Na sesión realizada polo Xurado Provincial o día 4 de xuño de 2024, figura o seguinte acordo:
MVMC Serra de Mirandela, Paleira, Arriba de Salvaráns e Caxigueira (expediente 89/79), pertencente aos veciños da parroquia de Mirandela, no concello de Castroverde.
O 21 de agosto de 2023, a Comunidade de Mirandela presentou unha proposta de deslindamento do seu monte, respecto de propiedades particulares, coa cal solicitaba o inicio do correspondente procedemento, de acordo co disposto no artigo 45 da Lei 7/2012, do 28 de xuño, de montes de Galicia. A este procedemento manténselle o número de expediente 5DES_2020, asignado con antelación a esta solicitude.
O 31 de agosto de 2023, o Servizo de Montes emitiu un informe favorable sobre a proposta formulada.
O 21 de setembro de 2023 publicouse no DOG o anuncio polo que se fixo pública a proposta de deslindamento e se abría o prazo de alegacións para o expediente 5DES_2020. Así mesmo, o anuncio foi publicado no Concello de Castroverde e na web da Consellería do Medio Rural.
O 7 de decembro de 2023, a Comunidade de Mirandela presentou una proposta tras a consideración das alegacións presentadas. O 14 de decembro de 2023, o Servizo de Montes emitiu un novo informe favorable sobre o deslindamento solicitado.
O 4 de marzo de 2024 tivo entrada a proposta definitiva da liña de deslindamento, nos termos requiridos no citado artigo 54.
O 15 de marzo de 2024, o Servizo de Montes emitiu un informe no cal se especifican as modificacións que se producen como consecuencia do deslindamento. Segundo a nova cartografía, o monte de Serra de Mirandela, Paleira, Arriba de Salvaráns e Caxigueira pasa a ter unha superficie de 42,70 hectáreas.
De conformidade co disposto no artigo 54.3 da Lei 7/2012, no caso de informe favorable, unha vez ratificado o deslindamento provisional pola Asemblea Xeral, darase traslado ao Xurado Provincial dos acordos acadados. O Xurado Provincial de Clasificación de Montes Veciñais en Man Común ditará resolución aprobatoria do deslindamento.
En vista do anterior, o Xurado, por unanimidade, acorda aprobar o deslindamento e que se proceda a realizar as oportunas correccións no expediente, de conformidade co informe elaborado polo Servizo de Montes.
O plano que figura no anexo, ao final deste anuncio, corresponde ao monte veciñal tras o deslindamento aprobado.
Contra este acordo, desde o día seguinte ao da súa publicación no Diario Oficial de Galicia, poderá interporse recurso potestativo de reposición, ante o Xurado Provincial de Clasificación de Montes Veciñais en Man Común de Lugo, no prazo dun mes, ou ben directamente recurso contencioso-administrativo, ante o Xulgado do Contencioso-Administrativo de Lugo, no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, reguladora da xurisdición contencioso-administrativa.
Lugo, 12 de xuño de 2024
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo