Antecedentes:
1. O día 25 de xaneiro de 2024, María Victoria García Figueiras (***4317**), Ramón Rodríguez Muñiz (***5983**), Alejandro de la Torre Lamosa (***9718**), María Carmen Lamosa García (***6195**), José Manuel de la Torre Lamosa (***9118**) e Mª Dolores de la Torre Lamosa (***9346**) solicitaron permiso para permutar os puntos de ancoraxe entre as bateas denominadas Sabino IV e Ramorta II.
2. Os interesados achegaron a documentación requirida para a tramitación deste tipo de procedementos.
3. No expediente constan os informes técnicos favorables.
Consideracións legais e técnicas:
1. Este órgano é competente para resolver o expediente de conformidade co disposto na Orde do 18 de abril de 2001 pola que se regula o procedemento que rexerá a permuta de puntos de fondeadura e os cambios de sistema, localización e cultivo nos viveiros de cultivos mariños (DOG núm. 83, do 30 de abril), e en virtude da Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG núm. 41, do 1 de marzo).
2. O expediente tramitouse de conformidade co disposto na Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e coas especialidades previstas na Orde do 18 de abril do 2001 pola que se regula o procedemento que rexerá a permuta de puntos de fondeadura e os cambios de sistema, localización e cultivo nos viveiros de cultivos mariños.
De acordo con todo o indicado,
RESOLVO:
Autorizar a permuta dos puntos de ancoraxe dos seguintes viveiros:
Subtipo: batea.
Nome: Sabino IV.
Especies: mexillón (Mytilus galloprovincialis).
Localización:
Cuadrícula nº: 45.
Polígono: A.
Distrito: Portonovo (Pontevedra).
Titulares: María Victoria García Figueiras (***4317**) e Ramón Rodríguez Muñiz (***5983**).
Remate da vixencia: 15.12.2029.
Subtipo: batea.
Nome: Ramorta II.
Especies: mexillón (Mytilus galloprovincialis).
Localización:
Cuadrícula nº: 67.
Polígono: A.
Distrito: Bueu (Pontevedra).
Titulares: Alejandro de la Torre Lamosa (***9718**), María Carmen Lamosa García (***6195**), José Manuel de la Torre Lamosa (***9118**) e Mª Dolores de la Torre Lamosa (***9346**).
Remate da vixencia: 15.12.2029.
Baixo as seguintes condicións:
Primeira. Como consecuencia da permuta, a localización dos viveiros queda como se indica:
Nome: Sabino IV.
Localización:
Cuadrícula nº: 67.
Polígono: A.
Distrito: Bueu (Pontevedra).
Nome: Ramorta II.
Localización:
Cuadrícula nº: 45.
Polígono: A.
Distrito: Portonovo (Pontevedra).
Segunda. As bateas afectadas deberán adaptarse ás condicións do polígono de destino e as placas identificadoras modificaranse segundo o indicado nesta resolución.
Terceira. O traslado das bateas realizarase no prazo máximo de 3 meses contados desde o día seguinte ao da publicación no DOG desta resolución, e contará coas pertinentes autorizacións de organismos competentes na materia. Rematado o prazo sen efectuar o traslado, a autorización quedará sen efecto.
Cuarta. Os titulares das concesións certificarán a realización da permuta, unha vez rematado o traslado dos artefactos.
Quinta. No caso de trasladar o mexillón das bateas, deberán aterse ao establecido na Orde do 14 de marzo de 1997 pola que se establecen condicións para o traslado de moluscos bivalvos entre viveiros situados en augas da Comunidade Autónoma de Galicia (DOG núm. 61, do 1 de abril).
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a persoa titular da Consellería do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 24 de maio de 2024
O conselleiro do Mar
P.D. (Orde do 21.2.2022)
Sonia Lorenzo Santos
Directora territorial de Vigo