O número de prazas, a súa denominación e as características relaciónanse a continuación:
– Catro prazas de axudante/a de educación, encadradas na escala de Administración especial, subescala técnica, clase técnico/a medio, integradas no grupo A2.
– Dúas prazas de técnico/a auxiliar de biblioteca, encadradas na escala de Administración especial, subescala técnica, clase técnico auxiliar, integradas no grupo C1.
– Unha praza de técnico/a de mantemento, encadrada na escala de Administración especial, subescala técnica, clase técnico medio, integrada no grupo A2.
– Dúas prazas de auxiliar de atención ao público, encadradas na escala de Administración especial, subescala servizos especiais, clase labores especiais, integradas no grupo C2.
– Tres prazas de auxiliar de administración xeral, encadradas na escala da Administración xeral, subescala auxiliar, integradas no grupo C2.
O prazo de presentación de solicitudes e demais documentación será de 20 días naturais contados a partir do día seguinte ao da publicación deste extracto.
Os sucesivos anuncios referentes a esta convocatoria, cando procedan de conformidade coas bases, faranse públicos no Boletín Oficial da provincia de Pontevedra e na sede electrónica.
Pontevedra, 6 de agosto de 2024
O presidente da Deputación de Pontevedra
P.D. (Delegación efectuada pola R.P. nº 2024005761, do 10.7.2024)
Jesús Vázquez Almuíña
Deputado delegado de Asistencia aos Concellos,
Transparencia e Administración Xeral