Mediante a Resolución do 22 de decembro de 2022, convócase o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso no corpo administrativo da Administración xeral da Comunidade Autónoma de Galicia, no corpo de axudantes de carácter facultativo de Administración especial da Administración xeral da Comunidade Autónoma de Galicia, subgrupo C1, no corpo de técnicos de carácter facultativo de Administración especial da Administración xeral da Comunidade Autónoma de Galicia, grupo B e para o ingreso nas categorías 3, 12, 15, 34, 36, 37, 43, 52, 54, 54B, 66, 71, 94, 98, 100, 101, 103 e 104 do grupo III de persoal laboral da Xunta de Galicia e persoal laboral propio do Cixtec (grupo III) (DOG núm. 244, do 26 de decembro). Esta resolución foi modificada pola Resolución do 20 de xaneiro de 2023 (DOG núm. 15, do 23 de xaneiro) e pola Resolución do 6 de febreiro de 2023 (DOG núm. 26, do 7 de febreiro) (corrección de erros DOG núm. 64, do 31 de marzo).

A base III.2 da Resolución do 22 de decembro de 2022 dispón que os méritos enumerados na súa base III.1 deberán referirse á data de publicación da convocatoria no Diario Oficial de Galicia, que foi o 26 de decembro de 2022. Estes méritos deberán acreditarse de conformidade co procedemento que se estableza por resolución da persoa titular da consellería competente en materia de función pública, que será publicada no Diario Oficial de Galicia.

No Diario Oficial de Galicia núm. 32, do 14 de febreiro de 2024, publicouse a Resolución do 8 de febreiro de 2024 pola que se fai público o procedemento para a acreditación dos méritos do proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, no corpo administrativo da Administración xeral da Comunidade Autónoma de Galicia, no corpo de axudantes de carácter facultativo de Administración especial da Administración xeral da Comunidade Autónoma de Galicia, subgrupo C1, no corpo de técnicos de carácter facultativo de Administración especial da Administración xeral da Comunidade Autónoma de Galicia, grupo B e para o ingreso nas categorías 3, 12, 15, 34, 36, 37, 43, 52, 54, 54B, 66, 71, 94, 98, 100, 101, 103 e 104 do grupo III de persoal laboral da Xunta de Galicia e do persoal laboral propio do Cixtec (grupo III). O prazo para a acreditación dos méritos estableceuse en dez días, e rematou o 28 de febreiro de 2024.

A base III.3 da Resolución do 22 de decembro de 2022 establece que rematado o prazo de acreditación de méritos o tribunal procederá á baremación do concurso coa colaboración técnica que precise do persoal da dirección xeral competente en materia de función pública, así como que unha vez finalizada a fase de baremación o tribunal publicará o baremo provisional con indicación das puntuacións obtidas polas persoas aspirantes que foron avaliadas de acordo coas previsións contidas na propia base.

De conformidade co exposto, en sesión que tivo lugar o 4 de xullo de 2024, o tribunal nomeado pola Resolución do 29 de maio de 2024 (DOG núm. 108, do 5 de xuño) para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, nas categorías 3, 12, 15, 34, 36, 37, 43, 52, 54, 54B, 66, 71, 94, 98, 100, 101, 103 e 104 do grupo III de persoal laboral da Xunta de Galicia e do persoal laboral propio do Cixtec (grupo III),

RESOLVE:

Primeiro. Facer pública a baremación provisional do concurso de méritos das categorías profesionais de persoal laboral da Xunta de Galicia do grupo III que se relacionan no anexo desta resolución, con indicación da puntuación obtida polas persoas aspirantes que foron baremadas de acordo coas regras contidas na base III.3 da convocatoria.

A puntuación provisional obtida polas persoas baremadas reflíctese no portal web corporativo da Dirección Xeral de Emprego Público e Administración de Persoal: https://www.xunta.gal/funcion-publica/procesos-selectivos/consulta

En aplicación da base III, epígrafes 3 e 4 da convocatoria, non se publica a baremación provisional do concurso de méritos da categoría profesional 52 do grupo III (tradutor/a intérprete da Administración de xustiza), porque as persoas aspirantes declararon ter unha puntuación inferior a 30 puntos.

Segundo. De acordo co establecido na base III.3 da convocatoria, as persoas baremadas poderán formular reclamación contra as puntuacións provisionais perante o tribunal no prazo de 10 días hábiles contados a partir do día seguinte ao da publicación desta resolución no Diario Oficial de Galicia.

As reclamacións presentaranse a través de Fides na epígrafe de «inscrición en procesos selectivos». Para isto, a persoa aspirante accederá ao proceso de estabilización a que se refire esta resolución no que desexe formular reclamación, na epígrafe «Que podo facer?, presentación alegacións baremo».

Terceiro. Sen prexuízo do cumprimento do disposto no punto sexto da Resolución do 8 de febreiro de 2024 (DOG núm. 32, do 14 de febreiro), as persoas aspirantes baremadas deberán ter en conta que a forma documental de acreditar os méritos neste proceso é a que figura no anexo III da Resolución do 5 de decembro de 2023 (DOG núm. 237, do 15 de decembro).

Para efectos informativos, no portal web corporativo da Dirección Xeral de Emprego Público e Administración de Persoal: https://www.xunta.gal/funcion-publica/procesos-selectivos/consulta publícase un modelo de certificación de servizos prestados que se axusta ao contido do apartado c) do anexo III da devandita Resolución do 5 de decembro de 2023.

Santiago de Compostela, 4 de xullo de 2024

Concepción Moares Domínguez
Presidenta do tribunal

ANEXO

Categorías de persoal laboral do grupo III en que se publica o baremo provisional

Categorías profesionais
Cat. 3. Controlador/a pecuario/a. Axudante/a técnico/a pecuario/a.
Cat. 12 Mestre/a de taller
Cat. 15. Experto/a en exposicións.
Cat. 34. Especialista de oficios (debuxante).
Cat. 36. Experto/a audiovisuais.
Cat. 37. Técnico/a de son.
Cat. 43. Encargado/a estrutura escénica. Encargado/a de taller de escenografía. Técnico/a de máquinas do IGAEM.
Cat. 54. Técnico/a especialista en radioloxía (TER).
Cat. 54B. Hixienista dental.
Cat. 66. Axudante taller. Adxunto/a taller.
Cat. 71. Oficial/a de primeira xardineiro/a.
Cat. 94. Técnico/a auxiliar en imaxe e son.
Cat. 98. Auxiliar de luces.
Cat. 100. Bombeiro/a forestal xefe/a de brigada
Cat. 101. Proxeccionista.
Cat. 103. Entrevistador/a. Enquisador/a.
Cat. 104. Intérprete de linguaxe de signos