Unha vez obtido informe favorable á proposta de deslinde con predios particulares presentada pola Comunidade de Montes Veciñais en Man Común de Chaín, concello de Gondomar, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar para a exposición do plano e demais documentación do monte o centro cultural de A Merced, no lugar de Chaín, Pintor 25A, 36389 Gondomar (Pontevedra). No seguinte horario: martes a venres, das 19.30 ás 23.00 horas, e sábados e domingos das 13.00 ás 23.00 horas.

Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os lindeiros que desexen comparecer presenten alegacións e os títulos que acrediten a propiedade no mesmo enderezo indicado no parágrafo anterior.

O que se fai público para xeral coñecemento.

Pontevedra, 28 de maio de 2024

Antonio Crespo Iglesias
Director territorial de Pontevedra