O Decreto 143/2013, do 12 de setembro, establece os prezos públicos exixibles polas prestacións dos servizos de residencia e comedor nos centros de formación das familias marítimo-pesqueira e agroforestal, así como os prezos de matrícula na Aula de Seguridade e Salvamento, dependentes destas consellerías.
Así mesmo, no seu artigo 6.1 determina o mecanismo de actualización dos prezos públicos. Os prezos así actualizados faranse públicos mediante resolución da persoa titular da consellería con competencias en materias de pesca, agricultura e forestal, que será publicada no Diario Oficial de Galicia.
Por isto, e en virtude do parágrafo primeiro do artigo 6 do Decreto 143/2013, do 12 de setembro, polo que se fixan os prezos públicos polos servizos de residencia e comedor prestados nos centros de formación das familias marítimo-pesqueira e agroforestal, así como os prezos de matrícula na Aula de Seguridade e Salvamento, dependentes destas consellerías,
RESOLVO:
Primeiro. Actualizar os prezos públicos exixibles polas prestacións dos servizos de residencia e/ou comedor nos centros de formación da familia marítimo-pesqueira dependentes da Consellería do Mar, dos servizos de residencia e/ou comedor nos centros de formación e experimentación agraria da Axencia Galega da Calidade Alimentaria (Agacal), dependentes da Consellería do Medio Rural, e pola matrícula nos cursos de especialización en materia de seguridade, supervivencia e loita contra incendios impartidos na Aula de Seguridade e Salvamento de Ferrol, que queda da maneira seguinte:
1. Catálogo de prezos públicos en residencias:
|
Servizo |
Prezo/persoa |
|
Residencia en pensión completa curso escolar completo |
2.389,37 € |
|
Residencia en pensión completa por período inferior a un curso escolar |
13,30 €/día |
|
Xantar por bono semanal de cinco días |
27,29 € |
|
Xantar diario non regular |
6,04 €/día |
2. Catálogo de prezos públicos de matrícula en cursos na Aula de Seguridade e Salvamento de Ferrol:
|
Curso |
Prezo/persoa |
|
Formación básica en seguridade (teórico) |
473,48 € |
|
Prácticas de formación básica en seguridade |
352,07 € |
|
Avanzado en loita contra incendios |
485,61 € |
|
Embarcacións de supervivencia e botes de rescate (non rápidos) |
546,32 € |
Segundo. Esta resolución producirá efectos desde o día seguinte ao da súa publicación no Diario Oficial de Galicia.
Santiago de Compostela, 3 de xuño de 2024
|
Alfonso Villares Bermúdez |
María José Gómez Rodríguez |