En cumprimento do establecido no artigo 19 do Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre, faise público que, mediante a Resolución do 10 de xuño de 2024, se autoriza a modificación substancial do establecemento de acuicultura en zona terrestre que se describe:

Titular: Acuidoro, S.L.U. (B15139785).

Tipo de establecemento: granxa mariña.

Especies autorizadas: rodaballo (Scophtalmus maximus) e linguados (Solea solea e Solea senegalensis).

Localización: polígono industrial de Cuíña, San Cibrao, Cervo, Lugo.

Proxecto: ampliación das instalacións de acuicultura en Cervo, Lugo (edificio de linguado, fase II).

O informe de impacto ambiental do proxecto fíxose público mediante o Anuncio do 9 de xuño de 2023, da Dirección Xeral de Calidade Ambiental e Cambio Climático, publicado no Diario Oficial de Galicia núm. 119, do 23 de xuño.

Santiago de Compostela, 11 de xuño de 2024

Antonio Basanta Fernández
Director xeral de Pesca, Acuicultura e Innovación Tecnolóxica