BDNS (Identif.): 766274.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo pode consultarse na Base de datos nacional de subvencións (http://www.pap.minhap.gob.es/
bdnstrans/index).
Primeiro. Persoas beneficiarias
Poden ser persoas beneficiarias as que acrediten, mediante resolución da persoa titular da dirección da Axencia Galega de Desenvolvemento Rural, o especial interese agrario da permuta.
Ademais, han de estar ao día nas obrigas tributarias coa AEAT, nos pagamentos coa Seguridade Social e no pagamento das débedas coa Administración Pública da comunidade autónoma.
Non poderán acceder a estas axudas as persoas que se atopen afectadas por algunha das circunstancias previstas nos artigos 10.2 e 10.3 da Lei 9/2007, do 13 de xuño, de subvencións de Galicia.
Segundo. Obxecto
O obxecto é regular o procedemento para a concesión das axudas para os gastos notariais e de inmatriculación rexistral de predios agroforestais obxecto de permutas de especial interese agrario, en réxime de concorrencia non competitiva, así como convocar as axudas para o ano 2024.
Terceiro. Bases reguladoras
Resolución do 29 de maio de 2024 pola que se aproban as bases reguladoras das axudas para os gastos notariais e de inmatriculación rexistral de predios agroforestais obxecto de permutas de especial interese agrario, en réxime de concorrencia non competitiva, e se anuncia a convocatoria para o ano 2024 (código de procedemento MR709B).
Cuarto. Contía
O importe asignado á convocatoria de 2024 é de cincuenta mil euros (50.000 €) e imputarase ás aplicacións orzamentarias 14.A1.712A.781.0 (42.500 €) e 14.A1.712A.770.0 (7.500 €), código de proxecto 2023-00005, dos orzamentos da Axencia Galega de Desenvolvemento Rural.
Quinto. Prazo de presentación de solicitudes
O prazo para presentar as solicitudes iniciarase o día seguinte ao da publicación no DOG da Resolución do 29 de maio de 2024 e rematará o 15 de novembro de 2024. Se o último día do prazo fose inhábil entenderase prorrogado ao primeiro día hábil seguinte.
Sexto. Outros datos
A concesión de axudas tramitarase en réxime de concorrencia non competitiva.
A axuda cubrirá os gastos notariais de outorgamento da escritura de permuta e mais os gastos rexistrais de inscrición da permuta, así como, de ser o caso, de inmatriculación dos predios permutados.
Santiago de Compostela, 29 de maio de 2024
Mª Paz Rodríguez Rivera
Directora xeral da Axencia Galega de Desenvolvemento Rural