Con data do 8 de xaneiro de 2024, publicouse no Diario Oficial de Galicia número 5, a Resolución do 29 de novembro de 2023 pola que se establecen as bases reguladoras e a convocatoria de subvencións, en réxime de concorrencia competitiva, das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, parcialmente cofinanciadas pola Unión Europea no marco do programa FSE+ Galicia 2021-2027, para o ano 2024 (códigos de procedemento SI436A, SI435A e SI427B).

Con data do 2 de maio de 2024, publicouse no Diario Oficial de Galicia número 86 a Resolución do 22 de abril de 2024, da Secretaría Xeral da Igualdade, pola que se resolven as subvencións previstas na Resolución do 29 de novembro de 2023, e publicouse no anexo II a lista de espera das solicitudes susceptibles de axuda para ser atendidas no caso de quedar crédito libre por producirse algunha renuncia ou ben por ampliación do crédito inicialmente dispoñible segundo o especificado no artigo 2.3 das bases reguladoras.

O 28 de xuño de 2024, publicouse no Diario Oficial de Galicia número 125 a Orde do 24 de xuño de 2024 pola que se publica o incremento da dotación orzamentaria da Resolución do 29 de novembro de 2023, destinado á liña de subvencións Plan Corresponsables no ámbito local (código de procedemento SI436A).

En virtude do dito incremento, con data do 10 de xullo de 2024 emitiuse resolución de concesión de subvencións destinadas aos concellos da lista de espera do programa do Plan Corresponsables no ámbito local.

Segundo o artigo 17.3 das bases reguladoras, por tratarse dun procedemento de concorrencia competitiva, e de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, as resolucións destas subvencións serán obxecto de publicación no Diario Oficial de Galicia, a cal producirá os mesmos efectos da notificación.

Polo exposto,

RESOLVO:

Ordenar a publicación da Resolución do 10 de xullo de 2024 de concesión de subvencións aos concellos da lista de espera do programa do Plan Corresponsables no ámbito local, en virtude da Orde do 24 de xuño de 2024 pola que se publica o incremento da dotación orzamentaria da Resolución do 29 de novembro de 2023, da Secretaría Xeral da Igualdade, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, parcialmente cofinanciadas pola Unión Europea no marco do programa FSE+ Galicia 2021-2027, e se procede á súa convocatoria para o ano 2024 (códigos de procedemento SI436A, SI435A e SI427B), e que figura no anexo a esta resolución.

Santiago de Compostela, 11 de xullo de 2024

María Quintiana Pérez
Directora xeral de Promoción da Igualdade

ANEXO

Resolución do 10 de xullo de 2024 de concesión de subvencións ás entidades locais da Comunidade Autónoma de Galicia da lista de espera do programa do Plan Corresponsables no ámbito local, en virtude da Orde do 24 de xuño de 2024 pola que se publica o incremento da dotación orzamentaria da Resolución do 29 de novembro de 2023, da Secretaría Xeral da Igualdade, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, parcialmente cofinanciadas pola Unión Europea no marco do programa FSE+ Galicia 2021-2027, e se procede á súa convocatoria para o ano 2024 (códigos de procedemento SI436A, SI435A e SI427B).

Mediante a Resolución do 29 de novembro de 2023 establecéronse as bases reguladoras e a convocatoria de subvencións, en réxime de concorrencia competitiva, das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, parcialmente cofinanciadas pola Unión Europea no marco do programa FSE+ Galicia 2021 – 2027, para o ano 2024 (códigos de procedemento SI436A, SI435A e SI427B), publicada no Diario Oficial de Galicia número 5, do 8 de xaneiro de 2024.

Estas axudas teñen como finalidade o desenvolvemento de programas, actuacións e medidas para facer efectivo o principio de igualdade de oportunidades entre homes e mulleres, a prevención e o tratamento da violencia de xénero, a conciliación da vida persoal, laboral e familiar, e a participación das mulleres na vida política, económica, social e cultural, así como para consolidar o funcionamento de servizos de atención integral de información e asesoramento ás mulleres no territorio, co fin de lles prestar unha atención e acompañamento de proximidade, psicolóxico, xurídico e de orientación sociolaboral ás mulleres, en particular a aquelas que pertenzan a colectivos en risco de exclusión ou se encontren nalgunha situación de vulnerabilidade, de cara a mellorar a súa situación social, laboral e profesional.

Coa dita finalidade establécense os seguintes programas:

a) Programa do Plan Corresponsables no ámbito local (SI436A).

b) Programa de promoción da igualdade entre mulleres e homes e de prevención e tratamento da violencia de xénero; en diante Programa de promoción da igualdade e prevención da violencia de xénero (SI435A).

c) Programa de apoio aos centros de información á muller (en diante, CIM) (SI427B).

Con data do 2 de maio de 2024, publicouse no Diario Oficial de Galicia número 86 a Resolución do 22 de abril de 2024, da Secretaría Xeral da Igualdade, pola que se resolven as subvencións previstas na Resolución do 29 de novembro de 2023 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, parcialmente cofinanciadas pola Unión Europea no marco do programa FSE+ Galicia 2021-2027, e se procede á súa convocatoria para o ano 2024 (códigos de procedemento SI436A, SI435A e SI427B). No anexo II da Resolución do 22 de abril de 2024 figuran as solicitudes que quedaron na lista de espera, por esgotamento de crédito, segundo a orde de puntuación e que, de ser o caso, poderán ser atendidas a través do crédito que quede sen comprometer de se producir algunha renuncia, por modificación nos proxectos inicialmente presentados ou por un incremento do crédito orzamentario dispoñible destinado a estas subvencións, nos supostos e nas condicións previstas no artigo 30.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia. Para estes efectos, poderán realizarse sucesivas propostas de resolución.

O 28 de xuño de 2024, publicouse no Diario Oficial de Galicia número 125 a Orde do 24 de xuño de 2024 pola que se publica o incremento da dotación orzamentaria da Resolución do 29 de novembro de 2023, e o crédito total dispoñible para atender as axudas previstas no anexo II da Resolución do 29 de novembro de 2023 queda da seguinte maneira:

Programa-procedemento	Aplicación	Cód. proxecto	Importe 2024	Ampliación	Importe 2025	Total
Artigo 1.a)-SI436A	38.07.312G.460.1	2021 00175	6.000.000,00	643.272,60	0,00	6.643.272,60
Artigo 1.b)-SI435A	38.07.313B.460.0	2023 00095	500.000,00	0,00	0,00	500.000,00
Artigo 1.c)-SI427B	38.07.313B.460.0	2015 00144	2.847.899,75	0,00	1.600.000,00	4.447.899,75
			9.347.899,75	643.272,60	1.600.000,00	11.591.172,35

Tendo en conta que se dá o suposto previsto no artigo 2.3 das bases reguladoras, logo da ampliación do crédito destinado a estas axudas, e con base na valoración realizada pola Comisión de Valoración prevista no artigo 15 das bases reguladoras, vista a proposta de resolución formulada polo órgano instrutor, e tendo en conta as dispoñibilidades orzamentarias,

RESOLVO:

Primeiro. Conceder, logo da ampliación do crédito destinado a estas axudas, as subvencións ás entidades locais da Comunidade Autónoma de Galicia da lista de espera, como consecuencia da aplicación dos criterios e pautas de valoración establecidos no artigo 16 das bases reguladoras, pola contía e para o desenvolvemento das actuacións que figuran no anexo I, por un importe total de 641.443,54 euros, na aplicación orzamentaria 38.07.312G.460.1, proxecto de gasto 2021.00175, coa denominación Plan Corresponsables para a promoción da igualdade dirixida a entidades locais da Comunidade Autónoma de Galicia para o ano 2024.

Segundo. As axudas do programa do Plan Corresponsables no ámbito local (SI436A) están financiadas con fondos finalistas do Estado do Plan Corresponsables.

Informar as entidades beneficiarias que figuran no anexo desta resolución de que, de acordo co establecido no artigo 17.4 das bases reguladoras, unha vez notificada a resolución de concesión deberán comunicar, no prazo de dez (10) días, a súa aceptación e comprometerse a executar o programa ou actuación subvencionada no prazo e nas condicións establecidas na convocatoria. No caso de non comunicar o dito aspecto no prazo indicado, entenderase tacitamente aceptada.

Terceiro. Segundo o artigo 3.2 das bases reguladoras, no programa do Plan Corresponsables no ámbito local (SI436A) é posible a concorrencia con calquera outra axuda para o mesmo obxecto e finalidade, pero o seu importe en ningún caso poderá ser de tal contía que, en concorrencia con subvencións e axudas doutras administracións públicas ou doutros entes públicos ou privados, nacionais ou internacionais, supere o custo das accións subvencionadas.

No caso do programa do Plan Corresponsables (SI436A), cando as entidades establecesen o pagamento dunha taxa pola prestación do servizo, deben establecer criterios de renda e ter en conta as cargas familiares nos prezos de acceso ao servizo para as persoas usuarias, tendentes a favorecer a gratuidade e a universalidade das actuacións. Os ingresos obtidos das cotas para o acceso das familias con maiores ingresos económicos deberán reverter no propio Plan Corresponsables e recollerse na xustificación que se vaia presentar; no caso contrario, a dedución farase ou reaxustarase no momento do pagamento final.

Cuarto. De conformidade co artigo 21.2 das bases reguladoras, realizarase un primeiro pagamento do 80 % da contía da subvención concedida, en concepto de pagamento anticipado, que se fará efectivo unha vez notificada a resolución de concesión. O 20 % restante, ou a parte que corresponda, librarase logo da xustificación por parte das entidades beneficiarias do cumprimento da finalidade para a cal se concedeu a subvención e demais condicións exixidas na Resolución do 29 de novembro de 2023.

Quinto. A data límite de presentación da documentación xustificativa da realización do programa subvencionado, de acordo co artigo 20.1.1 das bases reguladoras, finaliza o 11 de outubro de 2024.

Dentro do dito prazo, as entidades beneficiarias deberán presentar a documentación común e a específica correspondente á actuación subvencionada relacionada no artigo 20.3 da convocatoria. De acordo co establecido no artigo 12 das bases reguladoras, a presentación da documentación deberá realizarse electronicamente accedendo á Carpeta cidadá da persoa interesada, dispoñible na sede electrónica da Xunta de Galicia.

A xustificación para o programa Plan Corresponsables (SI436A) realizarase a custo real mediante a presentación das facturas ou documentos de valor probatorio equivalente, acreditativos dos gastos de persoal correspondentes ás actuacións subvencionadas.

Sexto. As entidades locais beneficiarias deberán cumprir, en todo caso, cos requisitos e obrigas exixidos nos artigos 10 e 11 da Lei 9/2007, do 13 de xuño, de subvencións de Galicia, así como coas condicións e obrigas establecidas no artigo 22 das bases reguladoras (Obrigas das entidades beneficiarias) e demais que resulten exixibles segundo a normativa de aplicación.

Sétimo. No artigo 24 das bases reguladoras establécense os criterios de gradación dos posibles incumprimentos que determinan, de ser o caso, a perda do dereito ao cobramento da subvención, a minoración da cantidade concedida ou, de ser o caso, o reintegro total ou parcial da axuda percibida.

Oitavo. Os períodos de referencia para o desenvolvemento do programa do Plan Corresponsables no ámbito local (SI436A) e para a imputación dos gastos subvencionables é o seguinte: serán subvencionables os gastos xerados entre o 1 de outubro de 2023 e o 30 de setembro de 2024, ambos os dous incluídos.

Noveno. Esta resolución esgota a vía administrativa e contra ela poderá interporse recurso potestativo de reposición, ante a Dirección Xeral de Promoción da Igualdade, no prazo dun mes contado desde o día seguinte ao desta publicación, de conformidade co establecido nos artigos 112, 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ao desta publicación, de acordo co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 10 de xullo de 2024. A conselleira de Política Social e Igualdade. P.D. (Disposición adicional única da Orde do 4.6.2024). María Quintiana Pérez, directora xeral de Promoción da Igualdade.

ANEXO I

Concesións

Núm. expediente	Entidade (orde puntuación)	NIF	Nome da medida	Gasto elixible (€)*	Puntuación	Importe (€)
SI436A-2024-00000176-00	Concello de Valdoviño	P1508800H	Concilia Tempos	47.300,00	40	37.840,00
SI436A-2024-00000024-00	Concello de Vilamarín	P3208800G	Programa Pica pau 2024	16.483,50	39	13.186,80
SI436A-2024-00000154-00	Concello de Paradela	P2704200A	Programa Corresponsables en Paradela: axuda á conciliación de familias con menores a cargo	9.160,56	39	7.328,45
SI436A-2024-00000091-00	Concello de Agolada	P3602000F	Plan Corresponsables concello de Agolada	26.840,00	39	21.472,00
SI436A-2024-00000072-00	Concello de Viana do Bolo	P3208700I	Medidas municipais de conciliación	25.523,78	39	20.419,02
SI436A-2024-00000012-00	Concello de Leiro	P3204100F	Plan Corresponsables Leiro 2024	22.830,75	39	18.264,60
SI436A-2024-00000191-00	Concello de Xermade	P2702100E	Campamento de verán Xermade concilia 2024	8.364,13	38	6.691,30
SI436A-2024-00000231-00	Concello de San Sadurniño	P1507700A	Aldea de verán	13.702,30	38	10.961,84
SI436A-2024-00000114-00	Concello de Dumbría	P1503400B	Dumbría concilia	32.811,24	38	26.248,99
SI436A-2024-00000037-00	Concello de Friol	P2702000G	Plan Corresponsables no ámbito local	15.064,16	38	12.051,33
SI436A-2024-00000035-00	Concello do Vicedo	P2706400E	Ludoteca de verán e programa de madrugadores	10.839,80	38	8.671,84
SI436A-2024-00000041-00	Concello de Ames	P1500200I	Plan Corresponsables	150.000,00	38	120.000,00
SI436A-2024-00000182-00	Concello de Ponteareas	P3604200J	Ponteareas concilia programa do Plan Corresponsables	150.000,00	38	120.000,00
SI436A-2024-00000045-00	Concello de Muíños	P3205200C	Ludoverán	7.920,00	37	6.336,00
SI436A-2024-00000226-00	Concello da Illa de Arousa	P8600004I	Programa Revoltas	9.075,00	37	7.260,00
SI436A-2024-00000185-00	Concello de Chandrexa de Queixa	P3203000I	Programa Plan Corresponsables no ámbito local	3.962,11	37	3.169,69
SI436A-2024-00000150-00	Concello de Esgos	P3203200E	Esgos concilia 2024	8.602,44	37	6.881,95
SI436A-2024-00000216-00	Concello de Arzúa	P1500600J	Xogarzúa	28.725,31	37	22.980,25
SI436A-2024-00000223-00	Concello de Outes	P1506300A	Programa Outes concilia	25.637,83	37	20.510,26
SI436A-2024-00000148-00	Concello da Guarda	P3602300J	Campamentos conciliaguarda no verán, Semana Santa e Nadal	18.073,00	37	14.458,40
SI436A-2024-00000018-00	Concello das Pontes de García Rodríguez	P1507100D	Campamentos urbanos de conciliación	38.315,82	37	30.652,66
SI436A-2024-00000210-00	Concello de Ordes	P1506000G	Ordes corresponsable	132.572,70	37	106.058,16

(*) Custos directos de persoal máis un 10 % e menos os ingresos percibidos que non se reverten no propio plan, de ser o caso, cun máximo de 150.000,00 € cando se trate dunha solicitude individual e de 225.000,00 € cando se trate dunha solicitude de xestión compartida ou dunha entidade resultante da fusión de concellos.