En cumprimento do previsto nos artigos 109 e 163 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:
Solicitante: Comunidade de Usuarios de Casalvito.
Expediente: DH.A36.65425.
Volume total anual: 8.146,10 m3/ano.
Caudal máximo instantáneo: 0,008 l/s.
Destino: abastecemento e rega.
Orixe: manancial na parcela 961, polígono 19 do Catastro de Poio.
Lugar: Casalvito.
Parroquia: Poio (San Xoán).
Concello: Poio.
Descrición:
A auga do manancial condúcese á caseta con ref. catastral 4787094NG2948N0000JD, que contén 44 depósitos individuais desde os cales se distribúe ás vivendas e parcelas de regadío que abastece a Comunidade no lugar de Casalvito.
O proxecto pode consultarse na sección «Participación pública» do portal da internet de Augas de Galicia (https://augasdegalicia.xunta.gal) e nas oficinas deste servizo territorial, situadas na rúa San Salvador, núm. 2, 4º, 36240 Vigo (Pontevedra).
Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Vigo, 11 de xuño de 2024
Susana Pérez González
Xefa do Servizo Territorial da Zona Hidrográfica de Galicia Sur