Aprobada inicialmente polo Concello, Pleno do 30 de maio de 2024, a modificación puntual número 9 do Plan xeral de ordenación municipal (en diante, PXOM), equipamentos e dotacións.
En cumprimento de tal acordo e das prescricións contidas no artigo 60.6 da Lei 2/2016, do 10 de febreiro, do solo de Galicia, sométese o expediente a información pública polo prazo de dous (2) meses, mediante anuncio que se publicará no Diario Oficial de Galicia e nun dos xornais de maior difusión na provincia, así como na sede electrónica deste concello www.carballino.gal
Durante o período de información pública quedará o expediente á disposición de calquera que queira examinalo, para os efectos de que se presenten as alegacións e suxestións que se consideren pertinentes.
A aprobación inicial leva a suspensión do outorgamento de licenzas no ámbito afectado por esta, suspensión que se extinguirá coa aprobación definitiva da modificación puntual do número 9 do PXOM, equipamentos e dotacións.
O Carballiño, 31 de maio de 2024
Francisco José Fumega Piñeiro
Alcalde