Para os efectos previstos no artigo 28 do Regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de se-tembro, e de conformidade co disposto no artigo 45.1 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Lugo, na sesión do 4 de xuño de 2024, baixo a presidencia de María Olga Iglesias Fontal e coa asistencia dos vogais Manuel González Fernández, Josefina Pereira de la Riera e Inmaculada Mourín González, e da secretaria Lucía Belver Quiroga, ditou a resolución de clasificar como veciñal en man común o seguinte monte:
– Denominación: Pol.
– Comunidade propietaria: veciños/as da parroquia de Santa Mariña de Pol.
– Concello: Baralla.
– Superficie: 17,45 hectáreas.
Na seguinte táboa indícanse as referencias catastrais das parcelas obxecto de clasificación, así como das estremeiras. O plano que figura no anexo, ao final deste anuncio, facilita a súa localización.
|
Parcelas de clasificación |
Lindes |
Parcelas estremeiras |
|
27036A108006610000SW (parcialmente) e 27036A109006290000SZ |
Norte |
27036A10800662 27036A10800660 |
|
Leste |
27036A10809033 (camiño) 27036A10809032 (camiño) 27036A10900605 27036A10909018 (camiño) |
|
|
Sur |
27036A10900250 27036A10900317 |
|
|
Oeste |
27036A10909009 (camiño) 27036A10800661 |
Contra esta resolución poderá interporse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 11 de xuño de 2024
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
ANEXO
Plano dos terreos clasificados como MVMC Pol
