Na sesión realizada polo Xurado Provincial o día 4 de xuño de 2024 figura o seguinte acordo:
Monte Paradaseca, pertencente aos veciños da parroquia de Paradaseca, no concello de Quiroga. Expediente: Quiroga/56_76/2022_195.
O 11 de marzo de 2024 o Xurado ditou a resolución pola que aprobou a revisión do esbozo do MVMC Paradaseca por instancia da comunidade propietaria do monte. Este acordo foi publicado no Diario Oficial de Galicia o 16 de abril de 2024.
O 13 de maio de 2024 tivo entrada un recurso de reposición presentado pola comunidade propietaria do MVMC Paradapiñol e Rugando, estremeiro co MVMC de Paradaseca. En síntese, expoñen que o esbozo resultante do MVMC Paradaseca inclúe terreos que pertencen ao de Paradapiñol e Rugando e non se axusta ao procedemento descrito na disposición transitoria décimo terceira da Lei 7/2012, de montes de Galicia.
Unha vez examinado o recurso de reposición, o Xurado, por unanimidade, acorda inadmitilo por non ser o solicitado nel obxecto do acto contra o cal se recorre, de conformidade cos fundamentos que se recollen na correspondente resolución.
Contra esta resolución poderá interporse recurso contencioso-administrativo ante o Xulgado do Contencioso-Administrativo de Lugo no prazo de dous meses, contados desde o día seguinte á súa notificación ou publicación no Diario Oficial de Galicia, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Lugo, 11 de xuño de 2024
María Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo