VI. Anuncios
a) Administración autonómica
Consellería do Medio Rural
ANUNCIO do 28 de maio de 2024, do Xurado Provincial de Montes Veciñais en Man Común de Lugo, polo que se comunica a iniciación dun expediente para a posible clasificación do monte de San Vitorio, no concello do Saviñao (expediente 3/2023).
Ante o Xurado Provincial de Clasificación de Montes Veciñais en Man Común de Lugo tramítase o expediente de clasificación do monte coas seguintes características:
– Expediente: 3/2023.
– Denominación: San Vitorio.
– Comunidade propietaria: veciños/as da parroquia de San Vitorio de Ribas de Miño.
– Concello: O Saviñao.
– Superficie: 149,71 hectáreas.
Na seguinte táboa, diferenciadas en nove zonas, indícanse as referencias catastrais das parcela obxecto de clasificación, así como das estremeiras. Os planos que figuran no anexo, ao final deste anuncio, facilitan a súa localización.
En virtude do acordado polo Xurado na sesión do 18.12.2023 e en cumprimento da orde do instrutor, conforme o disposto na Lei 13/1989, do 10 de outubro, de montes veciñais en man común, mediante este anuncio faise pública a iniciación do expediente para a posible clasificación do monte indicado.
Ábrese un período dun mes, contado desde o día seguinte ao da súa publicación no Diario Oficial de Galicia, para que as persoas interesadas poidan intervir no expediente e formular as alegacións que coiden oportunas, así como achegar os documentos ou informacións que xulguen convenientes, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Lugo, 28 de maio de 2024
Mª Olga Iglesias Fontal
Presidenta do Xurado Provincial de Clalificación de Montes
Veciñais en Man Común de Lugo