Ramiro Lema Rey solicita de Augas de Galicia, por encontrarse nas marxes do río sen denominación (s/d), a autorización de obras na parcela de referencia catastral 0543804NH1904S0001MP, no lugar de Mens, parroquia de Mens (Santiago), concello de Malpica de Bergantiños (A Coruña).

Descrición:

Obras para peche dun predio.

O anterior faise público, en cumprimento do establecido no artigo 109 do Regulamento do dominio público hidráulico, para xeral coñecemento, durante un prazo de vinte (20) días laborais, contados a partir do seguinte á data de publicación no Diario Oficial de Galicia do presente anuncio, co fin de que as persoas interesadas poidan presentar as súas reclamacións, durante o prazo sinalado, ante Augas de Galicia.

A documentación estará dispoñible para a súa consulta no portal da internet de Augas de Galicia (http://augasdegalicia.xunta.gal) na sección denominada «participación pública», así como nas oficinas deste servizo, situadas na r/ Vicente Ferrer, 2, 9º andar (Edificio Administrativo Monelos), A Coruña, onde estará exposto o expediente de que se trata para que poida ser examinado por quen o desexe, logo de cita no teléfono 981 18 25 30.

A Coruña, 9 de novembro de 2023

Néstor Rodríguez Arias
Xefe do Servizo Territorial da Zona Hidrográfica de Galicia Norte