A Xunta de Goberno Local do Concello de Vigo, na sesión ordinaria do 21 de xuño de 2024, adoptou o seguinte acordo:

«Primeiro. Prestar aprobación definitiva ao Proxecto da senda fluvial no río Lagares, pola marxe dereita do río Lagares desde a estrada de Moledo ata a conexión co sendeiro existente (polígono de Miraflores-Vigo), documentación técnica presentada no Rexistro electrónico da Xerencia Municipal de Urbanismo con data do 5.5.2023 (DOC. NÚM.: 230123203 e CÓD. SOL.:W905069-1117), redactada pola entidade Fulcrum, Planificación, Análisis y Proyecto, S.A.U., con data de xaneiro de 2023, e asinada con data do 4 de maio de 2023, con sinatura dixital válida, pola enxeñeira de Camiños, Canais e Portos M. C. R., e o enxeñeiro técnico en topografía J. L. Ll. C.

Segundo. Ordenar a publicación deste acordo no Diario Oficial de Galicia.

Terceiro. O contido íntegro do proxecto aprobado definitivamente estará dispoñible no seguinte enderezo electrónico https://hoxe.vigo.org/movemonos/urbanismo_pxom2.php?lang=gal#/, na epígrafe de Planeamento de Desenvolvemento en tramitación, e no Portal de transparencia.

Cuarto. Contra este acordo, que pon fin á vía administrativa, poderá interpoñerse recurso potestativo de reposición, no prazo dun mes desde o día seguinte ao da súa notificación ou publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous (2) meses contados desde o día seguinte ao da publicación desta resolución no Diario oficial de Galicia, de conformidade co establecido nos artigos 10,14 e 46.1 da Lei 29/1998, do 13 de xullo, reguladora da xurisdición contencioso-administrativa.

Para os efectos de dar cumprimento ao punto terceiro da parte dispositiva deste acordo, a documentación íntegra aprobada definitivamente poderá consultarse na seguinte ligazón:

https://hoxe.vigo.org/movemonos/urbanismo_infra.php?lang=gal (modifícase a ligazón con respecto á indicada no acordo adoptado, por entender que esta nova localización resultará moito máis intuitiva para os/as cidadáns/ás que queiran consultar este tipo de proxectos).

Ante a eventualidade de que poidan existir interesados descoñecidos neste procedemento, se ignore o lugar de notificación ou ben, intentada esta, non se puidese efectuar, a publicación deste anuncio servirá de notificación co alcance e coa finalidade previstos no artigo 44 da Lei 39/2015, do 1 de outubro, do procedemento administrativo común das administracións públicas, sen prexuízo da preceptiva publicación no Boletín Oficial del Estado.

Vigo, 28 de xuño 2024

O alcalde
P.D. (Resolución do 4.7.2023)
María José Caride Estévez
Concelleira delegada da Área de Goberno de Urbanismo e Vivenda